ჰიპერტენზია - მკურნალი.გე

რუბრიკები

ოჯახის მკურნალის ანონსი

კითხვა-პასუხი

ჰიპერტენზია

ჰიპერტენზია
ახალი ამბების სამყაროში არტერიული წნევის კონტროლი ინსულტების, გულ-სისხლძარღვთა სისტემის დაავადებათა პროფილაქტიკის საუკეთესო საშუალება რომაა - ეს საიდუმლო აღარავისთვისაა. შესაბამისად, მნიშვნელოვანია, რა მოქმედებს მის მაჩვენებელზე დადებითად და ნეგატიურად.


პრობიოტიკები არტერიულ წნევას აქვეითებს


ზოგჯერ ჰიპერტონია ნაწლავური მიკროფლორის დისბალანსს უკავშირდება, ამიტომ, ასეთ შემთხვევაში, სპეციალისტები პრობიოტიკების მიღებას გვირჩევენ. ჩვეულებრივი კეფირი ან იოგურტი ნერვულ და საჭმლის მომნელებელ სისტემას შორის ნორმალური კავშირის აღდგენას ეხმარება.

კეფირით 2-3-თვიანი მკურნალობით ორგანიზში მნიშვნელოვნად მცირდება ენდოტოქსინების დონე, რაც არტერიული წნევის მაჩვენებლის ნორმალიზებას განაპირობებს.

გარდა ამისა, კეფირი ეხმარება ნაწლავის მიკროფლორის 4 ძირითად ბინადარსა და
თავის ტვინის სპეციფიკურ ფერმენტებს შორის ბუნებრივი ბალანსის აღდგენას, შედეგად, თავის ტვინი და საჭმლის მომნელებელი სისტემა ერთობლივად უკეთ ახერხებენ არტერიული წნევის მაჩვენებლის რეგულაციას.


გაფრთხილებული - შეიარაღებულია!

მარილი - არტერიული წნევის მატების ერთ-ერთი ყველაზე ძლიერი ფაქტორია, ამიტომ სპეციალისტები ჰიპერტონიკებს ურჩევენ, ან საერთოდ გამორიცხონ რაციონიდან მარილი, ან შეამცირონ
მისი მიღება დღეში 1500 მილიგრამამდე.

შეშუპების საწინააღმდეგო მედიკამენტები - ხელს უწყობენ არტერიული წნევის მატებას, ამიტომ მათი შეძენისას დეტალურად წაიკითხეთ გამოყენების წესები და აკრძალვები, რადგან ზოგიერთის მიღება აკრძალულია ჰიპერტენზიის მქონეთათვის.

ალკოჰოლი - არტერიული წნევის მატებისკენ მიდრეკილი ადამიანებისთვის დადგენილია ალკოჰოლის შემცველი სასმლის დღიური ნორმა, რომელიც მამაკაცებისთვის - 2 ჭიქას, ხოლო ქალებისთვის 1 ჭიქას შეადგენს.

ორთქლის აბაზანა - ნუ გაგიტაცებთ ამგვარი გამაჯანსაღებელი საშუალებები, მით უფრო აკრძალულია კონტრასტული შხაპები ცხელი და ცივი წყლის მონაცვლეობით.

წონის კონტროლი და სპორტი - სხეულის მა­სის გაკონტროლებითა და სპორტის ჩართვით არტერიული წნევის სტაბილურ კონტროლს მოახერხებთ.

სულ რამდენიმეწუთიანი ყოველდღიური სპორტული ვარჯიში ძალზე დაეხმარება მეორე ტიპის დიაბეტის მქონეთ არტერიული წნევის მაჩვენებლის დარეგულირებაში.

სეირნობა სუფთა ჰაერზე - სამსახურის შემდეგ მცირე ხნით სუფთა ჰაერზე სეირნობა განსაკუთრებით სასარგებლოა მჯდომარე პროფესიის მქონეთათვის.


არტერიული წნევის ნორმები იცვლება

აშშ-ში ჰიპერტონიკების რაოდენობა 103 მილიონამდე გაიზარდა, სახელმწიფოს მოქალაქეთა 46%-ს აღენიშნება არტერიული წნევის მომატებული მაჩვენებელი, ამ ფაქტმა სპეციალისტები დააფიქრა, მათ გადახედეს მანამდე არსებულ ნორმებს და შეცვალეს ისინი. თუ მანამდე ჰიპერტონიის დიაგნოზს სვამდნენ 140/90-ზე მაჩვენებლის არსებობისას, დღეს ეს დიაგნოზი ისმება უკვე 120-129/80-ზეც.

130-139/80-89-ზე ჰიპერტონიული დაავადების პირველი სტადიაა, 140/90-ზე - მეორე სტადია, 180/120-ზე და ზევით კი ჰიპერტონიული კრიზია, რომელიც გადაუდებელ სამედიცინო დახმარებას საჭიროებს.

სპეციალისტები იმედოვნებენ, რომ არტერიული წნევის ნორმალურ მაჩვენებელთა ცვლილება, უპირველესად, გულ-სისხლძარღვთა დაავადებებისა და ინსულტების რისკს შეამცირებს.


ტონომეტრი ყოველთვის რეალურ მონაცემს არ აჩვენებს!


ექსპერიმენტით დადასტურებულია, რომ ჩვენს ოჯახებში არსებული წნევის აპარატების 70% არტერიული წნევის რეალურ მონაცემს არ აჩვენებს. მათგან 70 % დაახლოებით 5 მმ ვწყ სვ-ს იპარავს, 30% კი - 10-ს.

