ლალი ჩხიკვაძე

1. მიუხედავად შეფუთვის წარწერისა, ურეცეპტოდ გასაყიდი ფერადი კონტაქტური ლინზები არ არის უნივერსალური. ლინზების არასწორად მორგებამ შეიძლება დაკაწროს რქოვანა, თვალის გარე ფენა. ამან შეიძლება გამოიწვიოს რქოვანას აბრაზია და ნაწიბურები. გარდა ამისა, საღებავმა და დიზაინმა ასევე შეიძლება შექმნას არათანაბარი ზედაპირი ლინზების შიდა ზედაპირზე, რამაც შეიძლება გააუარესოს სიტუაცია.

2. ფერადი კონტაქტური ლინზები უფრო სქელი და მაგარია და ნაკლებად სუნთქავს, ვიდრე ჩვეულებრივი კონტაქტური ლინზები. ეს ზრდის ინფექციების განვითარების ალბათობას.

3. კონტაქტური ლინზების მწარმოებლები იყენებენ სხვადასხვა ქიმიკატებს ლინზების შესაღებად. ამ ნივთიერებებიდან ზოგიერთი შეიძლება იყოს მავნე, მაგალითად, თვალის გაღიზიანების გამომწვევი.

შეიძინეთ კონტაქტური ლინზები სანდო მაღაზიაში. აირჩიეთ კონტაქტური ლინზები სანდო მწარმოებლისგან ან პირდაპირ თქვენი თვალის ექიმის რეკომენდაციით.

მოაწესრიგეთ ლინზები. გაითვალისწინეთ რჩევები, თუ როგორ გაწმინდოთ, გაასტერილოთ, შეინახოთ და ატაროთ ლინზები. არ გამოიყენოთ ონკანის წყალი ლინზის გასაწმენდად. და არ დაგავიწყდეთ კონტაქტური ლინზების გაკეთებამდე ხელების დაბანა.

თუ განიცდით რაიმე დისკომფორტს, სიწითლეს, თვალის ტკივილს ან მხედველობის დაბინდვას, დაუყოვნებლივ შეწყვიტეთ კონტაქტური ლინზების გამოყენება, მათ შორის ფერადის. თუ მდგომარეობა გაუარესდება, უნდა მიმართოთ სპეციალისტს.

ფერადი ლინზების გამოყენება უსაფრთხოა, თუ დაიცავთ ამ მითითებებს.

• იყიდეთ ცნობილი ბრენდის ლინზები.
• არ დაგავიწყდეთ ლინზების გაწმენდა და სათანადოდ შენახვა.
• დაბოლოს, არ მოითმინოთ დისკომფორტი ფერადი ლინზების გამოყენებისას – თუ რამე გაწუხებთ, ეს იმის ნიშანია, რომ ისინი უნდა მოიხსნათ.