ნიგოზი გულსისხლძარღვთა დაავადებების პროფილაქტიკის იდეალური საშუალებაა
ნიგოზი ამცირებს ქოლესტერინისა და ApoB-ს (დაბალი სიმკვრივის ლიპოპროტეინების შემცველი ძირითადი ცილა) დონეს. ამასთან, ნიგოზი მდიდარია უჯერი ცხიმებით, ცილებით, უჯრედისით, ვიტამინებითა და მინერალური ნივთიერებებით. იგი საკმარისი რაოდენობით აწვდის ორგანიზმს ალფა-ლინოლენის მჟავას და ომეგა-3-ის მცენარეულ ვერსიას.
ნიგოზი გულის დაავადებებისგან დიაბეტით დაავადებულებსაც იცავს. აღნიშნული დასკვნა 2582 ადამიანის მონაწილეობით ჩატარებული რამოდენიმე კვლევის ანალიზის შედეგია. ნიგოზის მოხმარების დოზირება მერყეობდა დღეში 5-დან 100 გრამამდე. დადგინდა, რომ მინიმუმ 60 გრ ნიგვზის მოხმარება ამცირებდა საერთო ქოლესტერინის, დაბალი სიმკვრივის ლიპოპროტეინების ("მავნე ქოლესტერინი") დონეს და მავნე ცხიმების მაჩვენებლებს. ავე დროს იზრდებოდა "სასარგებლო ქოლესტერინის" (მაღალი სიმკვრივის ლიპოპროტეინები) კონცენტრაცია, მცირდებოდა ანთება (С- რეაქტიული ცილის მაჩვენებელი) და უმჯობესდებოდა არტერიების მუშაობის მაჩვენებლები.
ლალი ჩხიკვაძე