როგორ აისახება ქალაქის ხმაური მიოკარდიუმის ფუნქციაზე
დაასკვნეს, რომ ქალაქის ხმაური გულის კუნთის ფუნქციობაზე უარყოფითად მოქმედებს. კვლევაში მონაწილეობდნენ სხვადასხვა ასაკის მოხალისეები, რომლებსაც ევალებოდათ დიდი ქალაქების ქუჩებში 45 წუთიანი გასეირნება. თითოეულ მონაწილეს მიერთებული ჰქონდა სპეციალური გადამცემი, რომლის დახმარებითაც ანალიზდებოდა მიოკარდიუმის შეკუმშვის სიხშირე და ხასიათი. კვლევის შედეგები მეცნიერთათვის გამაოგნებელი აღმოჩნდა, ყველა მოხალისის გულის მუშაობაში აღინიშნებოდა სერიოზული ცვლილებები (უფრო კონკრეტულად, გულის რიტმი ირღვეოდა) ქალაქის ხმაურის ყოველ ცლილებაზე.
ექსპერტთა აზრით, ეს გარკვეულწილად ნორმაა, ბუნებრივია, რადგან ნებისმიერი სახის ხმაური რეფლექსურ დონეზე საშიშროების შეგრძნებას იწვევს, სისხლში სტრესული ჰორმონების გადმოსროლა ხდება და შესაბამისად, გულის შეკუმშვა ხშირდება.
სწორედ ამიტომაც გულ-სისხლძარღვთა სისტემის დაავადებათა შესამცირებლად და ადამიანთა ცხოვრების ხარისხის გასაუმჯობესებლად დადგინდა ქალაქებში ხმაურის დონის სპეციალური სანიტარული ნორმები. ამ დადგენილებით დღისით ხმაურის დასაშვები ნორმაა 55 დეციბელი, ღამით კი - 40 დეციბელი. სხვა საკითხია, როგორ არის ეს ნორმები დაცული ქალაქებში!
თინათინ გოცაძე