თვალი

მშრალი თვალის სინდრომის პრობლემას იმპლანტატი გადაჭრის

მშრალი თვალის სინდრომის პრობლემას იმპლანტატი გადაჭრის
ძალიან მალე მშრალი თვალის სინდრომის განკურნება სტენფორდის უნივერსიტეტის მკვლევარების მიერ შემუშავებული, ახალი იმპლანტატის საშუალებით გახდება შესაძლებელი. მეცნიერებმა აღმოაჩინეს, რომ მკურნალობისთვის შესაძლებელია აფერენტული ნერვული გზების სტიმულაციის გამოყენება, რაც ცრემლის წარმოქმნის გააქტიურების საშუალებას მოგვცემს. მათ შეიმუშავეს მოწყობილობა, რომელსაც გააჩნია პლატინის ფოლგის ელექტროდები. მათი იმპლანტაცია ხდება არასწორად მომუშავე საცრემლე ჯირკვალში, ხოლო დამატებითი ელექტროდის აფერენტულ ნერვში ელექტროსტიმულაციის გააქტიურება დისტანციური მართვით ხდება.

ამერიკელმა მკვლევარებმა თავისი მოწყობილობა გამოსცადეს კურდღლებზე და დააფიქსირეს ცრემლის წარმოქმნის მნიშვნელოვანი ზრდა, საკონტროლო ცხოველებთან შედარებით. დღეისათვის მზადდება კლინიკური კვლევები ადამიანების მონაწილეობით, რაც მოწყობილობის
FDA-ში (Food and Drug Administration, საკვებ პროდუქტებსა და მედიკამენტებზე სანიტარული ზედამხედველობის სამმართველო) სერტიფიცირებაზე გადაცემის საშუალებას იძლევა.

მშრალი თვალის სინდრომი ხშირად გვხვდება იმ პირობეში, ვინც დიდ დროს ატარებს კომპიუტერთან. ის საკმაოდ შემაწუხებელი პრობლემაა, რომელიც ექიმის დახმარებას საჭიროებს.

ლალი ჩხიკვაძე

მსგავსი სიახლეები
ბევრი პაციენტი, დაზიანებული ხრტილოვანი ქსოვილით, ხარისხიან იმპლანტანტებს საჭიროებს. ხელოვნური
19-04-2018
კალიფორნიის უნივერსიტეტის თანამშრომლებმა თვალის ბადურას უნიკალური იმპლანტანტი წარმოადგინეს. მათი
13-04-2018