რა არის ბაზალიომა - მკურნალი.გე

რუბრიკები

ოჯახის მკურნალის ანონსი

დეკემბერი 2019

რა არის ბაზალიომა

რა არის ბაზალიომა
ბაზალიომა კანის ბაზალურ-უჯრედოვანი ავთვისებიანი სიმსივნეა. თუმცა, კიბოს სხვა ფორმებისგან განსხვავებით, მეტასტაზებს არ იძლევა და ამიტომ საბოლოო განკურნების იმედიც არსებობს! მით უფრო, რომ თანამედროვე მედიცინა ბაზალიომასთან ბრძოლის რამდენიმე მეთოდს ფლობს, გარდა ამისა, ცნობილია ხალხური საშუალებებით მისგან განკურნების შემთხვევებიც.


უფრო დაწვრილებით ბაზალიომის შესახებ

ბაზალიომა ერთ-ერთი ყველაზე გავრცელებული კიბოა კანის სიმსივნეებს შორის. ის პოლიფორმული შენებისაა, წარმოიქმნება ეპიდერმისის (კანის ზედაპირული ეპითელური შრის) ბაზალური უჯრედებისა და კანის დანამატების შემადგენელი უჯრედების გადაგვარების შედეგად. ხასიათდება ადგილობრივად დესტრუქციული ზრდით, სიმსივნის სხვა ფორმებისაგან განსხვავებით მეტასტაზებს არ იძლევა, სამაგიეროდ, სხვა კიბოების
მსგავსად, სწრაფად იზრდება და ავთვისებიანობის გამო საშიშია. კანის კიბოს ამ ფორმის ავთვისებიანობა გამოიხატება იმაში, რომ მისი უჯრედები კანის ჯანმრთელ უჯრედებზე გაცილებით სწრაფად იყოფა, მრავლდება, შესაბამისად, სიმსივნური წარმონაქმნი ძალზე სწრაფად იზრდება, კანის სულ უფრო მეტ უბანს იპყრობს, აზიანებს და კოსმეტიკური თვალსაზრისით „ამახინჯებს“ ადამიანს. ბაზალიომა უხშირესად სახის
არეს მოიცავს („საყვარელი“ უბნებია - შუბლი, ცხვირი, თვალის კუთხეები, საფეთქლის არეები, ყურის ნიჟარები), თუმცა გვხვდება სხეულსა და კიდურებზეც.

კოსმეტიკური დეფექტის გარდა, დიდი პრობლემაა ის, რომ კანის ნორმალური, ჯანმრთელი საფარველი, რომელიც ადამიანის სხეულს იცავს გარემოს მავნე ფაქტორთა ზემოქმედებისაგან და მთელ რიგ ფუნქციებს ასრულებს ორგანიზმში, ბაზალიომის გამო ზიანდება. საკუთრივ ბაზალიომის უჯრედები აღნიშნულ ფუნქციას ვერ ასრულებენ და კოსმეტიკური დეფექტის გარდა, ორგანიზმს სხვა სერიოზული პრობლემებიც ექმნება. ბაზალიომა, ჩვეულებრივ, საშუალო და ხანდაზმულ (50-60 წლის და შემდგომ) ასაკში ვითარდება. თითქმის თანაბარი სიხშირით გვხვდება ქალებსა და მამაკაცებთან.

დაავადება რომ არ გაღრმავდეს, მიმართავენ მის მოკვეთას. დაავადების დროული დიაგნოსტიკისა და სიმსივნური წარმონაქმნის ადრეულ ეტაპზევე მოკვეთის შემთხვევაში, უხშირესად, სრული განკურნება მიიღება.


