სისხლძარღვების დოპლეროგრაფია და დუპლექსური სკანირება
თავის ტვინის, კისრის ზედა და ქვედა კიდურების სისხლძარღვთა დოპლეროგრაფია, ისევე როგორც დუპლექსური საკნირება, მიეკუთვნება არაინვაზიურ დიაგნოსტიკურ პროცედურებს. მათი ღირსებაა ხელმისაწვდომობა, უკუჩვენების არარსებობა და დიდი ინფორმაციულობა. დოპლერის ეფექტის გამოყენებით შესაძლებელია სისხლის მოძრაობის სიჩქარის გამოთვლა, ცალკეულ სისხლძარღვებში სისხლის მიმოქცევის დარღვევის გამოვლინება. ხშირად ეს მონაცემები საკმარისია ზუსტი დიაგნოზის დასასმელად.
თავის მხრივ, კისრის, თავის ტვინისა და კიდურების სისხლძარღვების დუპლექსური სკანირება ინფორმაციას იძლევა არა მარტო სისხლის მიმოქცევის ხარისხზე, არამედ სისხლძარღვის სანათურის, სისხლძარღვთა ქსელის დაკლაკნილობის გეომეტრიაზე, ანატომიურ ან ოპერაციის შემდგომ ანომალიებზე, სისხლძარღვის კედლების სისქეზე, თრომბებისა და ათეროსკლეროზული ფოლაქების არსებობაზე.
რა არის სისხლძარღვების ულტრაბგერითი დიაგნოსტიკის ჩვენება?
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
ქვედა კიდურების სისხლძარღვების დოპლეროგრაფია მნიშვნელოვანია ისეთი დიაგნოზების დასასმელად, როგორებიცაა:
- ვარიკოზული დაავადება;
- მაობლიტირებელი ათეროსკლეროზი და ენდარტერიიტი;
- ღრმა ვენების თრომბოზი.
რადგან დუპლექსური სკანირება უფრო ინფორმაციულია, ის ეფექტურია დიაგნოზის დასაზუსტებლად. თავის ტვინის სისხლძარღვების დუპლექსურ სკანირებას ნიშნავენ იმ შემთხვევებში, როდესაც საჭიროა პრობლემური უბნის ლოკალიზაციის დადგენა. ამ კვლევის ჩატარება რეკომენდებულია 40 წელს გადაცილებული ადამიანებისათვის.
ისეთი მძიმე და საშიში დაავადების პრევენციაში, როგორიცაა ინსულტი, დიდი როლს ასრულებს ბრაქიოცეფალური არტერიების სკანირება. მას ნიშნავენ:
- გაურკვეველი წარმომავლობის თავის ტკივილის ან თავბრუსხვევის დროს;
- გულ-სისხლძარღვთა სისტემაზე ოპერაციული მკურნალობის დაგეგმვისას;
- თავის ტვინის სისხლის მიმოქცევის დარღვევის რისკის მქონე ადამიანების გამოკვლევისთვის;
- ინსულტის განვითარების ან ბრაქიოცეფალური არტერიების მიდამოს ზეწოლის სიმპტომების არსებობის დროს.
ქვედა კიდურების არტერიების, ასევე ვენების დუპლექსური სკანირება სისხლძარღვების მდგომარეობის სრულყოფილ სურათს იძლევა. ის არა მარტო სისხლის მიმოქცევის დარღვევის არსებობას ასახავს, არამედ მის გამომწვევ მიზეზსაც ხსნის. კერძოდ, კონკრეტული სისხლძარღვოვანი ანომალია ტრავმის შედეგია, ათეროსკლეროზული ცვლილება თუ სხვა.
ქვედა კიდურების სისხლძარღვების სკანირება აჩვენებს მათ მდგომარებას, როდესაც:
- საღამოს აღინიშნება ფეხების შეშუპება;
- კანის ფერისა და ვენების ცვლილება;
- სიარულისას კუნთების ტკივილი და დაბუჟება;
- სიცივე ფეხების მიდამოში.
