საშოს ნაცხის ანალიზი
ბევრი ქალისთვის ცნობილია სახელწოდებით - ნაცხი ფლორაზე, ანუ საერთო ნაცხი.
ბრტყელი ეპითელიუმი - ეს არის ეპითელური უჯრედების რაოდენობა, რომელიც ფარავს საშოსა და საშვილოსნოს ყელს, იცვლება მენსტრუალური ციკლის ფაზის მიხედვით და ჰორმონული პრეპარატების მიღების შედეგად. ციკლის შუა პერიოდში, ორსულობისა და ესტროგენების მიღებისას, საშოს ნაცხში ეპითელური უჯრედების რაოდენობა მატულობს.
ეპითელიუმის არარსებობა აღინიშნება:
- ესტროგენების ნაკლებობისას;
- მამაკაცის სასქესო ჰორმონების სიჭარბისას;
- ეპითელიუმის ატროფიისას.
ლეიკოციტების მომატებული რაოდენობა - აღინიშნება კოლპიტით ან სქესობრივი გზით გადამდები დაავადებებით გამოწვეული საშოს ანთებისას. რაც მეტია ნაცხში ლეიკოციტები, მით მწვავედ მიმდინარეობს დაავადება.
ოქროსფერი სტაფილოკოკის მომატებული მაჩვენებელი აღინიშნება:
- საშოში ანთებითი პროცესისას;
- ენდომეტრიტისას;
ჩხირის ფლორა
ეს ნორმალური ფლორაა, ანუ ის მიკროორგანიზმებია, რომლებიც აუცილებლად უნდა იყოს საშოს მჟავა გარემოში.
კოკები\დადებითი შედეგი.
ნაცხში კოკები აღინიშნება:
- გონორეის;
- ბაქტერიული ვაგინოზის დროს.
გარდნერელები ნაცხში აღინიშნება:
- გარდნერელიოზის დროს;
- საშოს დისბაქტერიოზისას.
„გასაღებისებრი“ უჯრედები ნაცხში აღინიშნება საშოს დისბაქტერიოზისას.
სოკო
ნაცხში სოკოების არსებობა აღინიშნება კანდიდოზისას (რძიანა). თუ ნაცხში სოკოს სპორებია, ეს ფარულ კანდიდოდზე (უსიმპტომო) მიუთითებს.
ტრიქომონადები აღინიშნება ტრიქომონიაზისას. თუ ნაცხში ტრიქომონადები აღმოჩნდა, პაციენტმა აუცილებლად უნდა ჩაიტაროს სქესობრივი გზით გადამდებ ინფექციებზე ანალიზი, რადგანაც ტრიქომონიაზმა შეიძლება „დაფაროს“ გონორეა, რომელიც ამ შემთხვევაში შესაძლებელია მიმდინარეობდეს პარალელურად და ბაქტერიოსკოპიისას ვერ ვლინდება.
ნაცხი ციტოლოგიისთვის
ეს ანალიზი საშუალებას იძლევა გამოვლინდეს საშვილოსნოს ყელის უჯრედების მხრივ გადახრა. იკვლევენ მათ რაოდენობას, ზომას, ფორმასა და განთავსების ხასიათს.
ნაცხი ნორმალურად (უარყოფითად) ითვლება, თუ ყველა უჯრედს აქვს ნორმალური ზომა და ფორმა, ატიპური უჯრედები კი არ არის.
ანომალური ნაცხის აღწერისას გამოიყენება სპეციალური ტერმინები: I, II და III ხარისხის დისპლაზია და ატიპია. I ხარისხის დისპლაზიისას რეკომენდებულია 3-6 თვის შემდეგ კვლევის გამეორება, რადგანაც ასეთი შედეგი შეიძლება იყოს არანამკურნალევი ტრიქომონიაზის, ქლამიდიოზის ან გონერეის დროს, II და III ხარისხის დისპლაზიისას საშვილოსნოს ყელის მდგომარეობის შესაფასებელი უფრო სერიოზული კვლევა ინიშნება - ბიოფსია. ატიპიის აღმოჩენისას აუცილებელია ონკოლოგის კონსულტაცია.
ნაცხის ციტოლოგიური კვლევის ჩატარება ყველა ქალისთვის რეკომენდებულია 20 წლის ზემოთ, წელიწადში ერთხელ. თუ შედეგი ორჯერ უარყოფითი იქნება, ანალიზის გამეორება შეიძლება 3 წელიწადში ერთხელ.
ნაცხი „სტერილობაზე“ საშოს სისუფთავის ხარისხის ანალიზია. ანალიზი განსაზღვრავს მის შემადგენლობას, რომელიც ნორმის დროს წარმოდგენილია კოკების მიკროფლორით, სეკრეტითა და ეპითელიუმის სხვადასხვა უჯრედით.
სტერილურობის ხარისხის ანალიზი გამოიხატება ციფრებით «1» და «2» - ნორმის მაჩვენებელია, «3» და «4» - საშოს ანთება (კოლპიტი).
ნაცხი ფარულ ინფექციებზე
ასეთი ანალიზი სქესობრივი გზით გადამდები ინფექციების გამოვლენის საშუალებას იძლევა. მათი აღმოჩენა შეუძლებელია ნაცხის ფლორაზე გამოკვლევით. ანალიზისთვის გამოიყენება პოლიმერაზული ჯაჭვური რეაქციის მეთოდი, რომლის დროსაც ინფექციის გამომწვევს მისი დნმ-ით განსაზღვრავენ.
ამ ანალიზის ნორმული მაჩვენებელი შეიძლება იყოს მხოლოდ უარყოფითი შედეგი.