მარიამ ფოლადაშვილი

ის ხშირად დაკავშირებულია კორონარული არტერიის დაავადებასთან, აქედან გამომდინარე პერიფერიული არტერიების დაავადების მქონე ადამიანებს შესაძლოა გულ-სისხლძარღვთა დაავადებები განუვითარდეთ.

მნიშვნელოვანია, პერიფერიული არტერიების დაავადების მქონე ადამიანებმა მიიღონ გარკვეული ზომები, რათა შეამცირონ სისხლძარღვის კედლის დაავადების პროგრესირება.

ზოგიერთი ვიტამინი და დანამატი შეიძლება სასარგებლო იყოს პერიფერიული არტერიების დაავადების მქონე ადამიანებისთვის, თუმცა ზოგიერთმა შეიძლება გამოიწვიოს რისკები. ამიტომ, მათი გამოყენებისას სიფრთხილეა საჭირო. თუ იღებთ დანამატებს, აუცილებლად აცნობეთ თქვენს ექიმს, რადგან შეიძლება მოხდეს ურთიერთქმედება სხვა დანიშნულ მედიკამენტებთან.

რა უნდა იცოდეთ საკვები დანამატების შესახებ:

ომეგა -3 ცხიმოვანი მჟავები - მიუხედავად იმისა, რომ არ არსებობს მკაფიო მტკიცებულება, რომ ომეგა -3 დანამატები აუმჯობესებს მდგომარეობას და ამცირებს საერთო სიკვდილიანობის მაჩვენებელს, მისი მიღება დიდი ხნის განმავლობაში, პოზიტიურად აისახება პერიფერიული არტერიების დაავადებაზე.

ფოლიუმის მჟავა და B ჯგუფის ვიტამინები - მათი გამოყენებისას გასათვალისწინებელია, რომ ისინი ასევე შეიძლება საზიანო იყოს თირკმლის დაავადების მქონე პაციენტებში. ზოგადი ჯანმრთელობისთვის რეკომენდებულია დაბალი დოზის მიღება (400 მკგ).

ნაჩვენებია, რომ ვიტამინი C ამცირებს გულ-სისხლძარღვთა დაავადებების რისკის შემცირებას.

D ვიტამინი - მცირე დოზებში ამ ვიტამინმა ვერ აჩვენა სასარგებლო ეფექტი. ხოლო, დოზის გაზრდამ შეიძლება გაზარდოს სისხლძარღვებში კალციუმის დეპონირების რისკი. საერთო ჯანმრთელობისთვის D ვიტამინის რეკომენდებული დღიური დოზა 700 I/U-ია, მაგრამ დოზის გაზრდა, განსაკუთრებით დეფიციტის მტკიცებულების გარეშე, გაუმართლებელია და შეიძლება საზიანო იყოს.

E ვიტამინის დეფიციტი აუარესებს პერიფერიული არტერიების დაავადების სიმპტომებს. ეს ვიტამინი სიფრთხილით უნდა იქნას გამოყენებული პაციენტებში, რომლებიც იღებენ სისხლის გამათხელებელ საშუალებებს, რადგან მას შეუძლია გაზარდოს სისხლდენის რისკი.

ესაუბრეთ თქვენს ექიმს იმის შესახებ, თუ როგორ შეიძლება ვიტამინებისა და მინერალების დანამატები იყოს საერთო მკურნალობის გეგმის ნაწილი. ამასთან, ექიმი განიხილავს ცხოვრების სტილის შემდეგ ცვლილებებს, რომლებიც გადამწყვეტია თქვენი პერიფერიული არტერიების დაავადების მართვისთვის:

• შეწყვიტეთ სიგარეტის მოწევა;
• იკვებეთ დაბალანსებულად - საკვები მდიდარი უნდა იყოს ბოჭკოებით, ხოლო ქოლესტერინის, ცხიმების და ნატრიუმის დაბალი შემცველობა უნდა ჰქონდეს. გაჯერებული ცხიმი არ უნდა იყოს თქვენი მთლიანი კალორიების 7 პროცენტზე მეტი. მოერიდეთ ტრანს ცხიმებს, მათ შორის პროდუქტებს, რომლებიც დამზადებულია ნაწილობრივ ჰიდროგენირებული და ჰიდროგენირებული მცენარეული ზეთებით. თუ ჭარბი წონა გაქვთ, წონის დაკლება დაგეხმარებათ გაზარდოთ ,,კარგი" ქოლესტერინის დონე. რეგისტრირებული დიეტოლოგი დაგეხმარებათ სწორ კვებასთან დაკავშირებული ცვლილებების შეტანაში;
• ივარჯიშეთ - დაიწყეთ რეგულარული ვარჯიში, თუნდაც, სიარული, ვინაიდან სიარულს შეუძლია ხელი შეუწყოს პერიფერიული არტერიული დაავადების მკურნალობას. ცურვა კიდევ ერთი აქტივობაა, რომელსაც მრავალი დადებითი გავლენა აქვს ჯანმრთელობაზე;
• მართეთ ჯანმრთელობის პრობლემები, როგორიცაა მაღალი წნევა, დიაბეტი ან მაღალი ქოლესტერინი