ბაზალიომის მკურნალობის მეთოდები:

ბაზალიომის სამკურნალოდ გამოიყენება ქირურგიული, ელექტროქირურგიული მოკვეთა, ახლოფოკუსური რენტგენოთერაპია, იშვიათად - კრიოთერაპია (მოყინვით მკურნალობა) და სხვადასხვა მეთოდის კომბინაცია. კარგა ხანია, ლაზეროთერაპიულმა მეთოდმაც აჩვენა დიდი ეფექტურობა ამ პათოლოგიის მკურნალობაში (ლაზერის გამოყენებით სიმსივნური წარმონაქმნი ჯანსაღი ქსოვილების ფარგლებში ერთ სეანსში იკვეთება, შემდგომ კი საუკეთესო კოსმეტიკურ ეფექტს იძლევა).


* * *

რაც შეეხება ბაზალიომის მკურნალობის ხალხურ მეთოდებს: არსებობს ძალიან ბევრი ფაქტი კანის კიბოს ამ ფორმისაგან ადამიანთა განკურნებისა. კერძოდ, რუსეთსა და ბელორუსიაში ბაზალიომისაგან განთავისუფლებულან ავადმყოფები შემდეგი საშუალებებით: სოკო ჩაგა, სოკო შიიტაკე და ვერცხლის იონებით გამდიდრებული წყალი. მაგალითად, 65 წლის ბელორუსი ქალი, რომელსაც დანიშნული ჰქონდა სხივური თერაპიის კურსი (ჩაიტარა კიდეც რამდენიმე), განიკურნა ვერცხლის იონებით გამდიდრებული წყლის საფენებით, რომელსაც სისტემატურად იტარებდა დილა-საღამოს, პარალელურად სვამდა სოკო შიიტაკესა და ჩაგას არყიან ნაყენს. ბელორუსიის ხალხურ მედიცინაში ძალზე პოპულარულია აგრეთვე შიიტაკე ზეითუნის ზეთში.


ცოტა რამ ჩაგასა და შიიტაკეზე


ჩაგა გახლავთ არყის პარაზიტული სოკო, რომელსაც სამკურნალო თვისებები აქვს, ხოლო შიიტაკე ჩინური მედიცინისა და კულინარიის სიამაყეა. მოსკოვის უნივერსიტეტის კლინიკაში პროფესორ ფ. ი. ინოზემცევის მიერ ოფიციალურად გამოიყენებოდა ავთვისებიანი სიმსივნით დაავადებული პაციენტების სამკურნალოდ როგორც ჩაგას ნაყენის საფენები (გარეგანი მოხმარებისათვის), ასევე სოკოს ნაყენი დასალევად.

1952 წლიდან შეიმუშავეს ჩაგადან სამკურნალო საშუალებათა მიღების მეთოდი. 1955 წელს კი ყოფილი საბჭოთა კავშირის ჯანდაცვის ფარმაკოლოგიურმა კომიტეტმა ოფიციალურად დაუშვა ჩაგას პრეპარატების გამოყენება. პირველი პრეპარატი გახლდათ ბეფუნგინი - ჩაგას სქელი ექსტრაქტი (გამონაყოფი), რომელსაც დამატებული ჰქონდა კობალტის ქლორიდი ან სულფატი. დღეისათვის სხვადასხვა ქვეყნის ფარმაცევტული წარმოება ჩაგას არაერთ პრეპარატს უშვებს, როგორც ტაბლეტირებული, ასევე ინტრამუსკულური (კუნთებში) ინექციისათვის განკუთვნილი ფორმით.

