ჯანმრთელი გულის შენარჩუნებაში წითელი ფერის ხილ-ბოსტნეული დაგეხმარებათ
დღეს კი, კარდიოვასკულარული პათოლოგიები ძალიან გახშირდა, როგორც მამაკაცებში, ასევე ქალბატონებში.
გაახალგაზრდავებულია დაავადების ასაკიც.
უნდა აღინიშნოს, რომ გულ-სისხლძარღვთა დაავადებების პრევენცია შესაძლებელია.
„ამერიკის გულის ასოციაცია“ (AHA) აცხადებს, რომ ხილისა და ბოსტნეულის მიღებით, გულს ვიცავთ.
ისინი ვიტამინების, მინერალებისა და ბოჭკოს მაღალი შემცველობით გამოირჩევა, ასევე დაბალკალორიულია.
სხვადასხვა ხილ-ბოსტნეულის მიღება წონისა და სისხლის ნორმალური წნევის შენარჩუნებაში გვეხმარება, რაც გულ-სისხლძარღვთა დაავადებების ორი უმთავრესი რისკ-ფაქტორია.
გულის დაზიანებას ებრძვის და სისხლის წნევას არეგულირებს ანტიოქსიდანტებით, ბოჭკოთი და კალიუმით მდიდარი, წითელი შეფერილობის საკვები პროდუქტები.
• წითელი ვაშლი
დღეში ერთი ვაშლის მიღება ექიმთან ვიზიტს დაგავიწყებთ.
ის გულს ამარაგებს ბოჭკოთი, რომელიც მის დაზიანებას ებრძვის.
მდიდარია მრავალი ვიტამინით, მათ შორის C ვიტამინით.
კვლევების თანახმად, ვაშლი სასარგებლოა სიმსივნის, ასთმისა და ტიპი 2 შაქრიანი დიაბეტის პრევენციისთვის.
რეცეპტი
• აიღეთ 1 ცალი წითელი ვაშლი
• ¼ ჭიქა გატარებული ნუში
• ¼ ჭიქა მოცვის ჩირი
• 1 ს/კ თაფლი
• 1 ს/კ ყავისფერი შაქარი
• მოათავსეთ ქურაში 15 წუთით (350 გრადუსზე)
• პომიდორი
პომიდორს წითელ შეფერილობას ლიკოპენი ანიჭებს, ძლიერი ანტიოქსიდანტი.
ის ცნობილია, როგორც ერთ-ერთი საუკეთესო ნივთიერება სიმსივნისა და გულის დაავადებების თავიდაც ასაცილებლად.
პომიდორი კალიუმს შეიცავს, რაც სისხლის წნევას არეგულირებს.
ხშირად, მიირთვით პომიდორი და პომიდვრის სოუსი.
• მარწყვი
მარწყვი ანთებასა და სისხლში ქოლესტერინის დონეს ამცირებს, შესაბამისად, ჩვენს არტერიებს იცავს.
მასში შემავალი ანტიოქსიდანტები და ვიტამინი C თავისუფალ რადიკალებს ებრძვის.
მოიმზადეთ ჯანმრთელი გულის შესანარჩუნებლად წითელი სმუზი - მარტივი და ჯანსაღი დესერტი.
რეცეპტი
• დააბლენდერეთ დაბალცხიმიანი იოგურტი ½ ჭიქა მარწყვთან, ½ ჭიქა ჟოლოსთან და ½ ჭიქა ბანანთან ერთად.
• წითელი ბულგარული წიწაკა
ის სასწაული ბოსტნეულია, შეიცავს კაპსაიცინს, ფლავანოიდებს, C ვიტამინსა და უამრავ საკვებ ნივთიერებას.
წიწაკა თრომბის წარმოქმნას უშლის ხელს, ქოლესტერინის დონეს ამცირებს, ასევე - ინსულტისა და ინფარქტის განვითარების რისკს.
• წითელი კომბოსტო
წითელი კომბოსტო ადამიანს იცავს როგორც კარდიოვასკულარული დაავადებებისგან, ასევე სიმსივნისგანაც.
ქოლესტერინის დონეს დაბლა სწევს.
კომბოსტოს წითელ შეფერილობას ანტოციანები ანიჭებს, რაც ასევე მის სასარგებლო თვისებებს განაპირობებს.