რა არის ჰისტეროსკოპია და როგორ და რატომ ტარდება - მკურნალი.გე

რუბრიკები

ოჯახის მკურნალის ანონსი

კითხვა-პასუხი

რა არის ჰისტეროსკოპია და როგორ და რატომ ტარდება

რა არის ჰისტეროსკოპია და როგორ და რატომ ტარდება
ჰისტეროსკოპია გინეკოლოგიაში დიაგნოსტიკისა და მკურნალობის ერთ-ერთი თანამედროვე მეთოდია, რომელიც წარმატებით გამოიყენება გასული საუკუნის მიწურულიდან. კვლევის ამ მეთოდის გამოყენებით შესაძლებელია საშვილოსნოს ღრუს შიგნიდან დათვალიერება, სხვადასხვა პათოლოგიური პროცესის დიაგნოსტირება და მათი მკურნალობა. ამ უკანასკნელის შემთხვევაში პროცედურა დიაგნოსტიკურიდან გადადის სამკურნალოში. ენდოსკოპიურ მანიპულაციებს გააჩნია მაღალი სიზუსტე, არ საჭიროებს ღია ოპერაციულ ჩარევას, რასაც არასასურველი შედეგების ალბათობა მინიმუმამდე დაჰყავს. ეს კი ამგვარ დიაგნოსტიკასა და მკურნალობას ფრიად მიმზიდველს ხდის.

ჰისტეროსკოპიის ჩვენებებია:

  • ენდომეტრიუმის ჰიპერპლაზიური ცვლილება (დიფუზური ჰიპერპლაზია, პოლიპოზი);
  • საშვილოსნოსა და დანამატების მანკები და ანომალიები;
  • მეანობაში – განუვითარებელი ორსულობის, სამედიცინო აბორტის,
    მშობიარობისშემდგომი ანთების, საკეისრო კვეთის შემდგომ ემბრიონული ფრაგმენტების, ქორიონის, პლაცენტის ნარჩენების ეჭვის შემთხვევაში;
  • ლორწქვეშა მიომური კვანძები;
  • საშვილოსნოს შიგნით სპირალის მდგომარეობის გასაზღვრა;
  • უშვილობა და მენსტრუალური ციკლის დარღვევები, ექსტრაკორპორალური განაყოფიერების წარუმატებელი მცდელობა;
  • ავთვისებიან წარმონაქმნზე ეჭვი;
  • პოსტმენოპაუზის პერიოდში სისხლდენა (აბსოლუტური ჩვენება);
  • საშვილოსნოს საკონტროლო რევიზია ოპერაციული ან ჰორმონული მკურნალობის შემდეგ.

ჰისტეროსკოპიის უკუჩვენებებია:

1. სასქესო გზებისა და
ენდომეტრიუმის მწვავე ანთება;
2. ნებისმიერი ვადის ორსულობა;
3. მასიური სისხლდენა საშვილოსნოდან;
4. საშვილოსნოს ყელისა და ყელის არხის შევიწროება, რომელიც ეწინააღმდეგება ენდოსკოპის შეყვანას;
5. გავრცელებული სიმსივნე, როდესაც პროცედურამ შეიძლება მოახდინოს სიმსივნის დისემინაციისა და მეტასტაზირების პროვოცირება;
6. ზოგადი ხასიათის ინფექციური დაავადება (რესპირატორული, ნაწლავური ინფექციები ცხელებით და ინტოქსიკაციით მიმდინარე);
7. გულ-სისხლძარღვთა სისტემის, ღვიძლის, თირკმელების მძიმე პათოლოგია.

ენდოსკოპიის უპირატესობები:

  • დაბალი ტრავმატიზაცია და მინიმალური გართულებები;
  • 100%-იანი დიაგნოსტიკური სიზუსტე;
  • ამბულატორიულად ჩატარების შესაძლებლობა; არ საჭიროებს წინასწარ მომზადებას, უსაფრთხო და ეფექტურია;
  • მანიპულაციის შემდეგ მოკლე რეაბილიტაციური პერიოდი;
  • დამიზნებითი ბიოფსიის აღების შესაძლებლობა.


