მითები ფილტვის ქრონიკული ობსტრუქციული დაავადების შესახებ
გვხვდება ემფიზემასთან, ქრონიკულ ბრონქიტთან ან ორივესთან ერთად. მოიცავს ქრონიკული ობსტრუქციული ბრონქიტისა და ემფიზემის დიაგნოზს. ყველაზე გავრცელებულ სიმპტომებს შორისაა სუნთქვის გაძნელება და ხველა.
ფილტვების ქრონიკულ ობსტრუქციულ დაავადებასთან დაკავშირებით არსებობს გავრცელებული მითები:
ფილტვების ქრონიკული ობსტრუქციული დაავადება იშვიათია
ფილტვების ქრონიკული ობსტრუქციული დაავადება საკმაოდ გავრცელებულია მსოფლიოში. მსოფლიო ჯანდაცვის ორგანიზაციის მონაცემებით, ფილტვების ქრონიკულ ობრსტრუქციული დაავადება 3,23 მილიონი ადამიანის გარდაცვალების მიზეზი გახდა.
აქედან გამომდინარე, ამერიკის ფილტვის ასოციაციის რეკომენდაციით, ფილტვის ობსტუქციული დაავადების სიმპტომების (ქრონიკული ხველა, სუნთქვის გაძნელება, ხშირი რესპირატორული ინფექციები, ხიხინი) მქონე ადამიანებმა დაუყოვნებლივ უნდა მიმართონ ექიმს.
ფილტვის ქრონიკული ობსტრუქციული დაავადება მხოლოდ მწეველებს უვითარდებათ
სიმართლეა, რომ თამბაქოს მოხმარება ზრდის ფილტვის ქრონიკული ობსტრუქციული დაავადების განვითარების რისკს, თუმცა არსებობს სხვა მრავალი რისკ-ფაქტორი. მათ შორის:
- ჰაერის დაბინძურება,
- ინფექციები,
- ასთმის ზოგიერთი ფორმა.
ფილტვის ქრონიკული ობსტრუქციული დაავადება მხოლოდ ფილტვებს აზიანებს
ფქოდ-ს შესაძლოა თან დაერთოს გულის დაავადებები, ფილტვის კიბო, ჰიპერტენზია, ოსტეოპოროზი და დიაბეტი.
სუნთქვის გაძნელება ფილტვების ქრონიკული ობსტრუქციული დაავადების ერთადერთი სიმპტომია
სუნთქვის გაძნელება ფქოდ-ის ერთ-ერთი ყველაზე გავრცელებული სიმპტომია, თუმცა, არა ერთადერთი. სხვა სიმპტომებს შორისაა: ხველა, რესპირატორული ინფექციები, ძილის დარღვევები, დეპრესია, ტკივილი, კოგნიტური ფუნქციების გაუარესება.
ფქოდ-ით დაავადებულ ადამიანებს არ შეუძლიათ ფიზიკური დატვირთვა
სპეციალური მიდგომების გარეშე შესაძლოა პაციენტებს შესაძლოა ჰქონდეთ გარკვეული პრობლემები ფიზიკური აქტივობის შესრულების დროს. მიუხედავად ამისა, ექიმები ხშირად ურჩევენ ამ დიაგნოზის მქონე პირებს ფიზიკურ აქტივობას, რომელიც აუმჯობესებს სუნთქვას.
არ არსებობს ფქოდ-ის მკურნალობის გზა
არსებობს უამრავი თერაპია და სტრატეგია, რომლებიც აუმჯობესებს მდგომარეობას. მათ შორისაა: მედიტაცია, დიეტა, ვაქცინაცია კონკრეტული რესპირატორული ინფექციების წინააღმდეგ, ჟანგბადის ინჰლაცია.
ფილტვების ქრონიკული ობსტრუქციული დაავადება იგივეა, რაც ასთმა
მიუხედავად იმისა, რომ ორივე მათგანი ფილტვების ობსტრუქციული დაავადებაა. არსებობს განსხვავება. ფქოდ ალვეოლების დაავადებაა, რომელიც მათი ელასტიურობის დაკარგვითაა გამოწვეული, ხოლო ასთმა სასუნთქი გზების დაავადებაა, რომელიც შესაძლოა გამოიწვიოს სასუნთქი გზების ქრონიკულმა ანთებითმა პროცესებმა. ასთმა, ძირითადად, ბავშვობის ასაკში ვითარდება და მისი გამომწვევი ანთებითი პროცესების გარდა შესაძლოა იყოს ალერგიული რეაქციები. ფილტვების ქრონიკული ობსტრუქციული დაავადების და ასთმის კლინიკური სიმპტომები შესაძლოა დაემთხვეს ერთმანეთს.
წონა არ ახდენს გავლენას ფილტვების ქრონიკულ ობსტრუქციულ დაავადებაზე
ჭარბმა წონამ შეიძლება გაამწვავოს მდგომარეობა. წარბი წონა შესაძლოა ემფიზემის ნიშანიც აღმოჩნდეს.
სუნთქვის გაძნელება ფილტვების ქრონიკული ობსტრუქციული დაავადების ერთადერთი სიმპტომია
სუნთქვის გაძნელება ფქოდ-ის ერთ-ერთი ყველაზე გავრცელებული სიმპტომია, თუმცა, არა ერთადერთი. სხვა სიმპტომებს შორისაა: ხველა, რესპირატორული ინფექციები, ძილის დარღვევები, დეპრესია, ტკივილი, კოგნიტური ფუნქციების გაუარესება.
ფქოდ-ის დროს ჯანსაღ კვებას არ აქვს მნიშვნელობა
ხილის, ბოჭკოვანი პროდუქტების და თევზის მიღება ამცირებს სხვადასხვა დარღვევის განვითარების რისკს ფქოდ-ის დროს. ცხოვრების ჯანსაღი წესი, შესაბამისი თერაპია ამცირებს სიმპტომების სიმპვავეს და აუმჯობესებს ცხოვრების ხარისხს.