როგორ შევინარჩუნოთ მხედველობა
მხედველობაზე უარყოფითად მოქმედ ფაქტორებად შეიძლება მივიჩნიოთ სიგარეტი, არასწორი კვება და დაბალი ფიზიკური აქტივობა.
თვალებისთვის განსაკუთრებით დიდ დატვირთვას წარმოადგენს კომპიუტერი და მობილური ტელეფონი, რომელთანაც ხანგრძლივმა მუშაობამ ასევე შეიძლება გამოიწვიოს ახლომხედველობისა და მშრალი თვალის სინდრომის განვითარება.
სამწუხაროდ, კომპიუტერთან მუშაობისას ყველა როდი იცავს დასვენების რეჟიმს, რაც გულისხმობს მონიტორთან ურთიერთობის ყოველი საათის შემდეგ, 5-10 წუთიან დასვენებას. ასევე მნიშვენლოვანია გავითვალისწინოთ, რომ არასწორად შერჩეული სათვალე, თვალის ხანგრძლივი ძლიერი გადაძაბვა შეიძლება გახდეს თავის ტკივილის მიზეზი.
ამიტომ აუცილებელია ექიმთან რეგულარული ვიზიტი და მხედველობის დიაგნოსტიკა. 40 წლის შემდეგ ეს ყოველწლიურად უნდა მოხდეს, რადგანაც ასაკის მატებასთან ერთად იზრდება ისეთი სერიოზული დაავადებების განვითარების ალბათობა, როგორიცაა გლაუკომა და კატარაქტა.
ლალი ჩხიკვაძე