7 ნიშანი, რომლებიც ჯანმრთელობის პრობლემათა დაწყებაზე მიანიშნებს - მკურნალი.გე

რუბრიკები

ოჯახის მკურნალის ანონსი

იანვარი 2019

კითხვა-პასუხი

7 ნიშანი, რომლებიც ჯანმრთელობის პრობლემათა დაწყებაზე მიანიშნებს

7 ნიშანი, რომლებიც ჯანმრთელობის პრობლემათა დაწყებაზე მიანიშნებს

ადამიანთა უმრავლესობა, ჩვეულებრივ, უგულებელყოფს და ყურადღებას არ აქცევს “შემოპარული” დაავადების ამა თუ იმ სიმპტომს. არადა, დაავადება, გარდა იმისა, რომ გარკვეულწილად ავლენს თავს, პროგრესირებს და სულ უფრო მეტ პრობლემასაც უქმნის ორგანიზმს.

არსებობს სიმპტომები, რომელთა უგულებელყოფა არათუ არ შეიძლება, საშიშიც კია. ასე რომ, დროულად მიაყურადეთ თქვენს ორგანიზმს, გახსოვდეთ, ამ თუ იმ სიმპტომით ის ყოველთვის გატყობინებთ ჯანმრთელობასთან დაკავშირებულ პრობლემებს.

გთავაზობთ 7 ნიშანს, რომლებიც ჯანმრთელობის პრობლემათა დაწყებაზე მიანიშნებს:


1) წონის დაკლება

თუ თქვენ 5 კგ-ზე მეტი დაიკელით მოკლე დროში ყოველგვარი დიეტისა და ფიზიკური დატვირთვის გარეშე,
აუცილებლად უნდა მიმართოთ ექიმს. წონის ასეთი კლება პანკრეასის (კუჭუკანა ჯირკვალი), საყლაპავისა და ფილტვების სიმსივნის ერთ-ერთი ნიშანია.

დამიანები, სამწუხაროდ, ყურადღებას არ აქცევენ სხეულის მასის დაკარგვას, მიაწერენ რა ამ სიმპტომს სტრესებსა და სხვა გარეგან ფაქტორებს.


2) კბილების პრობლემები

კბილის მინანქრის განლევა ხშირად მჟავა-რეფლუქსის ნიშანია. ეს უკანასკნელი უსიამოვნო და საკმაოდ რთული პათოლოგიაა. მჟავები საყლაპავიდან კბილის მინანქარს დორსალურ (ზურგისკენა) ზედაპირზე შლიან (ერთგვარად ხსნიან, ალღობენ), განსხვავებით ტკბილი სასმელებისაგან, რომლებიც კბილების ფრონტალურ (სახისკენა) ზედაპირზე ზემოქმედებენ.

თუ თქვენ შენიშნეთ დასახელებული პრობლემა, აუცილებლად მიაკითხეთ ექიმს. არანამკურნალები რეფლუქსი არა მხოლოდ კბილების დაზიანება-დაშლას იწვევს, საყლაპავის კიბოს განვითარების რისკსაც ზრდის.


3) კანის ქავილი და გამონაყარი


მტკივნეული გამონაყარი მუხლებზე, იდაყვებსა და თავის კანზე, ჩვეულებრივ, ეგზემაზე მიანიშნებს. თუმცა ის ზოგჯერ უფრო სერიოზული პრობლემების ერთ-ერთი ადრეული სიმპტომია ხოლმე, ისეთებისა, როგორებიცაა: ცელიაკია, აუტოიმუნური დაავადება. მსგავს შემთხვევაში აუცილებლად გაიარეთ კონსულტაცია ექიმ-სპეციალისტთან, შესაძლოა თქვენ სამუდამოდ მოგიწიოთ უარის თქმა გლუტენის შემცველი პროდუქტების მიღებაზე.


4) დარღვევები ნაწლავებისა და შარდ-სასქესო სისტემის მხრივ

გახშირებული შარდვა შეიძლება მიანიშნებდეს შარდის ბუშტის პრობლემებზე ან პროსტატის პროგრესირებად კიბოზე. შეკრულობა (ყაბზობა) ან ფაღარათი მსხვილი ნაწლავის დაავადებათა სიმპტომებია. ერთიც და მეორეც შესაძლოა გარეგანი მიზეზებით იყოს განპირობებული, თუმცა თუ დასახელებული სიმპტომები (დისკომფორტი) კვირაზე მეტხანს გახანგრძლივდა, აუცილებელია ექიმთან ვიზიტი.


5) ხელწერის ცვლილება

პარკინსონის დაავადება თავის ტვინში ნეირონების კვდომას ნიშნავს. სამწუხაროა ის, რომ ადამიანი მკვეთრ ცვლილებებსა და გადახრებს ვერ ამჩნევს, შესაბამისად, დიაგნოსტიკა ჭიანურდება.

