განტვირთვის დღის ძირითადი შეცდომები - მკურნალი.გე

რუბრიკები

ოჯახის მკურნალის ანონსი

ოქტომბერი 2020

კითხვა-პასუხი

განტვირთვის დღის ძირითადი შეცდომები

განტვირთვის დღის ძირითადი შეცდომები
განტვირთვის დღე ორგანიზმისთვის ეფექტურია, რადგანაც თავისუფლდება ზედმეტი სითხისგან, ქვეითდება სისხლში შაქრისა და ქოლესტერინის დონე. აქტიურდება ნაწლავის მუშაობა. განტვირთვა ყველასათვის სასიამოვნა არაა, რადგანაც შეიძლება მოახდინოს გასტრიტის, პანკრეატიტის და შაკიკის პროვოცირება. როგორ მოვიყვანოთ ორგანიზმი ტონუსში, ზედმეტი მოვიშოროთ ისე, რომ არაფერი ვავნოთ თავს.

განტვირთვის დღე ერთდღიანი მონოდიეტაა, ანუ ერთი დღის განმავლობაში ვიღებთ მხოლოდ ერთი სახის პროდუქტს, მაგალითად ვაშლს ან ხაჭოს. ამასთან, საერთო კალორიულობა არ უნდა აღემატებოდეს 600–1000 კალორიას. იგი ძალიან ეფექტურია, რადგანაც დღის განმავლობაში უფრო მეტი კალორია იხარჯება, ვიდრე მოიხმარება, შედეგად ჩქარდება ნივთიერებათა
ცვლა.

როგორი შედეგი შეიძლება მივიღოთ?

ზოგიერთი დღეში 1-2 კგ-ის დაკლებას ახერხებს, მაგრამ ეს არის სითხე და არა ცხიმი. ცხიმის დასაწვავად, მარტო კვების შეზღუდვა საკმარისი არაა, საჭიროა ფიზიკური დატვირთვაც. განტვირთვის დღის მიზანი ნივთიერებათა ცვლის „შეჯანჯღარებაა“. ყველა წესის
დაცვისას, განტვირთვის დღის შემდეგ თუ არ მივაწყდებით ტკბილეულს, ცხიმიანსა და ცომეულს, გახდომა შესაძლებელია, ორგანიზმი საკვებს უფრო სწრაფად მოინელებს.

რომელი პროდუქტები შეიძლება მივიღოთ განტვირთვის დღეს

• ხორცი/თევზი დღეში: 400გრ ხორცი ან თევზი (800 კკალ) — ცილოვანი საკვები ხელს უწყობს ცხიმის გროვების დაწვას.
• ვაშლის დღე: 1-1,5 კგ ვაშლი (500-600 კკალ) — ვაშლში მდიდრადაა საკვები ბოჭკოები, რომლებიც წმენდენ ორგანიზმს.
• კეფირის დღე: 1-1,5 ლ კეფირი (1000კკალ) —აუმჯობესებს კუჭის მუშაობას.
• კურაგის დღე: 500 გრ (1000 კკალ) — კურაგა კალიუმის წყაროა, რომელიც არეგულირებს ორგანიზმში წყლის ბალანსს და გამოდევნის ზედმეტ სითხეს.
• წიწიბურას დღე: 250 გრ (700კკალ) — „უხეში“ საკვები შეიცავს უჯრედისს და ასტიმულირებს საკვების მონელებას.
• საკვების უნდა ვიიღოთ დღეში 4-5 ჯერ.

როდის სრულდება განტვირთვის დღე „სასწრაფო დახმარებით“

მაშინ, როდესაც პროდუქტს ჯანმრთელობის მდგომარეობის გაუთვალისწინებლად ვირჩევთ.
• თირკმელებთან დაკავშირებული პრობლემების დროს არ შეიძლება განტვირთვა ცილოვანი საკვებით (ხორცი, თევზი, რძის პროდუქტები).
• ცილების გადამუშავების დროს, გამოიყოფა ტოქსინები, რომლებიც თირკმელების საშუალებით უნდა გამოვიდეს ორგანიზმიდან. ხორცისა და რძის პროდუქტების მიღებით, მთელი სიმძლავრით ვაიძულებთ მათ მუშაობას.
• გასტრიტისა და კუჭის წყლულის დროს არ შეიძლება ვაშლითა და წიწიბურათი განტვირთვის მოწყობა.
• ვაშლი და წიწიბურა „უხეში“ საკვებია დიდი რაოდენობით საკვები ბოჭკოებით. ვაშლი კუჭის წვენის ჭარბად გამოყოფას იწვევს, იზრდება მჟავიანობა, რაც შეიძლება გასტრიტის შეტევით დასრულდეს.
• შარდმჟავას მომატებული დონის დროს არ შეიძლება ხორცის საშუალებით განტვირთვის დღის მოწყობა.
• ხორცი პურინების წყაროა. როდესაც ეს ნივთიერებები დიდი რაოდენობით ხვდება ადამიანის ორგანიზმში, იზრდება შარდმჟავას დონე, რაც იწვევს პოდაგრის განვითარებას.

