მოწევა მხედველობას აუარესებს
სიგარეტის კვამლში არსებული ტოქსიკური ნივთიერებები აღიზიანებს თვალების ლორწოვან გარსს და სერიოზულ საფრთხეს უქმნის მხედველობას.
• მძიმე მეტალები, მათ შორის ტყვია და სპილენძი, ლაგდება თვალის ბროლში და იწვევს კატარაქტას. ბროლის გამჭვირვალობა იკლებს და აჩქარებს მხედველობის დაბინდვას;
• მოწევა განსაკუთრებულად საშიშია შაქრიანი დიაბეტით დაავადებულთათვის, რადგან ღრმავდება რეტინოპათია (ბადურის სისხლძარღვთა დაზიანება), რაც აუარესებს მხედველობას;
• მწეველებთან სამჯერ გაზრდილია ასაკობრივი მაკულური დეგენერაციის რისკი (ანუ ჩქარდება ყვითელი ხალისა და ბადურის დისტროფია, რაც საბოლოოდ სიბრმავეს იწვევს);
• მწეველები არამწეველებთან შედარებით 16-ჯერ უფრო ხშირად აწყდებიან მხედველობის უეცარ დაკარგვას, რასაც სისხლის მიმოქცევის შეზღუდვის შედეგად განვითარებული მხედველობის ნერვის ნეიროპათია განაპირობებს.
თინათინ გოცაძე