მეცნიერები გულის კუნთის აღდგენას ღეროვანი უჯრედებით ცდილობენ
გოტინგენის (გერმანია) საუნივერსიტეტო კლინიკის მეცნიერებმა შეიმუშავეს გულის კუნთის აღდგენის მეთოდი სპეციალური ტექნოლოგიით, რომელიც გულისხმობს ღეროვანი უჯრედების გამოყენებას.
"ხელოვნური გულის კუნთის" მეთოდი ეფუძნება 3D ბეჭდვის ინოვაციურ ტექნოლოგიას. ის ითვალისწინებს ისეთი ხელოვნური ქსოვილის შექმნას, რომელიც ინდივიდუალურად შეეწყობა დაავადებით დასუსტებულ მიოკარდს. გულის კუნთის აღსადგენად გამიზნული მასალა მიიღება პლურიპოტენტური ღეროვანი უჯრედების შერევით კოლაგენის შემაერთებელი ქსოვილის უჯრედებთან. გულის კუნთის აღდგენა მიოკარდიუმის შეკუმშვითი ფუნქციის გაუმჯობესებისა და გულის შეკუმშვათა რიცხვის გაზრდის საშუალებას იძლევა. ამ ეტაპზე გერმანელი მეცნიერები ემზადებიან ახალი მეთოდის კლინიკური გამოცდისთვის. კლინიკურ კვლევებში გერმანიის გარდა სხვა ქვეყნებიც ჩაერთვებიან.
თინათინ გოცაძე