აკრძალული ხილი
- სთავაზობს პატარას. ბავშვი ორჭოფობს - ჯერ არ ცივა და ვერ გადაუწყვეტია, უნდა თუ არა ასეთი ტანსაცმელი, ბებიას კი ქურთუკი ძალიან მოსწონს და შვილს ურჩევს: "ბავშვია, მაგან რა იცის, კარგია, უყიდე!"
ასეა, ხშირად უფროსები აშკარა ძალადობას იჩენენ ბავშვების მიმართ და მათ უსამართლოდ ართმევენ არჩევანის უფლებას. ბავშვს აქვს უფლება, გამოთქვას საკუთარი აზრი. არ შეიძლება, მას ამის საშუალება არ მივცეთ. მისი ინტერესები მაშინაც კი უნდა გავითვალისწინოთ, როცა თავად არ ვეთანხმებით.
პატარებს ხშირად უცნაური თამაშები მოსწონთ. უნდა ვეცადოთ, ამ ყოველივეს ბავშვის თვალით შევხედოთ და წინააღმდეგობა არ გავუწიოთ მის ახირებას. ამ შემთხვევაში პატარას მალე მობეზრდება ერთი გასართობი და მეორეზე გადაერთვება.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
არ შეიძლება ბავშვის ინტერესების ერთმნიშვნელოვანი კრიტიკა - შესაძლოა, პატარა საკუთარ თავში ჩაიკეტოს. რასაკვირველია, თვალყური უნდა ვადევნოთ პატარას საქმიანობას, რათა მისმა ახირებამ საფრთხე არ შეუქმნას ჯანმრთელობასა და სიცოცხლეს. შეიძლება, ჩვენთვის მიუღებელი საქმიანობის ნაცვლად შვილს რაიმე სხვა, ერთობლივი თამაში შევთავაზოთ, მაგრამ ეს ძალდაუტანებლად უნდა მოხდეს. თუ ბავშვი მისდამი დიდ ინტერესს არ გამოამჟღავნებს, ჯობს თავი დავანებოთ. პატარასთვის აუცილებელია იმის ცოდნა, რომ აქვს არჩევანისა და საკუთარი გადაწყვეტილებების შეცვლის უფლება. ის უნდა გრძნობდეს, რომ მის აზრს უფროსები ანგარიშს უწევენ. საჭიროა მოთმინება, მაშინაც კი, როცა ბავშვი უეცრად გაიხსენებს იმ მივიწყებულ თამაშს, რომელიც ნერვებს გიშლიდათ.
გაუმართლებელია ბავშვის ყოველი ქმედების მკაცრი კონტროლი და თვალთვალი. ცხადია, გარდა იმ შემთხვევებისა, როცა ბავშვი საფრთხეს უქმნის თავის ჯანმრთელობას.
საზოგადოდ კი, თუ გვინდა, ბავშვმა რამე არ აკეთოს, მას ეს... არ უნდა დავუშალოთ! წინააღმდეგ შემთხვევაში პატარა გამუდმებით ეცდება აკეთოს ის, რასაც უკრძალავენ. ასეა, აკრძალული ხილი გემრიელია!
