მიზეზები, რამაც შეიძლება გამოიწვიოს თვალის სიწითლე
თვალის სიმშრალე
დილით თვალის სიწითლის ერთ-ერთი ყველაზე გავრცელებული მიზეზი თვალის სიმშრალეა. როდესაც გვძინავს, თვალები ბუნებრივად გამოიმუშავებს ნაკლებ ცრემლს. ამან შეიძლება გამოიწვიოს თვალების სიმშრალე, გაღიზიანება და სიწითლე. თვალის სიმშრალეს ასევე შეიძლება მოჰყვეს ჩხვლეტის ან წვის შეგრძნება, მგრძნობელობა სინათლის მიმართ.
ღამით ეკრანთან დიდი დროის გატარება
თვალების დაძაბვა
თვალის დაძაბვა და სიმშრალე ხშირად თან ახლავს ერთმანეთს და ორივეს შეუძლია თვალების სიწითლის გამოწვევა. თვალების სიწითლე შეიძლება ასევე გამოიწვიოს დაბალი განათების პირობებში კითხვამ.
დეჰიდრატაცია
ცრემლი ძირითადად წყლისგან შედგება. დეჰიდრატაციის დროს მცირდება ცრემლის წარმოება.
არასაკმარისი ძილი
ალერგია
სიწითლის გარდა ალერგიის სხვა სიმპტომებია, შეშუპება, ცემინება, ხველა, კანზე გამონაყარი.
ინფექცია
თვალის ინფექცია, რომელიც გამოწვეულია ვირუსით ან ბაქტერიით იწვევს სიწითლეს.
უვეიტი
თვალის სისხლძარღვოვანი გარსის ანთებაა. ამ ტიპის ანთება შეიძლება გამოწვეული იყოს ინფექციით. ბაქტერიებმა, ვირუსებმა, სოკოებმა და პარაზიტებმა, მათ შორის, სიფილისის გამომწვევმა მკრთალმა ტრეპონემამ, ტოქსოპლაზმამ, ციტომეგალოვირუსმა, ჰეპატიტის ვირუსმა. უვეიტი ასევე შეიძლება იყოს გარკვეული ავტოიმუნური მდგომარეობის გვერდითი ეფექტი, როგორიცაა რევმატოიდული ართრიტი
ქუთუთოების ანთება
ბლეფარიტი ხშირად წამწამების ძირში არსებული მცირე ზომის ცხიმოვანი ჯირკვლების საცობებით დაბლოკვის გამო ხდება. ეს იწვევს თვალების გაღიზიანებასა და შეწითლებას.
როგორ ავიცილოთ თვალების სიწითლე
აკონტროლეთ ჯანმრთელობის მდგომარეობა.
შეზღუდეთ ალერგენის ზემოქმედება.
ყურადღება მიაქციეთ ქკრანთან გატარებულ დროს
იძნეთ 7-დან 9 საათამდე, ეს თვალებს დასვენების საშუალებას მისცემს.
დროდადრო თვალის სიწითლე შესაძლოა სერიოზულ პრობლემაზე არ მიუთითებდეს, მაგრამ თუ ხშირად ხდება, სიმპტომები უარესდება, თან ახლავს ტკივილი, მხედველობის ცვლილებები, სინათლის მიმართ მგრძნობელობა ან შეშუპება თვალის მიდამოში, უმჯობესია მიმართოთ ექიმს.
მკურნალობა ინიშნება გამომწვევი მიზეზის მიხედვით.