როგორ დავიბრუნოთ სექსუალური ლტოლვა - მკურნალი.გე

რუბრიკები

ოჯახის მკურნალის ანონსი

დეკემბერი 2019

როგორ დავიბრუნოთ სექსუალური ლტოლვა

როგორ დავიბრუნოთ სექსუალური ლტოლვა
ექიმები და ფსიქოლოგები საკმაოდ ბევრს საუბრობენ სექსუალურ დარღვევებზე: მამაკაცებში ერექციულ დისფუნქციაზე ან ქალების ანორგაზმიაზე. მაგრამ სიტუაცია, როდესაც სექსი აღარ უნდათ, ხშირად სათანადო ყურადღების გარეშე რჩება. როგორც კვლევამ აჩვენა, 18-59 წლის ქალების 32% და მამაკაცების 15% არ განიცდის სექსუალურ ლტოლვას მრავალი თვის განმავლობაში, ხოლო ზოგიერთ მათგანს საერთოდ ზიზღის გრძნობა ეუფლება სექსის გაფიქრების დროსაც კი.

ივარჯიშეთ (მაგრამ ძალიან არ გადაიღალოთ)

ვარჯიში მოქმედებს ლიბიდოზე, თუმცა ეს კავშირი ისეთი აშკარა არაა, როგორც ბევრს ჰგონია. სექსუალურ ლტოლვაზე აისახება ფიზიკური აქტივობის როგორც ხანგრძლივობა, ისე ინტენსივობა. მამაკაცების მონაწილოებით
ჩატარებულმა კვლევამ აჩვენა, რომ ნორმალური და მაღალი ლიბიდო ჰქონდა მათ, ვინც ზომიერი ინტენსივობით და ხანგრძლივობით ვარჯიშობდნენ.

ქალებისთვის, სიმპათიკური ნერვული სისტემის გამოსაფხიზებლად, 20 წუთიანი ვარჯიში საკმარისია. მისი აქტივობა აღგზნებას უწყობს ხელს. ასე რომ, მცირეხნიანი, მაგრამ რეგულარული ფიზიკური ვარჯიში საკმარისია ლიბიდოს ფორმაში შესანარჩუნებლად.

შეამცირეთ მასტურბაცია

ზედმეტი სექსუალური
დაძაბულობის მოსახსნელად და სიამოვნების მისაღებად მასტურბაციაში ცუდი არაფერია. მაგრამ როდესაც ლიბიდო ისედაც ნულზეა, თვითდაკმაკყოფილება შეიძლება მავნებელიც იყოს.
მამაკაცებსა და ქალებშიც სექსუალური ლტოლვა პირდაპირ დაკავშირებულია ანდროგენების, კერძოდ, ტესტოსტერონის დონესთან. ლიბიდოს დაცემისას, ამ ჰორმონის აფეთქების გამოწვევის ერთ-ერთი მეთოდი მასტურბაციაზე უარია. ერთკვირიანი თავშეკავების შემდეგ სისხლში ტესტოსტერონის რაოდენობა შეიძლება 2,5-ჯერ გაიზარდოს.

ვირთხებზე ჩატარებულმა კვლევამ აჩვენა, რომ ზედმეტად ხშირი ორგაზმი ამცირებდა ანდროგენური რეცეპტორების (სწორედ მათი საშუალებით ტვინი რეაგირებს ტესტოსტერონზე) კონცენტრაციას. გამოდის, რომ მუდმივი მასტურბაციისას ორგანიზმი ამ ჰორმონის მიმართ ნაკლებად მგრძნობიარე ხდება. 72 საათიანი თავშეკავების შემდეგ ტესტოსტერონის რეცეპტორების რაოდენობა ცხოველებში ისევ იმატებდა სექსულურ ლტოლვასთან ერთად.

მიირთვით შოკოლადი

სასურველია კაკაოს მაღალი შემცველობით - ზოგიერთი მონაცემით, სწორედ ეს კომპონენტი შეიძლება იყოს აფროდიზიაკი. შოკოლადი ზრდის ორგანიზმში სეროტონინის და ფენილეთილამინის კონცენტრაციას. ეს ნივთიერებები აუმჯობესებენ განწყობას, რაც სექსუალური ლტოლვის გაძლიერებას უწყობს ხელს.
უარი მავნე ჩვევებს

ცხოვრების ჯანსაღი წესი არა მარტო ორგანიზმის ზოგადი მდგომარეობისთვის, არამედ სექსულური ფუნქციისთვისაც კარგია. მოწევა იწვევს სისხლძარღვების სპაზმს და აუარესებს სისხლის მიმოქცევას. ამის გამო სისხლი სასქესო ორგანოებთან აღარ მიედინება, რაც აღგზნებას ხელს უშლის. ალკოჰოლის და მით უმეტეს ნარკოტიკების მოხმარება ასევე შესანიშნავი საშუალებაა ლიბიდოს დასაქვეითებლად. თუმცა 1 ჭიქა ღვინო დასაშვები ნორმაა, რომელიც ადამიანს მოდუნებაში და პარტნიორთან დაახლოებაში ეხმარება.