შიიტაკე უძველესი დროიდან გამოიყენება პოტენციის ასამაღლებლად, სისხლის გასაწმენდად და სიმსივნისაგან ორგანიზმის დასაცავად. გასული საუკუნის 60-იანი წლებიდან შიიტაკეს სამკურნალო თვისებებს ინტენსიურად იკვლევენ მსოფლიოს მრავალ ქვეყანაში. 1969 წელს ტოკიოს ნაციონალურმა კვლევითმა ცენტრმა შიიტაკედან გამოყო პოლისაქარიდი - ლენთინანი, რომელიც დღეს უკვე კარგად ცნობილი პრეპარატია და ფართოდ გამოიყენება იმუნური სისტემის დარღვევათა და სიმსივნურ პათოლოგიათა სამკურნალოდ.
გააკეთეთ კომენტარი
კომენტარი არ გაკეთებულა
რეკომენდებული პროდუქტები
მხედველობის ჯანმრთელობისთვის-30აბი
ფასი: 44.9
მხედველობის ჯანმრთელობისთვის -60 აბი
ფასი: 39.9
მხედველობის ხელშეწყობისთვის-60აბი
ფასი: 44.9
ღვიძლის ნორმალური ფუნქციონირებისათვის -30აბი
ფასი: 48.9
მსგავსი სიახლეები
ბიომარკერები ის ნივთიერებებია, რომელთა აღმოჩენაც ხდება ავადმყოფი ადამიანის ქსოვილებსა და სითხეებში ჯანმრთელი პირებისათვის
04-11-2019
სახის კანის პრობლემები ხშირად მისი არასწორი მოვლის გამო ჩნდება. ძალიან დიდი მნიშვნელობა აქვს სახის დაბანის რეჟიმსა
07-10-2019
პირის ღრუს დაავადებები - კარიესი, ღრძილების დაავადებები, პირის ღრუს სიმსივნეები - დედამიწის მოსახლეობის თითქმის 50% აღენიშნება
06-09-2019
დიეტოლოგია
კუჭის ტკივილს უამრავი მიზეზი აქვს. ზოგჯერ ეს სიმპტომი მეტად სერიოზული დაავადების მანიშნებელია:
პრიმატებზე ჩატარებული ექსპერიმენტები მეტყველებს, რომ ხმელთაშუა ზღვის დიეტა იძლევა საშუალებას, რომ შევინარჩუნოთ
იოდის დეფიციტი ადამიანის ჯანმრთელობისთვის ძალიან სახიფათოა. იოდის დონის დაქვეითების აღმოსაფხვრელად ექსპერტები
კატეგორიის სხვა სტატიები
რუსეთის მეცნიერებათა აკადემიის ბიოქიმიური ფიზიკის ინსტიტუტის თანამშრომლებმა 14-წლიანი კვლევს შედეგები გამოაქვეყნეს.
მხედველობის სისტემის ჩამოყალიბება ხდება 1-5 წლის ასაკში, როდესაც ფორმირდება ძირითადი ფუნქციები: მხედველობის
თამბაქოს მავნე გავლენებს შორის ერთ-ერთი მხედველობის პრობლემათა გაღრმავება და დაბრმავების პროცესის დაჩქარებაა.
მნიშვნელოვანია საკვებ რაციონში იყოს ომეგა-3 უჯერი ცხიმოვანი მჟავებით (თევზი), ვიტამინებით მდიდარი (ხილი და ბოსტნეული) პროდუქტები.
სახის კოსმეტოლოგიური არასრულყოფილებიდან ზედა ქუთუთოს ფტოზი ერთ-ერთი
როგორც მედიკოსები ამტკიცებენ, ასაკობრივი კატარაქტა სულაც არ არის გარდაუვალი. როგორც აღმოჩნდა, რიგი ვიტამინებისა
ნიუ-იორკის ბევრმა მცხოვრებმა დაიწყო მწნილის წვენის შეძენა. ერთი ქილა მწნილის წვენის ფასი 3-დან 45 დოლარამდეა.
მეცნიერულად დადასტურებულია, რომ ნიორი კეთილისმყოფელ გავლენას ახდენს სისხლის შედგენილობაზე, აფერხებს
კბილის ზომამ სიგრძეში შეადგინა 3,72 სმ. პაციენტმა ექიმს მიმართა მწვავე ტკივილის გამო. კბილმა, ანომალური ზომების გამო, გამოიწვია ზედა ყბის ანთება.
მამობის მსურველი მამაკაცებისთვის ჩასახვის შანსი იზრდება კარგი ძილის შემთხვევაში. რეკომენდებულია დასაძინებლად დაწოლა 22:30 საათზე.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად