რა უნდა გაითვალიწინოთ გულის ოპერაციის შემდგომ პერიოდში
კარდიორეაბილიტაცია სპეციალურად შედგენილი გეგმაა, რომელიც პოსტ-ოპერაციულ პერიოდში უნდა დაიცვათ. ასეთი გეგმა ყველა პაციენტისთვის ინდივიდუალურია.
კარდიორეაბილიტაციის გეგმა მოიცავს:
- მედიკამენტურ მკურნალობას;
- სტრესის მართვას;
- ფიზიკურ აქტივობასა და ჯანსაღ ცხოვრებას;
- ფსიქო-სოციალური სტატუსის დაბრუნებას
ფიზიკური აქტივობა და ჯანსაღი ცხოვრება ის საკითხებია, რაც ყველა ადამიანმა, ჯანმრთელობის მდგომარეობის მიუხედავად, უნდა გაითვალისწინოს.
გულის მუშაობა გავლენას ახდენს მთელ სხეულზე. ჩვენი ცხოვრების წესი და ემოციური მდგომარეობა კი გულზე აისახება. აქედან გამომდინარე, ემოციური და ფიზიკური ჯანმრთელობა გვეხმარება გულის ჯანსაღად შენარჩუნებაში.
პოსტ-ოპერაციულ პერიოდში დიდი მნიშვნელობა აქვს ფიზიკურ აქტივობას, ფეხით სეირნობას სუფთა ჰაერზე, მცირე ვარჯიშებს, ეს დაგეხმარებათ ჟანგბადის ეფექტურად ათვისებასა და გულის კუნთის სისხლით მომარაგებაში.
თუმცა, რეაბილიტაციის პერიოდში ერიდეთ:
ძლიერ ფიზიკურ დატვირთვას, მძიმე საგნების აწევას, ჭამის დასრულებისთანავე გარეთ გასვლას, მოერიდეთ მანქანის მართვას და კიბეებზე ასვლას ოპერაციიდან ერთი თვის განმავლობაში
სტრესი და ემოციური მდგომარეობა გულზე დიდ გავლენას ახდენს. ამიტომ, აუცილებელია ოპერაციის შემდგომ პერიოდში სტრესისგან თავდაცვა.
გულის ჯანმრთელად შენარჩუნებისთვის აუცილებელია: სიგარეტზე და ალკოჰოლზე უარის თქმა, ჯანსაღი კვება, მჯდომარე ცხოვრების წესზე უარის თქმა, ზომიერი ფიზიკური დატვირთვა, დასვენება და ძილი
