ლალი ჩხიკვაძე

მაქსიმალური სარგებლის მისაღებად, უნდა ვიცოდეთ როდის და როგორ უნდა მოვიხმაროთ ისინი.

1. რკინა

ინიშნება რკინადეფიციტური ანემიის პროფილაქტიკისათვის. რკინის შეწოვას ნაწლავში ბლოკავს რძის პროდუქტები და ჩაი. რის პროდუქტების შემთხვევაში, „დამნაშავეა“კალციუმი, ხოლო ჩაიში ჭარბადაა ტანინები, ბუნებრივი ორგანული ნაერთები. ამიტომაცაა საკვების მიღების შემდეგ ჩაის დალევა არაა რეკომედნებული, რადგანაც საკებში არსებული რკინა პრაქტიკულად არ შეიწოვება. არ შეიძლება ერთდროულად რკინისა და თუთიის შემცველი დანამატების მიღება, რადგანაც ორივე მინერალის ათვისებისათვის ნაწლავში ერთიდაიგივე სატრანსპორტო მოლეკულაა საჭირო. ეს მოლეკულები ეხმარება მიკროელემენტებს ნაწლავის კედელში შეღწევასა და სისხლში მოხვედრაში. ამიტომ არაა მიზანშეწონილი რკინის მიღება თუთიით მდიდარ საკებთან ერთად.

რკინას ვიტამინებს შორის მეგობრებიც ჰყავს: А და С. ამიტომ რკინის მიღება არა თუ შეიძლება, საჭიროცაა ამ ვიტამინებთან ერთად.

2. კალციუმი

ამ მინელრალის დანამატი შეიძლება შეიცავდეს მაგნიუმს, D ან К ვიტამინებს. ეს ნივთიერებები, განსაკუთრებით D ვიტამინი, აძლიერებს კალციუმის ნაწლავში შეწოვას. კალციუმის მიღება საჭიროა ჭამის დროს, რაც ასევე აძლიერებს მინერალის ნაწლავში შეწოვას.

კალციუმის თუთიასთან და რკინასთან ერთად მიღება არ შეიძლება, რადგანაც ეს მათ ათვისებას შეუშლის ხელს.

3. D ვიტამინი

როგორც სხვა ცხიმში ხსნადი ვიტამინი (A, E და K), D ვიტამინი უკეთ აითვისება ცხიმიან საკვებთან ერთად მიღების შემთხვევაში.

ერთდროულად არ უნდა მივიღოთ D და E ვიტამინები, რადგანაც ისინი ერთმანეთის კონკურენები არიან.

4. С ვიტამინი

წყალში ხსნადი ვიტამინია და მისი მიღება უმჯობესია დილით.

5. ომეგა 3

ის უნდა მივიღოთ ჭამის დროს ან ჭამის შემდეგ, რადგანაც მათ ასათვისებლად საჭიროა საკვები ცხიმები, რომლებიც კუჭუკანა ჯირკვალს შეწოვისათვის აუცილებელი ფერმენტების გამომუშავებას აიძულებს. ამავდროულად მისი მიღება არაა რეკომენდებული ვარჯიშის ან ძილის წინ, რადგანაც თევზის ქონის გადამუშავებისას გამომუშავდება აირები. ფიზიკური დატვირთვის ან დაწოლილი მდგომარეობისას აირები გადაადგილდება საყლაპავისკენ რაც იწვევს ბოყინს.

6. В ჯგუფის ვიტამინები

წყალში ხსნადი ვიტამინებია, რომელიც დილით უნდა მივიღოთ.

7. პრობიოტიკები

გვეხმარება ნაწლავის მიკრობიომის მოწესრიებგებაში, რომელიც სასიცოცხლოდ მნიშვნელოვანია საჭმლის მომნელებელი სისტემის სიჯანსაღისა და იმუნური სისტემის ფუნქციონირებისათვის. პრობიოტიკები არ უნდა მივიღოთ ცხელ სასმელებთან, ხილის წვენებთან და ალკოჰოლთან ერთად.