უკუჩვენება

• შაქრიანი დიაბეტი. მთელი დღის განმავლობაში მონოკვება იწვევს შაქრის მკვეთრად შემცირებას, რაც დიაბეტიანებისთვის სიცოცხლისათვის საშიში შეიძლება აღმოჩნდეს.
• კუჭ-ნაწლავის ტრაქტის დაავადებების გამწვავება (წყლულოვანი დაავადება, გასტრიტი, პანკრეატიტი). არასწორად შერჩეულმა პროდუქტმა შეიძლება გამწვავება გამოიწვიოს.

ფრთხილად მარილი

ჭარბი მარილი არღვევს წყალ-მარილოვან ბალანსს, ზრდის წონას, ამიტომ განტვირთვის დღის შედეგი შეიძლება წყალში ჩაგვეყაროს. ამიტომ მინიმუმამდე დაიყვანეთ ერთი კვირის მანძილზე მაინც მარილიანი საკვების მიღება. უპირატესობა მიანიჭეთ ბოსტნეულსა და თევზს.

ადამიანის ტემპერამენტი მოქმედებს რაციონზეც. ეს ფაქტორი აუცილებლად უნდა გავითვალისწინოთ ნებისმიერი დიეტის შერჩევისას. განტვირთვის დღე არ უნდა განიხილებოდეს, როგორც მძიმე სამუშაო.

თუ ძალიან გიჭირთ მთელი დღე კეფირზე ყოფნა, სჯობს არ მივმართოთ ექსტრემალურ მეთოდებს- უბრალოდ შეამცირეთ კვების კალორაჟი კვირის განმავლობაში. ნებისმიერ შემთხვევაში, განტვირთვის დაწყებამდე რჩევა ექიმს ჰკითხეთ.

ლალი ჩხიკვაძე

გააკეთეთ კომენტარი
კომენტარი არ გაკეთებულა
მსგავსი სიახლეები
გრაცას უნივერსიტეტის (ავსტრია) მეცნიერებმა ჩაატარეს ხანგრძლივი ექსპერიმენტი, რომლითაც დაადგინეს, რომ პერიოდულად შიმშილობა
04-11-2019
ადამიანის ორგანიზმში ორი სახის ცხიმია: თეთრი ანუ "ცუდი" ცხიმი და ყავისფერი ანუ "კარგი" ცხიმი. სწორედ ამ თეთრი ცხიმისაგან
04-11-2019
წონის პრობლემა ერთ-ერთი აქტუალური საკითხია ჩვენს ქვეყანაში. ამიტომაცაა, რომ სხვადასხვა
26-10-2019
დიეტოლოგია
ედინბურგის უნივერსიტეტის მკვლევარების განცხადებით, კანის სიჯანსაღისა და ახალგაზრდობის შენარჩუნების
გადაცემაში "თქვენი კლინიკა" მოისმენთ 7 აკრძალვას, რომელთა
მოცხარმა ონკოლოგების ყურადღება მიიპყრო. კვლევამ აჩვენა, რომ ამ კენკრას შეუძლია კიბოს უჯრედებთან ბრძოლა.
კატეგორიის სხვა სტატიები
წონის კლება იოლი არ არის. თანამედროვე ცხოვრების არანორმალური რიტმიდან გამომდინარე ადამიანებმა მიმართეს
სპეციალისტებმა გაარკვიეს, როგორ გამომუშავდება ორგანიზმში დღეგრძელობის ცილა. ამისათვის თურმე
იაპონელი მეცნიერების აზრით, კვირაში სამჯერ სოკოს მიღება, პროსტატის კიბოს განვითარების
ყავა ცნობილია, როგორც მრავალი სასარგებლო ნაერთებით მდიდარი სასმელი, თუმცა ის ყველასათვის
კუნთოვანი ბოჭკოების ზრდისათვის აუცილებელია ცილები და ამინმჟავები. არსებობს პროდუქტები, რომლებიც
ექსეტერის უნივერსიტეტში შეადგინეს უკანასკნელი 10 წლის მანძილზე დედამიწის ატმოსფერული დაბინძურების რუქა.
როგორც ოქსფორდის უნივერსიტეტის კვლევამ აჩვენა, თაფლი, ტრადიციულ პრეპარატებზე
პირველი კლასი და სასკოლო ადაპტაცია - სასკოლო ადაპტაციის გასავლელად მშობლებს რჩევებს აძლევს
ადამიანის ხერხემალს ყოველდღიურად დიდი დატვირთვა ადგება, შესაბამისად,
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად