რომელი ვიტამინია აუცილებელი წელიწადის დროის ცვლილებისას
ზაფხულიდან შემოდგომაზე გადასვლისას, ადამიანებში იზრდება დაღლილობის გრძნობა. მზის ზემოქმედების შემცირების გამო, მეტაბოლიზმი ექვემდებარება ტემპერატურულ ცვლილებებს. ცივ ამინდთან ბრძოლის გააქტიურების შედეგად, ნივთიერებათა ცვლა ნელდება, იმუნური სისტემა კი სუსტდება. ვლინდება დათრგუნვა და დეპრესია.
გარდამავალი პერიოდის უარყოფითი შედეგების თავიდან აცილებაში დაგვეხმარება დაბალანსებული კვება. იმუნური სისტემის სიმყარისათვის უნდა მივიღოთ კალციუმით, ცილითა და В12 ვიტამინით მდიდარი პროდუქტები: რძე, იოგურტი, მაწონი, კეფირი, ყველი, კვერცხი, ხორცი, ქათამი, თევზი. ასევე აუცილებელია ორგანიზმს მივაწოდოთ ვიტამინი С და ანტიოქსიდანტები ისეთი პროდუქტებით, როგორიცაა ასკილი, ბროკოლი, ფორთოხალი, ლიმონი ან წითელი წიწაკა. იმუნური სისტემის მნიშვნელოვანი მოკავშირეა სელენით მდიდარი პროდუქტები. მათ შორის: ზღვის პროდუქტები, სოკო, კუნჟუტი, ნიორი, ხახვი და კვერცხი.
შემოდგომის დადგომისთანავე მნიშვნელოვანია, რომ არ დავუშვათ D ვიტამინის დეფიციტი, რადგანაც მოხდება იმუნური სისტემის დასუსტება და დაავადების პროვოცირება. D ვიტამინის საუკეთესო წყაროა მზე და ისეთი პროდუქტები, როგორიცაა კვერცხი, რძე, ორაგული.