რამ შეიძლება გამოიწვიოს გულის რითმის აჩქარება - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

რამ შეიძლება გამოიწვიოს გულის რითმის აჩქარება

თუკი გულის რითმი აღემატება 100 დარტყმას წუთში და ის არ არის გამოწვეული სტრესული ფაქტორით ან ვარჯიშით ის საყურადღებოდ ითვლება. პულსის აჩქარებამ შესაძლოა არ მიგვიყვანოს რაიმე პრობლემამდე, მაგრამ გახდეს მნიშვნელოვანი დიაგნოზის აღმოჩენის მიზეზი.

ტაქიკარდიას შესაძლოა თან ახლდეს სხვა სახის სიმპტომებიც. იქიდან გამომდინარე, რომ ტაქიკარდიის არსებობისას სისხლის დინების აჩქარება ხდება, ორგანოებისთვის საკმარისი რაოდენობით სისხლის მიწოდება ვეღარ ესწრება და ისინი კვების გარეშე რჩებიან. შედეგად კი ვლინდება შემდეგი სიმპტომები:

  • სინკოპე (გულის წასვლა);
  • ტკივილი მკერდის არეში;
  • თავბრუსხვევა;
  • ქოშინი

გულის რითმის აჩქარების მიზეზები

  • მაღალი ან დაბალი არტერიული წნევა;
  • ფარისებრი ჯირკვლის ჰორმონული აქტივობის გაზრდა (ჰიპერთირეოზი);
  • სისხლის წითელი უჯრედების მოცულობის შემცირება (ანემია);
  • სისხლში ელექტროლიტების (კალიუმი, ნატრიუმი, კალციუმი და მაგნიუმი) დისბალანსი;
  • რეგულარულად კოფეინის დიდი რაოდენობით მიღება;
  • ალკოჰოლის ხშირი მოხმარება;
  • თამბაქოს მოხმარება;
  • მედიკამენტების გვერდითი მოვლენები;
  • ნარკოტიკული საშუალებების გამოყენება, მათ შორის სტიმულატორების;
  • ცხელება

გულის რითმის აჩქარების დროს აუცილებელია მალევე დადგინდეს გამომწვევი მიზეზი. ამისათვის სპეციალისტთან დროული მიმართვა მნიშვნელოვან როლს ასრულებს. დააკვირდით, თუ როდის და რა ფაქტორების გავლენით იცვლება თქვენი გულის რითმი, არის თუ არა რეგულარული და რა მაქსიმალურ სიხშირეს აღწევს ერთი წუთის განმავლობაში.

აუცილებელია გამოირიცხოს ისეთი მდგომარეობები, როგორიცაა ორსულობა, მედიკამენტების ან ნივთიერებების გვერდით მოვლენები და ვირუსული ინფექცია. სხვა შემთხვევაში თქვენი ექიმი დაგეხმარებათ დიაგნოსტირებასა და შემდგომ მკურნალობაში.

ტაქიკარდიის თავიდან აცილების საშუალება ჯანსაღი გულის რითმის შენარჩუნება და გულის დაავადებების პრევენციაა. თუ ის არ არის გამოწვეული რაიმე კონკრეტული ტიპის მდგომარეობით, ხშირად ცხოვრების წესის ცვლილება გულის დაავადების რისკის შესამცირებლად საუკეთესო საშუალება ხდება.

აუცილებელია რეგულარული შემოწმებები. წელიწადში ერთხელ ჩაიტარეთ ფიზიკური გამოკვლევები და შეატყობინეთ თქვენი გულისცემის ნებისმიერი ცვლილების შესახებ თქვენს ექიმს.