არტერიული წნევის მაჩვენებლის ცვლილებას ყველაზე ხშირად წნევის გაზომვის დროს ხელისა და სხეულის არასწორი მდებარეობა და მოძრაობა იწვევს, აგრეთვე ჭარბი წონა, ემოციური არამდგრადობა და გაზომვის დროს საუბარი.

სწორედ ამიტომ ექიმებს ეძლევათ რეკომენდაციები, არ დაეფუძნონ პაციენტის ინფორმაციას მათი ნორმალური არტერიული წნევის მაჩვენებლის თაობაზე.


ძილი ჰიპერტონიას ამარცხებს


უქმეების დროს 1 საათით მეტი ძილი არტერიული წნევის დამარეგულირებელი საუკეთესო საშუალებაა. იგი 40%-ში ამცირებს წნევის მატების ალბათობას. დადგენილია, რომ ადამიანებს, რომლებსაც საშუალოდ 6 საათზე ნაკლები სძინავთ, 70%-ით მეტად აწუხებთ წნევის მატება, ვიდრე ადამიანებს, რომელთაც 7-9 საათი შეუძლიათ იძინონ.

თუმცა უქმეებზე ერთი საათით მეტი ძილი ამ რისკს 40%-მდე ამცირებს. განსაკუთრებით - იმ პირებთან, ვისაც ქრონიკული გამოუძინებლობა აწუხებს.


ულტრაიისფერი სხივები წნევას აქვეითებს


მეცნიერები ამტკიცებენ, რომ ულტრაიისფერი სხივები იმდენად ეფექტიანად აქვეითებს არტერიულ წნევას, რომ მათი დახმარებით ანტიჰიპერტონიული თერაპიის ჩატარებაც კი შეიძლება. როგორც გაირკვა, ულტრაიისფერი სხივების მოქმედებით სისხლში თავისუფლდება აზოტოვანი ნაერთები, რომლებიც სისხლძარღვებს აფართოებს და აქვეითებს წნევას. თუმცა, აქვე შეგახსენებთ, რომ დიდი დოზით ულტრაისფერი სხივების მოქმედება იწვევს კანის სიმსივნურ დაავადებებს, ამიტომ ზაფხულში წნევის დასაქვეითებლად მზის პირდაპირ სხივებქვეშ ყოფნისას ზომიერება ნუ გიღალატებთ.
გააკეთეთ კომენტარი
კომენტარი არ გაკეთებულა
მსგავსი სიახლეები
ბრიტანელმა მეცნიერებმა ნოტინგემის უნივერსიტეტიდან რამდენიმე ექსპერიმენტული კვლევის საფუძველზე
29-05-2019
როგორც არაერთხელ გითხარით, ამ სეზონზე გავრცელებული ღორის გრიპი ხასიათდება გართულებებით,
13-01-2019
პრობიოტიკები - ისეთი პრეპარატებია, რომელთა შემადგენლობაშიც შედის ნაწლავში არსებული ცოცხალი
14-11-2018
დიეტოლოგია
დაბერების კვალად, ადამიანის ორგანიზმში საჭმლის მომნელებელი ჯირკვლებისა და ნაწლავების ფუნქცია თანდათანობით ქვეითდება.
აკნეს განვითარებაზე მოქმედებს: გენეტიკურ განწყობა, ჰორმონული ცვლილებები, ბაქტერიების ჭარბი ზრდა,
კატეგორიის სხვა სტატიები
მეცნიერები წლების განმავლობაში იკვლევდნენ სტრესის ზეგავლენას ადამიანის ორგანიზმზე.
სახელწოდება „გულის იშემიური დაავადება“ აერთიანებს იმ მდგომარეობებს, რომელთა დროსაც ნაწილობრივ ან სრულად ირღვევა გულის სისხლით მომარაგება.
მწვავე პერიკარდიტი მწვავე პერიკარდიტი არის გულის მფარავი ორშრიანი ელასტიკური გარსის – პერიკარდიუმის ანთება,
გულ-სისხლძარღვთა დაავადებების ჯგუფს წარმოადგენს გულისა და სისხლძარღვების დაზიანებით მიმდინარე მდგომარეობანი, როგორებიცაა:
ორთოსტატიკური ჰიპოტენზია არის ფეხზე წამოდგომისას სისხლის არტერიული წნევის მკვეთრად დაქვეითება, რის გამოც თავის ტვინისკენ სისხლის მიდენა მცირდება და თავბრუხვევა ან გულის წასვლა ვითარდება.
აშშ-ში ყოველწლიურად ნახევარი მილიონი ქალი იღუპება გულ-სისხლძარღვთა სისტემის დაავადებებისგან, რომელთაგანაც გულის იშემიური დაავადება სიკვდილის ძირითადი მიზეზია.
ცნობილია, რომ სტრესის ფონზე ადამიანს შეიძლება შეუმცირდეს თმის რაოდენობა.
იმპლანტებზე საუბრისას, პირველ რიგში, ესთეტიკური მოტივაცია რომ გვახსენდება, გასაკვირი არ არის.
ნებისმიერ ქალს უჭირს იმასთან შეგუება, რომ, ადრე თუ გვიან, მის მომხიბვლელობას ასაკი თავის კვალს დააჩნევს.
კვებას უდიდესი მნიშვნელობა აქვს როგორც სიმსივნის აღმოცენების, ასევე მისი განვითარების პროფილაქტიკაში.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად