ერექციული დისფუნქციის წინააღმდეგ მოქმედი ახალი გელი ვიაგრაზე ეფექტურია
მისი აქციების ფასი ავარდა მას შემდეგ, რაც გამოცხადდა სწრაფი მოქმედების გელის წარმატებულად ჩატარებული კვლევის შესახებ. აღნიშნული გელი მოწოდებულია ერექციულ დისფუნქციასთან საბრძოლველად.
232 მამაკაცის მონაწილეობით ჩატარებულმა კვლევამ აჩვენა, რომ გელს სასურველი შედეგი ჰქონდა 82%-ში მხოლოდ 10 წუთში. 54%-ში ეფექტი 5 წუთში ვლინდებოდა. შედარებისთვის ვიაგრას ეფექტის გამოსავლენად 30 წუთი სჭირდება. გელის სამუშაო სახელწოდებაა-MED2002 და გამოდის ეროქსონის (Eroxon) მარკით. დღეისათვის ეს ერექციული დისფუნქციის წინააღმდეგ ყველაზე სწრაფად მოქმედი საშულებაა.
გელზე სერიოზული გვერდითი რეაქციები არ დაფიქსირებულა. მისი შემქმნელების ვარაუდით, უახლოეს მომავალში ის აფთიაქებში გამოჩნდება.
გელის აქტიური ინგრედიენტია ტრინიტროგლიცერინი. მას ადრე სტენოკარდიის სამკურნალოდ იყენებდნენ. იგი აფართოებს სასქესო ასოს სისხლძარღვებს, რაშიც მდგომარეობს გელის მოქმედების საიდუმლო. Futuru Medical-ს უკვე აქვს პროდუქტი ტრინიტროგლიცერინით (მხოლოდ სხვა ფორმულა) -პრეზერვატივები.
ლალი ჩხიკვაძე