იოდის დეფიციტი: 4 ნიშანი, როცა მასზე ეჭვი უნდა მივიტანოთ - მკურნალი.გე

ლალი ჩხიკვაძე

(პირველი მაჩვენებელი ნორმაა მამაკაცებისთვის, მეორე – ორსულებისთვის), საშუალოდ ჩვენი ქვეყნის მცხოვრები იღებს უფრო ნაკლებს. პირველ რიგში, ამაში ჩვენი კვების რაციონის თავისებურებებია „დამნაშავე“: იოდს ორგანიზმი არ გამოიმუშავებს და მისი მიღება მხოლოდ გარემოდან, უპირველეს ყოვლისა, საკვებიდან შეგვიძლია. იოდის დეფიციტის თავიდან ასაცილებლად ექიმები საკვების მომზადებისას იოდირებული მარილის გამოყენებას გვირჩევენ.

ერთადერთი გზა, რათა დადგინდეს, გაქვთ თუ არა იოდის დეფიციტი, არის სისხლის შესაბამისი ანალიზების ჩატარება. თუმცა, თუ ამ ბოლო დროს შენიშნეთ რომელიმე ეს სიმპტომი, შეიძლება დაგჭირდეთ ანალიზის შემოწმება და ექიმთან შეხვედრა.

მუდმივად გრძნობთ დაღლილობას და გაქვთ ცუდი განწყობა.

• იოდის ყველაზე მნიშვნელოვანი ფუნქციაა მისი მონაწილეობა ფარისებრი ჯირკვლის ისეთი მნიშვნელოვანი ჰორმონების წარმოებაში, როგორიცაა თიროქსინი და ტრიიოდთირონინი. თუ ეს ჰორმონები საკმარისად არ წარმოიქმნება, შეიძლება განვითარდეს ჰიპოთირეოზი, რომლის ზოგიერთი სიმპტომი მოიცავს სწრაფ, მუდმივ დაღლილობას და დეპრესიულ განწყობას.

გიჭირთ ყურადღების კონცენტრაცია, მეხსიერება გაუარესდა

• მეხსიერების დაქვეითება, კონცენტრაციის გაძნელება, ყურადღების გამახვილების და ახალი ინფორმაციის სწავლისა და დამუშავების უუნარობა ასევე იოდის დეფიციტის ნიშანია. თუ შეამჩნევთ, რომ სამუშაო უფრო რთულია, ვიდრე ადრე, შესაძლოა არ მიირთვით საკმარისი რაოდენობით იოდის შემცველი საკვები.

გაქვთ კანის სიმშრალე და მუდმივი სიცივის შეგრძნება.

• ქალებში ჰიპოთირეოზის განვითარების რისკი რვაჯერ მეტია, ვიდრე მამაკაცებში, ხოლო იოდის დეფიციტი კიდევ უფრო ზრდის რისკს. როდესაც ფარისებრი ჯირკვალი ვერ უმკლავდება თავის ფუნქციას, კანი შრება და უფრო მგრძნობიარენი ვხდებით სიცივის მიმართ.

ყელში გრძნობთ „ბურთს“, რომელიც ართულებს ყლაპვას ან სუნთქვას

• იოდის ნაკლებობაზე მიუთითებს ყლაპვის გაძნელება, ისევე როგორც სუნთქვის გაძნელება წოლისას. ეს ხდება გადიდებული ჩიყვის გამო, რომელიც ბლოკავს სასუნთქ გზებს.

როგორ ვებრძოლოთ იოდის დეფიციტს

იოდის დეფიციტი ადამიანის ჯანმრთელობისთვის ძალიან საშიშია.

ამიტომაც ექსპერტები რაციონის გადახედვას გვირჩევენ.ყურადღება უნდა გავამახვილოთ იოდის მაღალი შემცველობის მქონე პროდუქტებზე. ესენია: ზღვის თევზი, ზღვის პროდუქტები, კვერცხი, ხორცი და მარილი.

ამ მხრივ საინტერესოა ასევე წყალმცენარეები და თევზის ქონი. იოდი არის ნიროში, ლობიოში, წიწაკაში კიტრში, პომიდორში ბადრიჯანში ყაბაყში, კომბოსტოსა და კარტოფილში. იოდშემცველ პროდუქტებს მიეკუთვნება პური, რძე და რძის პროდუქტები.

როგორც ექიმები გვირჩევენ, აღნიშნული პროდუქტების რაციონში ჩართვა ყველასათვის აუცილებელია, რადგანაც ადამიანის ორგანიზმში იოდი თავისთავად არ გამომუშავდება.

წლამდე ასაკის ბავშვებისთვის დღეში 50 მკგრ იოდია საჭირო, 1-7 წლამდე-90 მკგრ, 7-12 წლამდე-120 მკგრ, ხოლო 12 წელზე უფროსი ასაკისთვის 150 მკგრ იოდი. დეფიციტის განვითარებისას, შესაძლებელია ქოლესტერინის დონის გადახრა, გულის მუშაობის დარღვევა, მხედველობის სიმახვილისა და მეხსიერების ხარისხის დაქვეითება.

ასევე უარესდება კანის, თმის და ფრჩხილების მდგომარეობა, დარტყმის ქვეშაა ფარისებრი ჯირკვალი, ბავშვებისთვის იოდდეფიციტი საშიშია იმით, რომ ქვეითდება გონებრივი მუშაობის მაჩვენებლები და აღინიშნება სწავლასთან დაკავშირებული პრობლემები.