კატარაქტა - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

კატარაქტა

კატარაქტის დროს ბროლი მონაცრისფრო, მონაცრისფრო-თეთრი ან რძისფერი ხდება. რამდენიმე წლის წინ მას უმთავრესად ხანდაზმულთა პათოლოგიად მიიჩნევდნენ, თუმცა, სამწუხაროდ, ოფთალმოლოგიური პრაქტიკა გვიჩვენებს, რომ ეს ასე აღარ არის - 35-40 წლის ადამიანებს შორის დაავადების შემთხვევები უფრო და უფრო ხშირია.

რამდენიმე ხნის წინ კატარაქტის დიაგნოზი დამისვეს. თუ შეიძლება, ამიხსენით, რას წარმოადგენს ეს დაავადება, რა იწვევს მას და როგორ მკურნალობენ.

რა იწვევს ბროლის შემღვრევას

არსებობს დაავადების თანდაყოლილი და შეძენილი, პროგრესირებადი და არაპროგრესირებადი ფორმები. თანდაყოლილი კატარაქტა, ჩვეულებრივ, არ პროგრესირებს. შეძენილი კატარაქტა მიზეზის მიხედვით შეიძლება იყოს:

  • ასაკობრივი (მოხუცებულთა) კატარაქტა;
  • ტრავმული - გამოწვეული როგორც კონტუზიით, ისე თვალის კაკლის პირდაპირი დაზიანებით;
  • გართულებული - თვალის სისხლძარღვოვანი გარსის ანთების, გლაუკომის, ბადურას პიგმენტური გადაგვარებისა და თვალის ზოგიერთი დაავადების შედეგად განვითარებული;
  • სხივური - სხივური ენერგიით (ინფრაწითელი, რენტგენისა და რადიაციული გამოსხივებით) ბროლის დაზიანების შედეგი (ეს ძირითადად პროფესიული დაავადებაა);
  • ტოქსიკური - ამ ჯგუფს მიეკუთვნება წამლისმიერი კატარაქტა, რომელიც შესაძლოა ჩამოყალიბდეს კორტიკოსტეროიდების, ანტიმალარიული პრეპარატების ან სხვა მედიკამენტების ხანგრძლივი მიღების შემდეგ;
  • ორგანიზმის ზოგადი დაავადებებით გამოწვეული - ვითარდება შაქრიანი დიაბეტის, ჰიპოთირეოზის, თირკმლის დაავადებებისა და ნივთიერებათა ცვლის ზოგიერთი სახის დარღვევის ფონზე.

კატარაქტის განვითარებაში დიდ როლს ასრულებს მემკვიდრეობაც.

დაავადების ნიშნები

ავადმყოფი, ჩვეულებრივ, უჩივის მხედველობის დაქვეითებას, რაც ბროლის შემღვრევის ხარისხზე, ინტენსივობასა და ლოკალიზაციაზეა დამოკიდებული. ბროლის პერიფერიაზე შემღვრევისას მხედველობა თითქმის არ ზიანდება. როდესაც შემღვრეულობა ცენტრშია ლოკალიზებული, იგი ძლიერ აზიანებს მხედველობას, სრული შემღვრევისას კი ადამიანს მხოლოდ სინათლის სიბნელისგან გარჩევის უნარიღა შესწევს.

თუ პაციენტი ვერ აღიქვამს სინათლეს და არ შეუძლია, სინათლის წყაროს მიმართულება მიუთითოს, მას, სავარაუდოდ, თვალის სხვა დაზიანებაც აქვს - გლაუკომა, ბადურას ჩამოფცქვნა... ამ შემთხვევაში კატარაქტის მკურნალობა ყოველთვის მხედველობის აღდგენით არ სრულდება.

მკურნალობა

კატარაქტის საწყის სტადიაში მიზანშეწონილია კონსერვატიული მკურნალობა, რადგან ზოგიერთი ფორმის დროს შემღვრეულობა შესაძლოა გაიწოვოს. ანტიკატარაქტული პრეპარატები, ჩვეულებრივ, თვალის წვეთებია, რომლებსაც დღეში 3-5-ჯერ იწვეთებენ. მათი დიდი ნაწილი შეიცავს ვიტამინების კომპლექსს, ბიოგენურ სტიმულატორებსა და არაორგანულ მარილებს.

როდესაც დაავადება შორს არის წასული და მედიკამენტურ მკურნალობას სასურველი შედეგი არ მოაქვს, მკურნალობის ერთადერთ ეფექტურ საშუალებად ქირურგიული ჩარევა მიიჩნევა. წინათ შემღვრეული ბროლის ექსტრაქციამდე საჭირო იყო დალოდებოდნენ კატარაქტის სრულ მომწიფებას. თანამედროვე მეთოდები ოპერაციის ნებისმიერ სტადიაზე ჩატარების საშუალებას იძლევა. პროგნოზისთვის მნიშვნელოვანია ბადურასა და მხედველობის ნერვის ფუნქციური მდგომარეობა.

კატარაქტის ოპერაცია თვალის ერთ-ერთი ყველაზე გავრცელებული ოპერაციაა. მისი ჩატარების შემდეგ მართებულია რამდენიმე რეკომენდაციის გათვალისწინება: ფიზიკური დატვირთვის შემცირება, სიმძიმის აწევისგან თავის შეკავება. მზის ძლიერი გამოსხივებისა და სინათლის პირობებში ნაოპერაციევმა ადამიანმა დამცავი სათვალე უნდა ატაროს. კითხვა და ტელევიზორის ყურება რეკომენდებულია მხოლოდ დღისით. სიბნელეში ამგვარი მოქმედება იკრძალება. ასიდან 90-95 შემთხვევაში ოპერაცია წარმატებით სრულდება - აღდგება მხედველობა და ადამიანი აქტიურ ცხოვრებას უბრუნდება.