ჰისტეროსკოპიის სახეები


  • დიაგნოსტიკური;
  • სამკურნალო;
  • საკონტროლო.

დიაგნოსტიკური პროცედურის ხანგრძლივობა 10-15 წუთია. დრეკადი ენდოსკოპის გამოყენებისას ნარკოზის აუცილებლობა არაა. თანამედროვე ჰისტეროსკოპები აღჭურვილია გამადიდებელი ოპტიკით, რაც საშვილოსნოს შიგნიდან მიმოხილვითი დათვალიერების საშუალებას იძლევა.

ხშირად ახალგაზრდა ქალებს აღელვებთ, შეძლებენ თუ არა ჰისტეროსკოპიის პროცედურის შემდეგ დაორსულებას. რადგანაც პროცედურა მცირეინვაზიურია, არ აზიანებს საშვილოსნოს შიგნითა შრეს და არსებულ პათოლოგიასაც კი მკურნალობს, დაორსულება სრულიად შესაძლებელია. უნაყოფობის შემთხვევაში, ჰისტეროსკოპიას სამკურნალო მიზნითაც ატარებენ. პროცედურის შემდეგ ორსულობის დაგეგმვა დამოკიდებულია საშვილოსნოს ჰისტეროსკოპიის მიზანსა და შედეგებზე. თუ ორსულობისთვის ხელისშემშლელი ფაქტორი არ აღმოჩნდა, ორსულობა უახლოეს მომავალში შესაძლებელია.

ამგვარად, ჰისტეროსკოპია დიდი მოცულობის ინფორმაციის მომცემი კვლევაა, რაც მას ოქროს სტანდარტად აქცევს მეან-გინეკოლოგიური პათოლოგიების დიაგნოსტიკასა და მკურნალობაში.
გააკეთეთ კომენტარი
კომენტარი არ გაკეთებულა
დიეტოლოგია
ედინბურგის უნივერსიტეტის მკვლევარების განცხადებით, კანის სიჯანსაღისა და ახალგაზრდობის შენარჩუნების
გადაცემაში "თქვენი კლინიკა" მოისმენთ 7 აკრძალვას, რომელთა
მოცხარმა ონკოლოგების ყურადღება მიიპყრო. კვლევამ აჩვენა, რომ ამ კენკრას შეუძლია კიბოს უჯრედებთან ბრძოლა.
კატეგორიის სხვა სტატიები
ჰაიდელბერგის (გერმანია) საუნივერსიტეტო გინეკოლოგიური კლინიკის მეცნიერებმა წარმოადგინეს
წვრილი ნაწლავის ვასკულიტები, წყლულოვანი ენტერიტები, პოლიპოზი - ამ ნაწლავური დაავადებების შემთხვევები მსოფლიოს მასშტაბით არათუ მცირდება,
სადღეისოდ კორონავირუსული პანდემიის ფონზე ხშირად გვესმის PCR (პი-სი-არ) - ანალიზის შესახებ.
სტანდარტული ლაბორატორიული დიაგნოსტიკით ნაწლავის ბევრი დაავადების აღმოჩენა შეუძლებელია.
ალერგიულ რეაქციებს მრავალნაირი გამოვლინება ახასიათებს: რინიტი, ცრემლდენა, კანის ქავილი, გამონაყარი, სიწითლე, ხველა,
ინტრავენური უროგრაფია თირკმელების, შარდგამომყოფი გზებისა და შარდის ბუშტის კვლევის რენტგენოლოგიური მეთოდია,
ექსეტერის უნივერსიტეტში შეადგინეს უკანასკნელი 10 წლის მანძილზე დედამიწის ატმოსფერული დაბინძურების რუქა.
როგორც ოქსფორდის უნივერსიტეტის კვლევამ აჩვენა, თაფლი, ტრადიციულ პრეპარატებზე
პირველი კლასი და სასკოლო ადაპტაცია - სასკოლო ადაპტაციის გასავლელად მშობლებს რჩევებს აძლევს
ადამიანის ხერხემალს ყოველდღიურად დიდი დატვირთვა ადგება, შესაბამისად,
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად