კარდიოლოგია

როგორ იყენებენ წყალმცენარეებს არითმიის მკურნალობაში

30.12.2015

მოციმციმე არითმია-კუნთოვანი ბოჭკოების ქაოსური შეკუმშვების ფონზე მიმდინარე, გულისცემის რითმის დარღვევაა.

ის 5-ჯერ ზრდის ინსულტის რისკს, მიზეზები კი უცნობია. რისკ-ფაქტორებს მიეკუთვნება ჰიპერტონია, სასუნთქი გზების ინფექციები, ფარისებრი ჯირკვლის ჰიპერფუნქცია, კოფეინისა და ალკოჰოლის ჭარბი მიღება.

დღეისათვის მოციმციმე არითმიას მკურნალობენ ანტიკოაგულანტების საშუალებით და კარდიოვერსიით - მეთოდი, რომელიც აღადგენს გულის რითმს. მკურნალობის კიდევ ერთი მეთოდი კათეტერული აბლაციაა, რომელიც გულის კუნთოვანი ქსოვილის მცირე ზომის, გენერირებული და პათოლოგიური ელექტრული იმპულსების გამტარი უბნების მოშორების საშულებას იძლევა.თუმცა, ყოველ 50-ე პაციენტს, კათეტერული აბლაციისას, შეიძლება ჰქონდეს საშიში სისხლდენა და დაახლოებით ნახევარს პროცედურის განმეორება დასჭირდეს.

მიჩიგანის უნივერსიტეტის მეცნიერებმა, მოციმციმე არითმიის მკუნალობის რევოლუციურ მეთოდს მიაგნეს. როგორც აღმოჩნდა, ლაზერს შეუძლია გულის კუნთის დაზიანებული უჯრედების (მიოციტების) განადგურება. მკვლევარებმა შექმნეს მცირე ზომის ნაწილაკები, რომელთაც მხოლოდ მიოციტები შთანთქავენ. ნაწილაკები დამზადებულია ცხიმისგან და გავსებულია წყალმცენარეებისგან მიღებული სითხით, რომელიც რეაგირებს სინათლეზე.

ვირთხებზე ჩატარბულ კვლევებში შეყვანილ ნაწილაკებს ერთი საათის განმავლობაში შთანთქავდნენ მიოციტები, რის შემდეგადაც მასზე მოქმედებდნენ ლაზერით. შედეგად იწყებოდა ქიმიური რეაქცია და მიოციტები იღუპებოდნენ.

ცხვრებსა და ვირთხებზე ჩატარებული კვლევისას, ახალი მეთოდის საშუალებით, მკვლევარებმა პირველივე ცდაზე შეძლეს დაზიანებული მიოციტების დიდი ნაწილის განადგურება.

შეკითხვა ექიმს

<p>-გამარჯობა. 40 წლის მამაკაცს აწუხებ მონაცვლეობით არითმიები, ჰაერის უკმარისობა და წნევები. დაუნიშნეს ბეტალოკ ზოკი, 25მგ.-იანი. სვავს ნახევ ტაბლეტს, თუმცა ეგეც არ შველის. მუდმივად ცუდადაა. შეიძლება ეს იყოს გამოწვეული ნევროზით? ჰოლტერის დასკვნა ქვემოთ დავაკოპირე. მადლობა უღრმესი წინასწარ რჩევისთვის. მონიტორინგი ჩატარდა 22:35 საათის განმავლობაში. გამოკვლევის პერიოდში პაციენტის ძირითადი რიტმი იყო სინუსური, გამოხატული სინუსური არითმიის ეპიზოდებით. სულ დაფიქსირდა 115066 კომპლექსი, მათ შორის 3 მონომორფული ფართოკომპლექსოვანი და 16 სუპრავენტრიკულური ექსტრასისტოლა. სინუსური ტაქიკარდიის ერთ-ერთი ეპიზოდი აღინიშნა ღამით 01:56 სთ-ზე, გ.შ.ს. 134-მდე. მინიმალური სინუსური რითმი 51 შეკ/წთ-ში აღინიშნა 08:51 სთ-ზე. მაქსიმალური სინუსური რითმი იყო 151 შეკ/წთ-ში 14:16 სთ-ზე; საშუალო გ.შ.ს. 85 შეკ/წთ. პაუზა > 2.0 წმ-ზე არ დაფიქსირდა. კორეგირებული QT ინტერვალი ნორმის ფარგლებშია. აღინიშნა ST-სეგმენტის 1მმ დეპრესია ტაქიკარდიის ზოგ ეპიზოდში, გამოვლინდა T კბილის პოლარობის ცვლილებები. ეპიზოდებში დაფიქსირდა ნაადრევი რეპოლარიზაცია. გულის რიტმის ვარიაბელობის მაჩვენებელი : SDNN(ms 118.6 (N132+30); PNN 50% 4.8 -- სიმპათიკური და პარასიმპათიკური პერიფერიული ვეგეტატიური ნერვული სისტემების თანაბარ ტონუსზე მიუთითებს.</p>

ლალი ჩხიკვაძე

”მკურნალის” რედაქცია
ამ ავტორის სხვა სტატიები

კომენტარები (0)


/* (c)AdOcean 2003-2021, Advertline.https:mkurnali.ge.mkurnali zones.________ _____ 2 */
ado.slave('adoceanadvertlinegexcihqsorul', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });