კორონაროგრაფია - კვლევის საუკეთესო მეთოდი ინფარქტის პრევენციისთვის - მკურნალი.გე

რუბრიკები

ოჯახის მკურნალის ანონსი

აპრილი 2021

კითხვა-პასუხი

კორონაროგრაფია - კვლევის საუკეთესო მეთოდი ინფარქტის პრევენციისთვის

კორონაროგრაფია - კვლევის საუკეთესო მეთოდი ინფარქტის პრევენციისთვის
ათეროსკლეროზული დავადება ძირითადად ასაკოვან პირებში გვხვდება, თუმცა არ არის გამორიცხული, რომ გულის კორონარულ არტერიებში პათოლოგიური ცვლილებები გამოვლინდეს ახალგაზრდა ასაკშიც.
განსაკუთრებით სარისკოა ასაკისა და სტრესის თანხვედრა. ასევე, დიდი მნიშვნელობა აქვს მემკვიდრეობით ფაქტორს. ათეროსკლეროზის განვითარებას ხელს უწყობს ზოგიერთი დაავადება, მათ შორის ჰიპერტონული დაავადება, შაქრიანი დიაბეტი, სიმსუქნე, მისი კიდევ ერთი რისკ-ფაქტორია ცხოველური ცხიმის ჭარბი მიღება.

როგორია ათეროსკლეროზის დიაგნოსტიკის თანამედროვე მეთოდი და რა უნდა გაითვალისწინონ პაციენტებმა ასეთი პათოლოგიის შემთხვევაში – ამ თემებზე აკადემიკოს ფრიდონ თოდუას სახელობის სამედიცინო ცენტრის რადიოლოგი ნინო ბატიაშვილი გვესაუბრება.

- როგორ ვითარდება
ათეროსკლეროზი და რამდენად საშიშია ადამიანის სიცოცხლისთვის?

- ეს არის დაავადება, რომლის დროსაც სისხლძარღვის სანათურში წარმოიქმნება ათეროსკლეროზული ფოლაქები, რომლებიც დროთა განმავლობაში იზრდება, რაც უკვე მის შევიწროებას იწვევს და, შესაბამისად, გულის კუნთს საკმარისი რაოდენობის სისხლი ვეღარ მიეწოდება.
ეს პროცესი საბოლოოდ იწვევს გულის კუნთის იშემიას და ინფარქტის განვითარებას. ეს რომ არ მოხდეს, დაავადება ადრეულ ეტაპზე უნდა გამოვლინდეს, რათა მას ან მედიკამენტურად ვუმკურნალოთ. მაღალი ხარისხის შევიწროების შემთხვევაში კი სტენტირებით აღვადგინოთ სისხლის მიწოდება. დაავადების ძირითად ჩივილად გულ-მკერდის არეში ტკივილი ითვლება. ძირითადად, პაციენტები სწორედ ტკივილის საფუძველზე მიმართავენ ექიმს.

- როგორია დაავადების დიაგნოსტიკის უახლესი მეთოდი?
- კომპიუტერულ-ტომოგრაფიული კორონაროგრაფია არის ათეროსკლეროზის დიაგნოსტიკის უახლესი მეთოდი, რომლის დროსაც ინტრავენურად შეყვანილი საკონტრასტო ნივთიერების საშუალებით შეგვიძლია გამოვიკვლიოთ გულის სისხლძარღვები, იგივე კორონარული არტერიები. კვლევის დროს შესაძლებელია სისხლძარღვის სანათურში ათეროსკლეროზული პროცესის გამოვლენა, სტენოზის ხარისხის შეფასება, სტენტის ან შუნტის არსებობის შემთხვევაში, მათი მდგომარეობის შეფასება და ასევე, თანდაყოლილი სხვადასხვა ანომალიების განვითარების გამოვლენა.

ეს არის არაინვაზიური კვლევა, რომელიც დაახლოებით 10 წუთი გრძელდება, არის უსაფრთხო და კვლევის შემდეგ პაციენტი უპრობლემოდ უბრუნდება ცხოვრების ჩვეულ რიტმს. გართულება და უკუჩვენება, ფაქტობრივად, არ აქვს.