სეირნობა და მედიტაცია

სტრესი ჰარმონიული და სექსუალური ცხოვრების საწინააღმდეგო მძლავრი იარაღია და მამაკაცებსა და ქალებზე განსხვავებულად მოქმედებს. ქალები სტრესული სიტუაციებისადმი უფრო მგრნძნობიარეები არიან. განცდები მათში სექსუალურ ლტოლვას მაშინვე აქრობს. მამაკაცებმა კი შეიძლება სხვანაირად მოახდინონ რეაგირება და სტრესი სექსის საშუალებით მოიხსნან.

რა ხდება, როდესაც წყვილი მძიმე სიტუაციაშია და ორივეს აქვს სანერვიულო (რემონტი, კამათი, ფინანსური სირთულეები)? ქალებს უქვეითდებათ ლიბიდო და არ სურთ სექსი. მამაკაცს პირიქით, რაც აღრმავებს კონფლიქტს და აძლიერებს სტრესს. ამის თავიდან ასაცილებლად, კარგია იოგა, საღამოობით სეირნობა ან მედიტაცია და როდესაც ორივე პარტნიორს ლიბიდო ნორმალურ დონეზე დაუბრუნდება, სექსის საკითხიც დადგება დღის წესრიგში.

ლალი ჩხიკვაძე

გააკეთეთ კომენტარი
კომენტარი არ გაკეთებულა
რეკომენდებული კლინიკები
მსგავსი სიახლეები
საზამთრო: საზამთრო ბევრს უყვარს, თუმცა ყველამ როდი იცის, რომ მას "ნატურალურ ვიაგრას" უწოდებენ. მისი ნაყოფი
26-07-2019
დიდი ბრიტანეთის დიეტოლოგებმა, კვლევების საფუძველზე, განაცხადეს, რომ არსებობს პროდუქტების ნაკრები, რომელიც
12-04-2018
ექიმებმა მამაკაცთა მასტურბაცია დეტოქს-პროგრამას შეადარეს. ავსტრალიელი მეცნიერები დარწმუნებულები
10-04-2018
დიეტოლოგია
კუჭის ტკივილს უამრავი მიზეზი აქვს. ზოგჯერ ეს სიმპტომი მეტად სერიოზული დაავადების მანიშნებელია:
პრიმატებზე ჩატარებული ექსპერიმენტები მეტყველებს, რომ ხმელთაშუა ზღვის დიეტა იძლევა საშუალებას, რომ შევინარჩუნოთ
იოდის დეფიციტი ადამიანის ჯანმრთელობისთვის ძალიან სახიფათოა. იოდის დონის დაქვეითების აღმოსაფხვრელად ექსპერტები
კატეგორიის სხვა სტატიები
ძალიან ბევრ წყვილს აღელვებს მშობიარობის შემდეგ სქესობრივი ცხოვრების განახლების საკითხი. მშობიარობა ორგანიზმისთვის
საზამთრო: საზამთრო ბევრს უყვარს, თუმცა ყველამ როდი იცის, რომ მას "ნატურალურ ვიაგრას" უწოდებენ. მისი ნაყოფი
სექსი შესანიშნავი პროცესია, რომელსაც დადებითი ემოციები და შეგრძნებები ახლავს.
ბეილორის უნივერსიტეტის მეცნიერები რომანტიულ ურთიერთობაში მყოფ ადამიანებს ურჩევენ, ერთად ხშირად
ზღვარსგადასულ ნევროზსა და გაღიზიანებადობას ხალხში ხშირად ინტიმური ცხოვრების ნაკლებობით ხსნიან.
ნიუ-იორკის ბევრმა მცხოვრებმა დაიწყო მწნილის წვენის შეძენა. ერთი ქილა მწნილის წვენის ფასი 3-დან 45 დოლარამდეა.
მეცნიერულად დადასტურებულია, რომ ნიორი კეთილისმყოფელ გავლენას ახდენს სისხლის შედგენილობაზე, აფერხებს
კბილის ზომამ სიგრძეში შეადგინა 3,72 სმ. პაციენტმა ექიმს მიმართა მწვავე ტკივილის გამო. კბილმა, ანომალური ზომების გამო, გამოიწვია ზედა ყბის ანთება.
მამობის მსურველი მამაკაცებისთვის ჩასახვის შანსი იზრდება კარგი ძილის შემთხვევაში. რეკომენდებულია დასაძინებლად დაწოლა 22:30 საათზე.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად