რაზე შეიძლება მიუთითებდეს ცილის არსებობა შარდში
შარდში მცირე რაოდენობით ცილის არსებობა ნორმაა. ცილის დროებით გაზრდილი რაოდენობა შეიძლება შეგვხვდეს ახალგაზრდებში განსაკუთრებით ვარჯიშის შემდეგ ან ავადმყოფობისას. თუ შარდის ანალიზმა აჩვენა შარდში ცილების არსებობა, ინიშნება კიდევ ერთი ანალიზი, რომელიც გამოავლენს რამდენი ცილაა შარდში და არის თუ არა ეს საგანგაშო.
გამოვლენილი ან გაზრდილი რაოდენობის ცილა შარდში შეიძლება თირკმლის დიაბეტური დაზიანების ყველაზე ადრეული ნიშანი იყოს.
თირკმელები სისხლიდან ფილტრავს ნარჩენ პროდუქტებს. ზოგმა დაავადებამ ან მდგომარეობამ შეიძლება გამოიწვიოს ცილების გადასვლა თირკმლის ფილტრებში, რაც გამოვლინდება შარდში ცილის არსებობით.
მდგომარებები, რომლებმაც შეიძლება გამოიწვიონ შარდში ცილის რაოდენობის დროებითი მომატება და არ მიუთითებენ თირკმლის დაზიანებაზე:
- სიცივე;
- ემოციური სტრესი;
- სიცხე;
- მაღალი ტემპერატურა;
- ძლიერი ვარჯიში
დაავადებები და მდგომარეობები, რომლებიც იწვევენ შარდში ცილის რაოდენობის მუდმივ მომატებას და შეიძლება მიუთითებდნენ თირკმლის დაავადებაზე:
- ამილიოდოზი (პათოლოგიური ცილების დაგროვება ორგანოებში);
- ზოგიერთი მედიკამენტი;
- თირკმლის ქრონიკული დაავადება;
- დიაბეტი;
- გლომერულონეფრიტი (თირკმლის იმ უჯრედების ანთება, რომლებიც ფილტრავენ ნარჩენ პროდუქტებს სისხლიდან);
- გულის დაავადება;
- გულის უკმარისობა;
- ჰიპერტენზია;
- ჰოჯკინის ლიმფომა;
- ბერგერის დაავადება - იმუნოგლობულინი A ანტისხეულების დაგროვებით გამოწვეული თირკმლის ანთება;
- თირკმლის ინფექცია;
- ორთოსტატიული პროტეინურია (შარდში ცილების რაოდენობა იზრდება დგომისას);
- პერიკარდიტი;
- პრეეკლამპსია;
- ორსულობა;
- რევმატოიდული ართრიტი;
- ნამგლისებრუჯრედოვანი ანემია
შარდში ცილის არსებობა შეიძლება დროებითი იყოს, ამიტომ ექიმმა შეიძლება გირჩიოთ განმეორებითი ანალიზის ჩატარება მეორე დილას ან რამდენიმე დღეში.
ექიმმა შეიძლება სხვა ანალიზებიც დანიშნოს, მაგალითად 24 საათიანი შარდის შეგროვება, რათა გაირკვეს საჭიროა თუ არა მკურნალობის დანიშვნა.