მარიამ ფოლადაშვილი

თუმცა, ხშირ შემთხვევაში, მდგომარეობა დროებითია და სერიოზულ გართულებებს არ იწვევს.

მწვავე ლარინგიტს გამომწვევი ძირითადი მიზეზია ზედა სასუნთქი გზების ინფექცია (გაციება), ლარინგიტი შესაძლოა თან ახლდეს ბრონქიტს. ლარინგიტის გამომწვევი სხვა მიზეზებია: სახმო იოგების გადაძაბვა,მოწევა.

ქრონიკული ლარინგიტი შეიძლება გამოწვეული იყოს გასტროეზოფაგური რეფლუქსით ან, უფრო იშვიათად, გახანგრძლივებული ბრონქიტებით, ქრონიკული სინუსიტით, ალერგენებთან ხშირი კონტაქტით.

სიმპტომები:

ლარინგიტისთვის დამახასიათებელია:

• ხმის ტემბრის ცვლილება, ხმის ჩახლეჩა ან დაკარგვა;
• ყელის ტკივილი;
• დაბალი ტემპერატურა;
• მუდმივი ხველა;
• ყლაპვის გაძნელება;
• ლაპარაკის გაძნელება;
• საერთო სისუსტე

ლარინგიტის დაწყებიდან მე-2-3 დღეს სიმპტომები მწვავდება.

როდესაც ლარინგიტი გაციებას ახლავს თან ვითარდება შემდეგი სიმპტომები:

• თავის ტკივილი;
• ცხვირიდან გამონადენი;
• ძლიერი სისუსტე

თუ ეს სიმპტომები 7 დღეზე მეტხანს გრძელდება აუცილებელია ექიმთან ვიზიტი.

ლარინგიტის მართვა

• ლარინგიტის არსებობის შემთხვევაში მნიშვნელოვანია დასვენება, ლაპარაკისგან, სიმღერისგან თავის შეკავება;
• გამღიზიანებლებთან კონტაქტისგან თავის შეკავება(სიგარეტის კვამლი);
• დიდი რაოდენობით სითხის მიღება;
• ალკოჰოლისა და კოფეინის რაოდენობის შემცირება, ვინაიდან ისინი ხელს უწყობენ დეჰიდრატაციას

ხმის დაკარგვის შემთხვევაში დადებითად მოქმედებს თაფლი, გააჩნია ანტიოქსიდანტური და ანტიბაქტერიული მოქმედება.იგი ამცირებს ხველას და ხელს უწყობს.გამოჯანმრთელების პროცესს.

პრევენციისათვის უმჯობესია რესპირატორული ინფექციების დროული მკურნალობა, რეფლუქსის მართვა - ღამით საკვების მიღებისგან თავის შეკავება, საღეჭი რეზინის გამოყენების შეზღუდვა.