ახალი პლასტირი დაინფიცირებისას ფერს იცვლის
ჯენკინსი განმარტავს, რომ პლასტირი შექმნილია ჰიდრატირებული აგაროზასგან, რომელიც შეიცავს ნანოკაფსულებს ფლუორესცენტული საღებავებით. საღებავის გამოთავისუფლება დაავადების გამომწვევი ბაქტერიების მიერ გამოყოფილი ტოქსინების ზემოქმედებით ხდება.
მეცნიერებმა ისიც გაარკვიეს, რომ პლასტირი რეაგირებს ისეთი მიკროორგანიზმების არსებობაზე, როგორებიცაა ნაწლავის ჩხირი, ოქროსფერი სტაფილოკოკი, ჩირქმბადი ლუჯ-მწვანე ჩხირი, ფეკალური ენტეროკოკი.
ცნობილია, რომ ბაქტერიები ჭრილობების ზედაპირზე ბიოაპკს ქმნიან. კვლევის ავტორებმა საინტერესო ექსპერიმენტებით ისიც აჩვენეს, რომ რაც უფრო მეტად წარმოიქმნება ინფექციის გამომწვევი მიკროორგანიზმების მიერ ბიოაპკი, მით მეტად იცვლის ფერს პლასტირი.
ახალი პლასტირი არა მხოლოდ გამოავლენს ინფექციის არსებობას, არამედ ბაქტერიათა იდენტიფიკაციასაც ახდენს (ანუ აზუსტებს, რომელი მიკროორგანიზმი მრავლდება ჭრილობაში).
თინათინ გოცაძე