ასტაქსანტინი - ეფექტური ანტიოქსიდანტი, რომელიც გლუკოზის დონეს აწესრიგებს და ცხიმოვან მასას ამცირებს
კაროტინოიდები, საზოგადოდ, ეფექტური ანტიოქსიდანტებია, რომლებსაც ორგანიზმიდან გამოჰყავთ მავნე თავისუფალი რადიკალები (უჯრედული მეტაბოლიზმის ნარჩენი და გვერდითი პროდუქტები). კაროტინოიდები ხილსა და ბოსტნეულს ანიჭებენ ღაჟღაჟა ნარინჯისფერ შეფერილობას. მათ შორის განსაკუთრებულ ეფექტურობასა და პოტენციალს ავლენს ანტიოქსიდანტი ასტაქსანტინი. მას დიდი რაოდენობით შეიცავს წითელი თევზი, ასევე ზღვის სხვა პროდუქტები.
ირანელების ორთვიანმა კვლევამ აჩვენა, რომ შაქრიანი დიაბეტით დაავადებულებთან, რომლებიც იღებდნენ ასტაქსანტინს, ცხიმოვანი მასის შემცირება აღინიშნებოდა, ამასთან კვლევაში მონაწილე მოხალისეებს სისტოლური წნევის დაქვეითება და სისხლში შაქრის დონის შემცირებაც უვლინდებოდათ. ექსპერტთა დასკვნით - ანტიოქსიდანტი ასტაქსანტინი ეფექტურია არა მხოლოდ სისხლში შაქრის დონის დასაქვეითებლად, არამედ მომატებული არტერიული წნევისა და ქოლესტერინის დონის შესამცირებლადაც.
