5 დაავადება, რითაც შეიძლება ბავშვი ქვიშაში თამაშის დროს დასნებოვნდეს - მკურნალი.გე

რუბრიკები

ოჯახის მკურნალის ანონსი

მაისი 2019

კითხვა-პასუხი

5 დაავადება, რითაც შეიძლება ბავშვი ქვიშაში თამაშის დროს დასნებოვნდეს

5 დაავადება, რითაც შეიძლება ბავშვი ქვიშაში თამაშის დროს დასნებოვნდეს
ქვიშაში ყოფნა უყვართ არა მარტო ბავშვებს, ძაღლებს, კატებსა და მრავალრიცხოვან პარაზიტებს. თამაშის დროს დასნებოვნება საკმაოდ იშვიათობაა, მაგრამ სიფრთხილეც აუცილებელია.

ენტერობიოზი - ყველაზე გავრცელებული საბავშვო ჰელმინთური დაავადებაა, რომელსაც იწვევს მახვილა. დასნებოვნება ხდება კვერცხების გადაყლაპვით - ჩვეულებრივ ჭუჭყიანი ხელებიდან ან საერთო სათამაშოებიდან. თავისთავად ქვიშა ერთ-ერთი ადგილია, სადაც ბავშვმა შეიძლება მახვილა „აიკიდოს“. ღამღამობით მდედრი ჭიები გამოდიან უკანა ტანიდან და დებენ კვერცხებს, რის გამოც ბავშვს აღენიშნება ქავილი, ის იქავებს კანს და პარაზიტი ხვდება ხელზე.

საღამოს აღმოცენებული ანუსის ქავილი დაავადების ძირითადი გამოვლინებაა. ამის გამო ბავშვი ჭირვეულია,
ტირის, ცუდად ძინავს, აქვს ტკივილები მუცლის არეში, უქვეითდება მადა და შეიძლება ღამით შარდის შეუკავებლობაც აღინიშნოს.

პარაზიტების აღმოსაჩენად საჭიროა განავლის ანალიზი ჭიის კვერცხებზე. მკურნალობა ჭიისაწინაარმდეგო პრეპარატებით, ჩვეულებრივ, 5 დღეს მოიცავს.

ლამბლია - ერთუჯრედიანი პარაზიტებია. ქვიშაში ის ხვდება ცისტების ფორმით, დასნებოვნებული კატის ან ძაღლის ფეკალიებით. ლამბლიოზით ბავშვი
შეიძლება დასნებოვნდეს სათამაშოთი, განსაკუთრებით თუ მას პირში ჩაიდებს. ყველაზე ხშირად ლამბლიოზი აღინიშნება 1-5 წლამდე ასაკის ბავშვებში.

ლამბლიოზის გამოვლინება სხვადასხვანაირია. შეიძლება აღინიშინოს დიარეა, მუცლის შებერვა, ტკივილი. შემდეგ დაავადება გადადის ქრონიკულ ფორმაში პერიოდული გამწვავებებით. ზოგიერთ ბავშვში ლამბლიები იწვევს სანაღვლე გზების დისკინეზიას, რეაქციულ პანკრეატიტს.

ტოქსოპლაზმა - ერთუჯრედიანი პარაზიტია, რომლისთვისაც საბოლოო მასპინძელი კატაა, შუალედური - ადამიანი. კატის ფეკალური მასებით ქვიშაში ხვდება ცისტები, რომელიც შეიძლება თვეების განმავლობაში ინახებოდეს. ბავშვმა ისინი შეიძლება გადაყლაპოს პირში ჭუჭყიანი ხელების ჩადებისას.

ტოქსოპლაზმოზი სხვადასხვანაირი ფორმით შეიძლება მიმდინარეობდეს. ბევრ ბავშვს სიმპტომები საერთოდ არ უვლინდება. ქრონიკული ფორმისას აღინიშნება ტემპერატურის მცირედ მომატება, სისუსტე, დაღლილობა, მეხსიერების დაქვეითება, გულისა და კუნთების ტკივილი, ლიმფური კვანძების გადიდება, მხედველობის დარღვევა, პულსის გახშირება, არტერიული წნევის დაქვეითება, წონაში კლება, მადის დაქვეითება, გულისრევის შეგრძნება.