- რა შემთხვევაში ინიშნება კომპიუტერულ-ტომოგრაფიული კორონაროგრაფია?
- კვლევა ტარდება იმ შემთხვევაში, როცა პაციენტს აქვს ჩივილი - ტკივილი გულ-მკერდის არეში და იმყოფება დაბალი ან საშუალო რისკის ჯგუფში, ვისაც შესაძლოა, ჰქონდეს კორონარული სისხლძარღვების დაავადება. რისკის ჯგუფში შედიან ის პაციენტები, რომლებსაც აქვთ მაღალი ქოლესტერინი, არტერიული ჰიპერტენზია, ჭარბი წონა, აქტიურად მოიხმარენ თამბაქოს, აქვთ შაქრიანი დიაბეტი და, ასევე, მნიშვნელოვანია მემკვიდრეობითი წინაპირობა.

ყველა ასეთ პაციენტში დიდია კორონარული არტერიების პათოლოგიების განვითარების რისკი. ამიტომ, პრევენციის მიზნითაც მიზანშეწონილია აღნიშნული კვლევის ჩატარება.

ძალიან მნიშვნელოვანია, დაავადება გამოვლინდეს ადრეულ ეტაპზე, რადგან ჯანდაცვის მსოფლიო ორგანიზაციის სტატისტიკის მიხედვით, გულის დაავადებებით გამოწვეული სიკვდილიანობა საკმაოდ მაღალია.


- რა უნდა გაითვალისწინონ პაციენტებმა ასეთი პათოლოგიის მკურნალობის პერიოდში?
- მედიკამენტურ მკურნალობასთან ერთად, მნიშვნელოვანია, რომ პაციენტმა ცხოვრების სტილი შეიცვალოს. ამაში იგულისხმება ფიზიკური აქტივობა, ჯანსაღი კვება, თამბაქოზე უარის თქმა. ჯანსაღი ცხოვრების წესის დაცვა ძალიან უწყობს ხელს ათეროსკლეროზული პროცესების შეჩერებას.
გააკეთეთ კომენტარი
კომენტარი არ გაკეთებულა
დიეტოლოგია
2020 წელს არაერთი კვლევა ჩატარდა და დადგინდა, რომ ზოგიერთი პრობიოტიკი, სასარგებლო ბაქტერია, ორგანიზმს წონის კლებაში ეხმარება.
გერმანიის რისკების შემფასებელმა ფედერალურმა ინსტიტუტმა გაანალიზა 36 ვეგანისა და 36 პირის (იღებდნენ შერეულ საკვებს) ძვლების მდგომარეობა.
ბირმინგემის უნივერსიტეტის მეცნიერები, სტრესის გადატანისას, გვირჩევენ კაკაოს დალევას
კატეგორიის სხვა სტატიები
ულტრასონოგრაფიაში მაღალი სიხშირის ბგერითი ტალღები (ულტრაბგერა) გამოიყენება შინაგანი ორგანოებისა და სხვა ქსოვილების გამოსახულების მისაღებად.
რომელი ანალიზი არ უნდა გაიკეთოთ და რომლის გაკეთება არის ნებადართული მენსტრუაციისას.
ეს არის სისხლის ანალიზი(იღებენ სისხლს ვენიდან), რომელიც სტრეპტოკოკულ ინფექციას ამოწმებს.
სულ მალე ნაწლავის კიბოს დიაგნოსტიკა შესაძლებელი იქნება თევზის ქონის კაფსულის ზომის ტაბლეტის გადაყლაპვის შედეგად,
სამედიცინო ცენტრ "ციტოს" ალგორითმი 1997 წლიდან იქმნება. დიდ სითამამეს მოითხოვდა ფრანგული ლაბორატორიული ქსელების ანალოგად
გ. ელიავას სახელობის "ბაქტერიოფაგიის სადიაგნოსტიკო ცენტრი" და "ელიავას ავტორიზებული აფთიაქი" 1990 წლიდან დღემდე უწყვეტ რეჟიმში ემსახურება მომხმარებლებს.
„სმარტფარმთან“ ინეტერვიუში ალერგიულ რინიტზე საუბრობს ბაია ბეზარაშვილი - ალერგოლოგ-იმუნოლოგი, მედიცინის მეცნიერებათა დოქტორი, პროფესორი.
ისრაელში მასობრივი ვაქცინაცია დეკემბრის ბოლოდან დაიწყო. ვნახოთ, რა გვაჩვენა
Los Angeles Lakers-ის ერთ-ერთი მფლობელი, ექიმი პატრიკ სუნ-შიონგი მუშაობს კორონავირუსის საწინააღმდეგო ორალურ ვაქცინაზე,
ზოგიერთი პროდუქტი, რომელზეც არის ობის სოკო, განსაკუთრებით საშიშია.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად