სექსოლოგია

ბრიტანელი მეცნიერები სექს-რობოტებისგან სარგებელს ეჭვქვეშ აყენებენ

ბრიტანელი მეცნიერები სექს-რობოტებისგან სარგებელს ეჭვქვეშ აყენებენ
რობოტები ნელა, მაგრამ მყარად იკავებენ ადამიანის ცხოვრებაში გარკვეულ ადგილს. კერძოდ, ინჟინრები ყურადღებას ამახვილებენ სექს-რობოტებზე. იდეა იმაში მდგომარეობს, რომ ასეთი რობოტები დაეხმარებიან ადამიანებს, რომელთაც არ შეუძლიათ რეალური სოციალური კავშირის დამყარება. სექს- რობოტები საინტერესოა უსაფრთხო სექსის თვალსაზრისითაც.

თუმცა, ლონდონის სამეფო კოლეჯის თანამშრომლების განცხადებით, არანაირი მონაცემი არ არსებობს იმის შესახებ, რომ სექს-რობოტები სასარგებლოა სოციალურ იზოლაციასთან და სხვა პრობლემებთან გასამკლავებლად. თავის მხრივ, რობოტების მწარმოებლების აზრით, მათი მოწყობილობა „ადამიანებს ჩუქნის უპირობო სიყვარულსა და თანადგომას“, აკმაყოფილებს სექსუალურ, სოციალურ მოთხოვნილებას და ამაღლებს ცხოვრების ხარისხს, განსაკუთრებით, ხანდაზმულ და შეზღუდული
შესაძლებლობების მქონე ადამიანებში.

ამასთან, დამოუკიდებელი ექსპერტების აზრით, უახლოეს მომავალში ადამიანები საერთოდ უარს იტყვიან ტრადიციულ სექსზე. მომავლის მამაკაცი ეს არის ე.წ. დიჯიტალ-სექსუალი, რომელიც ინტიმურ სიახლოვეს მხოლოდ ანდროიდთან, ადამიანის მსგავს რობოტთან უშვებს.

ლალი ჩხიკვაძე

რეკომენდებული კლინიკები
მსგავსი სიახლეები