თუ ტელევიზორს დღისით უყურებთ, საჭიროა ოთახის დაბნელება, საღამოს კი მისი განათება - რჩევები მხედველობის შესანარჩუნებლად
რისგან შევიკავოთ თავი?
• არ უნდა მოვწიოთ, რადგანაც მოწევა ზრდის თვალის წნევას, რაც სხვადასხვა დაავადების გამომწვევია;
• არ იკითხოთ დაწოლილმა;
• კითხვისას წიგნთან დაშორება უნდა იყოს 30 სმ;
• თუ ტელევიზორს დღისით უყურებთ, საჭიროა ოთახის დაბნელება, საღამოს კი მისი განათება;
• შეეცადეთ ნაკლები დრო გაატაროთ კომპიუტერთან, რადგან მხედველობასთან დაკავშირებული პრობლემები დიდწილად მათ აღენიშნებათ, ვინც კომპიუტერთან დიდხანს ზის;
• ყოველდღიურად (ან კვირაში რამდენჯერმე) თვალებზე გაიკეთეთ ჩაის კომპრესები. შეეცადეთ, ხშირად ისეირნოთ სუფთა ჰაერზე - ეს დადებითად იმოქმედებს თვალების ჯანმრთელობაზე;
• იკვებეთ კარგად. ვიტამინების ნაკლებობისას მხედველობის სიმახვილე იკლებს და თვალებიც ადვილად და სწრაფად იღლება, ამასთან, აღინიშნება მტკივნეულობაც.
პომიდორში, ნესვში, ბარდასა და ღვიძლში ბევრია А ვიტამინი, ამიტომ რაც შეიძლება ხშირად გამოიყენეთ ეს პროდუქტები. თუ თვალის სიმშრალე და გაღიზიანება გაწუხებთ, ეს B ვიტამინის ნაკლებობას მიუთითებს. ამ შემთხვევაში უფრო მეტი სოკო და ბანანი უნდა მიიღოთ. რაც შეიძლება დიდი რაოდენობით მიირთვით С ვიტამინის შემცველი პროდუქტები. ეს დაგეხმარებათ თვალის ახალგაზრდობის შენარჩუნებაში.
თვალებს დასვენება სჭირდება, განსაკუთრებით - სამუშაო დღის ბოლოს, რადგან სამსახურში თვალი ძალზე იტვირთება.
სამსახურიდან დაბრუნებისას 15-20 წუთით წამოწექით საწოლზე, ჩააქრეთ შუქი და დაწექით თვალგახელილი. ამით თვალებს კარგი დასვენების საშუალებას მისცემთ.