მწვავე ფორმა იშვიათად გვხვდება. აღინიშნება ცხელება, ღვიძლისა და ელენთის გადიდება, კანზე გამონაყარი, შეიძლება განვითარდეს ენცეფალიტი. მწვავე ტოქსოპლაზმოზი მძიმედ მიმდინარეობს და შეიძლება გართულდეს ეპილეფსიური გულყრებით, ინტელექტის დაქვეითებითა და ჰიდროცეფალიით.

მკურნალობა ტარდება ანტიმიკრობული პრეპარატებით, ანტიალერგიული საშუალებებით, ინიშნება იმუნოთერაპია.

ტოქსოკაროზი - პარაზიტობს ძაღლის კუჭსა და წვრილ ნაწლავში. თავისი ხანმოკლე სიცოცხლის განმავლობაში (საშუალოდ 4 თვე) მდედრი ასწრებს დღეში 200 000 კვერცხის დადებას. კვერცხები ძაღლის სხეულს ფეკალურ მასასთან ერთად ტოვებს. დასნებოვნება ხდება ნიადაგთან ან ქვიშასთან კონტაქტისას. 3-5 წლის ბავშვები მომატებული რისკის ქვეშ იმყოფებიან.

ტოქსოკაროზი ქრონიკულად მიმდინარეობს, პერიოდული გამწვავებებით და ვლინდება ბრონქიტით, ბრონქოპნევმონიით, ღვიძლისა და ლიმფური ჯირკვლების გადიდებით, მუცლის არეში ტკივილით, გულისრევით, ღებინებით, დიარეით. გულის დაზიანებისას ვითარდება მიოკარდიტი, თავის ტვინისას ეპილეფსური გულყრის მსგავსი შეტევები, თვალის ტოქსოკაროზისას უარესდება მხედველობა. მკურნალობა ანტიჰელმინთური პერეპარატებით ხდება.

ასკარიდოზი - დაავადების დასაწყისში აღინიშნები ალერგიული რეაქციით განპირობებული სიმპტომები. ბავშვი მოთენთილია, ხშირად ტირის, ტემპერატურა მომატებულია, აღინიშნება კუნთების, სახსრების ტკივილი, გამონაყარი, შეშუპება, ქავილი, ღვიძლისა და ელენთის გადიდება, მადის დაქვეითება, მუცლის ტკივილი, გულისრევა, ყაბზობა. თუ ასკარიდები დიდი რაოდენობითაა, შეიძლება დაეხშოს ნაწლავი, გაგლიჯოს კედელი და გამოვიდეს გარეთ, გამოიწვიოს აპენდიციტი, რა დროსაც აუცილებელია ქირურგიული ჩარევა.

როგორ დავიცვათ ბავშვი


ჩამოთვლილი დაავადებები არაა იმის მიზეზი რომ ბავშვი ქვიშაში სათამაშოდ არ გავუშვათ, მაგრამ სიფრთხილე უნდა დავიცვათ. პირველ რიგში უნდა მოვერიდოთ ისეთ ადგილს, საიდანაც დამახასიათებელი სუნი მოდის და ცხოველების ექსკრემენტებია.

სახლში ცხოველის არსებობის შემთხვევაში, უნდა დავამუშავოთ იგი ჰელმინთებზე.
ქუჩაში თამაშის დროს, ყურადღება მიაქციეთ ბავშვს, რომ არ ჩაიდოს პირში სათამაშოები და ხელები. გასეირნების შემდეგ ბავშვს ხელები აუცილებლად უნდა დავბანოთ საპნითა და წყლით.

