В ჰეპატიტი - რას გვიჩვენებს ანალიზის შედეგები
როგორ დავადგინო დაავადებული ვარ თუ არა B ჰეპატიტით?
როგორ გავიგო, მაქვს თუ არა B ჰეპატიტის საწინააღმდეგო იმუნიტეტი?
როგორ გავიგო, მჭირდება თუ არა B ჰეპატიტის საწინააღმდეგო აცრა?
1.
HBsAg - უარყოფითი
Anti-HBc - უარყოფითი
Anti-HBs - უარყოფითი
ეს იმას ნიშნავს, რომ თქვენი ორგანიზმი ჯერ არ შეხებია ვირუსს და არ ჩაგიტარებიათ ვაქცინაცია. თამამად შეგიძლიათ გაიკეთოთ B ჰეპატიტის საწინააღმდეგო აცრა!
2.
HBsAg - უარყოფითი
Anti-HBc - დადებითი
Anti-HBs - დადებითი
ეს იმას ნიშნავს, რომ ოდესღაც იყავით დასნებოვნებული B ჰეპატიტით და ამჟამად გაქვთ ამ დაავადებისადმი ბუნებრივი იმუნიტეტი.
3.
HBsAg - უარყოფითი
Anti-HBc - უარყოფითი
Anti-HBs - დადებითი
ეს აღნიშნავს, რომ გაქვთ B ჰეპატიტის ვაქცინაციის შედეგად ჩამოყალიბებულია იმუნიტეტი.
4.
HBsAg - დადებითი
Anti-HBc - დადებითი
Anti-HBc IgM - დადებითი
Anti-HBs - უარყოფითი
ეს ნიშნავს, რომ იმყოფებით B ჰეპატიტის ვირუსით ინფიცირების მწვავე სტადიაში.
5.
HBsAg - დადებითი
Anti-HBc - დადებითი
Anti-HBc IgM - უარყოფითი
Anti-HBs - უარყოფითი
ეს ნიშნავს, რომ გაქვთ ქრონიკული B ჰეპატიტი.
6.
HBsAg - უარყოფითი
Anti-HBc - დადებითი
Anti-HBs - უარყოფითი
აქ შეიძლება განვიხილოთ რამოდენიმე ვარიანტი:
1. გადატანილი გაქვთ B ჰეპატიტი (ყველაზე ხშირი მიზეზი).
2. Anti-HBc ანალიზის ცრუ-დადებითი შედეგი, ამგვარად ინფიცირების რისკის ქვეშ იმყოფებით.
3. "დაბალი აქტივობის" ქრონიკული ინფექცია.
4. მწვავე ინფექცია.
II. რას აღნიშნავს ლათინური ასოები
HBsAg - B ჰეპატიტის ვირუსის ზედაპირული ანტიგენი. ცილა, რომელიც В ჰეპატიტის ვირუსის ზედაპირზეა. აღნიშნული ცილის შემცველობის მაღალი დონე სისხლის შრატში ვლინდება B ჰეპატიტის ვირუსით ინფექციის მწვავე ან ქრონიკულ სტადიაში. ზედაპირული ანტიგენის არსებობა ნიშნავს, რომ ადამიანს ვირუსის გადაცემა სხვა ადამიანზე შეუძლია.
Anti-HBs - B ჰეპატიტის ვირუსის HBs- ანტიგენის მიმართ ანტისხეულებია. ამ ანტისხეულების არსებობა მეტყველებს B ჰეპატიტისგან განკურნებასა და იმუნიტეტის არსებობაზე, მათ შორის ვაქცინაციის საშუალებით.
Anti-HBc - B ჰეპატიტის ვირუსის ბირთვული ანტიგენის მიმართ სუმარული ანტისხეულები. ჩნდება მწვავე B ჰეპატიტის პირველივე სიმპტომებისას და რჩება მთელი სიცოცხლის განმავლობაში. ამ ანტისხეულების არსებობა მიუთითებს, რომ ადამიანს ან გადატანილი აქვს B ჰეპატიტი, ან ამჟამადაა დაავადებული.
Anti-HBc IgM - B ჰეპატიტის ვირუსის ბირთვული ანტიგენის მიმართ M კლასის ანტისხეულები. აღნიშნული ანალიზის დადებითი შედეგი აღნიშნავს B ჰეპატიტის ვირუსით არც თუ ისე შორეულ ინფექციას (<6 თვე). ამ ანტისხეულების არსებობა მიუთითებს მწვავე ინფექციაზე.