გამოკვლევებით დადგენილია, რომ ხელწერის ცვლილება პირდაპირ კორელირებს დაავადებასთან. ტვინი წყვეტს დოფამინის - კიდურების მოძრაობისათვის აუცილებელ იმპულსებზე პასუხისმგებელი ქიმიური ნივთიერების გამომუშავებას. ეს, თავის მხრივ, იწვევს ხელის კუნთების რიგიდულობას, რაც გავლენას ახდენს ხელნაწერზე. პარკინსონის დაავადების განვითარების სხვა მარკერებიდან აღსანიშნავია ყნოსვის უეცარი დაკარგვა და ინტენსიური სიზმრები.


mkurnali.ge6) უეცარი რისხვა

დეპრესიის მძიმე ფორმებით დაავადებული პაციენტების ნახევარზე მეტი უეცარი რისხვის მსხვერპლია. ამ პრობლემას მხოლოდ წამლით ვერ უმკურნალებ, ხშირად ფსიქოლოგის დახმარებაცაა აუცილებელი.

თუ ატყობთ, რომ ორი კვირის განმავლობაში უმნიშვნელო წვრილმანებზეც კი ღიზიანდებით, განრისხება გეუფლებათ, აუცილებელია საკონსულტაციოდ მიმართოთ ექიმს. არანამკურნალები (ე.წ. შორსწასული, მიშვებული) დეპრესია შესაძლოა ობსესიურ-კომპულსურ დარღვევებში გადაიზარდოს.


7) მუდმივი ხველა

როგორც წესი, ხველა სრულებით არ ნიშნავს კიბოს, თუმცა ხველის გახანგრძლივებული შეტევები თვალსაჩინო მიზეზების (გაციება, ალერგია, ასთმა) გარეშე უკვე ეჭვს ბადებს სიმსივნურ პროცესზე. სამწუხაროდ, მუდმივი ხველა შეიძლება ფილტვის პროგრესირებად კიბოზე მიანიშნებდეს. თუ ამ სიმპტომს ხმის ჩახლეჩაც ახლავს - ხახის ან ყელის კიბოა სავარაუდო.

აქედან გამომდინარე, ონკოლოგიური გამოკვლევა წელიწადში ერთხელ მაინც უნდა ჩაიტაროთ.
კომენტარი არ გაკეთებულა
გააკეთეთ კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
რეკომენდებული პროდუქტები
მხედველობის ჯანმრთელობისთვის -60 აბი
ფასი: 39.9
ნერვული სისტემის გაძლიერებისთვის -60აბი
ფასი: 22.9
მხედველობის ხელშეწყობისთვის-60აბი
ფასი: 44.9
კარგი მხედველობის და ნერვული სისტემის ხელშეწყობისთვის-60აბი
ფასი: 28.9
მსგავსი სიახლეები
გრიპი მწვავე ინფექციური დაავადებაა, ხასიათდება სასუნთქი გზების ანთებით.
11-01-2019
ჯანდაცვის მინისტრი დავით სერგეენკო მოქალაქეებს მიმართავს და იმ სიმპტომების შესახებ აწვდის ინფორმაციას,
10-01-2019
05 აპრილი 2018
ისევ შეგვახსენა თავი წითელამ, დაავადებამ, რომელსაც “ბატონების” სახელით იცნობს ხალხი და ის ბავშვთა
ამ კატეგორიის სხვა სტატიები
მკურნალის მომხმარებელს აინტერესებს: რა ცვლილებებია H1N1 ვირუსის დროს სისხლის საერთო ანალიზში
მედიცინაში გაურკვეველმა ადამიანმა შეიძლება იფიქროს, რომ გამოკვლევის ეს მეთოდები
PET –გამოკვლევა წარმოადგენს თანამედროვე მედიცინის უახლეს მეთოდს,
ცხოვრებაში ერთხელ მაინც ყველას ჩაუბარებია ანალიზი კოპროგრამაზე.
სპირო - სუნთქვას ნიშნავს, მეტრია - გაზომვას. სპირომეტრია გარეგანი სუნთქვის ფუნქციის კვლევის უმტკივნეულო და ეფექტური მეთოდია.
შარდის საერთო ანალიზი ლაბორატორიული დიაგნოსტიკის ერთ-ერთი ყველაზე გავრცელებული და ეფექტური მეთოდია, რომელიც პათოლოგიის ფართო სპექტრის გამოვლენის საშუალებას იძლევა.
30 იანვარი 2018
2017 წლიდან საქართველოში წითელას შემთხვევების ზრდა დაფიქსირდა. დაავადებათა კონტროლის ეროვნული ცენტრის
ღორის გრიპის შესახებ გვესაუბრება დაავადებათა კონტროლისა და საზოგადოებრივი ჯანმრთელობის ეროვნული
ალბათ არ დარჩენილა საქართველოში ადამიანი, ღორი გრპის ვირუსით გამოწვეულ ინფექციას და მასთან დაკავშირებულ მოვლენებს
ბოლო მონაცემებით, საქართველოში გრიპის ვირუსით გარდაცვალების ლაბორატორიულად დადასტურებული