ლალი ჩხიკვაძე

გააკეთეთ კომენტარი
კომენტარი არ გაკეთებულა
რეკომენდებული ექიმები
რეკომენდებული პროდუქტები
კარგი მხედველობის შენარჩუნებლად-30 აბი
ფასი: 40.5
კარგი მხედველობის და ნერვული სისტემის ხელშეწყობისთვის-60აბი
ფასი: 28.9
ჯანმრთელი იმუნური სისტემის ფუნქციონირებისათვის.-60აბი
ფასი: 34.9
მხედველობის ხელშეწყობისთვის-60აბი
ფასი: 44.9
დიეტოლოგია
მაღალცხიმიანი და დაბალნახშირწყლოვანი დიეტა - LCHF: გახდომა სიამოვნებით - ეს დიეტა წვავს ცხიმებს.
ადამიანების დიდი ნაწილი ყოველდღიურად დიდი რაოდენობით ტკბილ, გაზიან, გამაგრილებელ სასმელს იღებს.
სპეციალისტებმა შეისწავლეს ეფექტი, რომელსაც ორგანიზმზე „დროში შეზღუდული“ კვება ახდენს, რაც იმას
კატეგორიის სხვა სტატიები
სოციალურ ქსელში, ერთ-ერთ ჯგუფში, მომხმარებელმა გაავრცელა პოსტი, რომელმაც დიდი აჟიორაჟი და გაურკვევლობა გამოიწვია. გთავაზობთ ამ პოსტის შინაარსს:
მწერებისა და მათი ნაკბენების პრობლემა მეტად აქტუალურია. ერთია შიში და მეორეა ამა თუ იმ მწერის ნაკბენით გამოწვეული მძიმე გართულებები - ქავილისა და წვის შეგრძნება, ტკივილი, შეშუპება, მძიმე ალერგიული რეაქციები - ჭინჭრის ციება, კვინკეს შეშუპება,
ტილი თავისებური პარაზიტია, არც ხტუნავს და არც დაფრინავს, მხოლოდ დაღოღავს, რაც მთავარია, ერთი თავიდან მეორეზე შეხებისთანავე შესაშური სიმარდით ძვრება. ტილები სისხლს დღეში რამდენჯერმე წოვენ. მათი კბენა უმტკივნეულოა, თუმცა, პარაზიტის ნერწყვი ნერვულ დაბოლოებებს აღიზიანებს და ქავილს იწვევს.
პარაზიტული ბაქტერიები მთლიანად არიან დამოკიდებულნი სხვა ორგანიზმზე. ახლახან მეცნიერებმა ასეთი ბაქტერიები ადამიანის ნერწყვშიც აღმოაჩინეს.
ზაფხულის ცხელ დღეებს, მცხუნვარე მზითა და მწვანე ბალახით, თან სდევს მომაბეზრებელი ბუზები, კოღოები და სხვა მწერები.
ადამიანის ტრიქინელოზი მძიმედ მიმდინარე პარაზიტული დაავადებაა. მისი გამომწვევი ჭიის განვითარების თავისებურებებსა და დაავადების კლინიკურ მახასიათებლებზე გვესაუბრება ს. ვირსალაძის სახელობის სამედიცინო პარაზიტოლოგიისა და ტროპიკული მედიცინის სამეცნიერო-კვლევითი ინსტიტუტის კლინიკური განყოფილების თანამშრომელი, მედიცინის დოქტორი მარინა მანჯგალაძე.

"ჩვენს სანათესაოში თითქმის ყველას ჰქონდა კენჭები, ზოგს - თირკმელში, ზოგს - ნაღვლის ბუშტში.
პაპილომა კანის უჯრედების კეთილთვისებიანი სიმსივნური წანაზარდია.
ანგინა ცხელებით, ინტოქსიკაციითა და ნუშურა ჯირკვლების გამოხატული ანთებით მიმდინარე მწვავე ინფექციური დაავადებაა.
ალბათ ბევრს აინტერესებს, რატომ იღებენ სისხლს ანალიზისთვის მაინცდამაინც უსახელო (მეოთხე) თითიდან?
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად