მარიამ ფოლადაშვილი

ისინი აუმჯობესებენ რეცხვის ხარისხს. ფოსფატები ზედაპირული ნივთიერებებია, რაც საშუალებას გაძლევთ ამოიღოთ ჭუჭყი ქსოვილიდან. ფოსფატი, რომელიც გამოიყენება სარეცხ საშუალებებში, არის ნატრიუმის ტრიფოსფატი და გამოიყენება ხისტი წყლის დასარბილებლად. ადამიანის კანთან კონტაქტისას, ისევე როგორც ორგანიზმში მოხვედრისას, ფოსფატები ანადგურებენ ცოცხალ უჯრედებს, არღვევენ მათ ბუნებრივ ცხოვრების პროცესებს, ხოლო როდესაც ის წყალში შედის, შეიძლება გამოიწვიოს გარემოს ზიანი. ფოსფატები ძალიან იაფი და ეფექტურია, ამიტომ ასეთი სარეცხი ფხვნილის ღირებულებაც დაბალია.

ეს საკითხები საზოგადოების ყურადღების ცენტრში ჯერ კიდევ 1960-იანი წლების ბოლოს და 1970-იანი წლების დასაწყისში მოექცა, როდესაც აშშ-ში ტბები და მდინარეები მწვანე შეფერილობის გახდა (წყალმცენარეების გამო). ფოსფორი მცენარის სიცოცხლისთვის აუცილებელი ელემენტია, მაგრამ როდესაც ის ძალიან ბევრია წყალში მას შეუძლია დააჩქაროს წყალში გახსნილი ჟანგბადის შემცირება. მიუხედავად იმისა, რომ თევზისთვის პირდაპირ ტოქსიკური არ არის. დიდი რაოდენობის წყალმცენარეების აყვავება არ არის კარგი ზღვაში არსებული ცოცხალი ორგანიზმებისთვის. წყალმცენარეების სიკვდილის შემდეგ ბაქტერიები ანადგურებენ მათ. დაშლის პროცესი კი მოიხმარს ჟანგბადს, ამიტომ დიდი რაოდენობით წყალმცენარეების დაშლამ შეიძლება შექმნას ე.წ ”მკვდარი ზონები",სადაც ჟანგბადის კონცენტრაცია დაბალია. ასეთ ადგილებში კი თევზები ვერ გადარჩებიან.

ვითარებამ ჯერ განგაში გამოიწვია, შემდეგ კი მეცნიერებმა პრობლემის მიზეზად დაასახელეს ფოსფატები სარეცხ საშუალებებში. მომდევნო ათწლეულებში აშშ-ს სხვადასხვა შტატმა და ზოგიერთმა ქვეყანამ მიიღო რეგულაციები მათი გამოყენების შეზღუდვის მიზნით. ამ რეგულაციებმა, გააუმჯობესა წყლის ხარისხი აშშ-ში და ბევრ სხვა განვითარებულ ქვეყანაში.

არსებობს სარეცხი ფხვნილები ფოსფატების და სხვა აგრესიული ნივთიერებების გარეშე. ჩვეულებრივი სარეცხი საშუალებებისგან განსხვავებით, მათი შემადგენლობა მაქსიმალურად უსაფრთხო და ეკოლოგიურად სუფთაა. ისინი არ შეიცავენ ფოსფატებს და სხვა ქიმიურ პროდუქტებს. საშიში ნივთიერებები შეიცვალა ბუნებრივი ალკილის პოლიგლიკოზიდებით, ეკოზურფაქტანტებითა და ციოლიტებით, რომლებიც უვნებელია ადამიანისთვის და გარემოსთვის, ასევე აღსანიშნავია სინთეზური არომატების არარსებობა, რომლებიც ასევე ჩანაცვლდა ბუნებრივით.

ეკოლოგიურად სუფთა, ფოსფატის გარეშე სარეცხი საშუალებები იდეალურია ბავშვთა და მოზარდთა ტანსაცმლის, თეთრეულის ყოველდღიური რეცხვისთვის და არ ვნებს ალერგიის ან კანის დაავადებების მქონე ადამიანებს. ჰიპოალერგენული ფხვნილები ფოსფატების გარეშე იდეალურია ჩვილების, ბავშვების, ორსულების ტანსაცმლის გასარეცხად.