ქალებთან გულის იშემიური დაავადების თავისებურებანი - მკურნალი.გე

რუბრიკები

ოჯახის მკურნალის ანონსი

აგვისტო 2019

კითხვა-პასუხი

ქალებთან გულის იშემიური დაავადების თავისებურებანი

ქალებთან გულის იშემიური დაავადების თავისებურებანი
განვითარებული ქვეყნების უმეტესობაში ქალთა სიკვდილიანობის უმთავრეს მიზეზად გულ-სისხლძარღვთა დაავადებები ითვლება.
აშშ-ში ყოველწლიურად ნახევარი მილიონი ქალი იღუპება გულ-სისხლძარღვთა სისტემის დაავადებებისგან, რომელთაგანაც გულის იშემიური დაავადება სიკვდილის ძირითადი მიზეზია. მიოკარდიუმის ინფარქტით 3-ჯერ მეტი ქალი იღუპება.

გულის იშემიური დაავადება ქალებთან, მამაკაცებთან შედარებით, 10 წლით გვიან ვითარდება. თუმცა რისკფაქტორების არსებობისა და მათი ერთობლივი მოქმედებისას შესაძლებელია გულის იშემიური დაავადების გამოვლინება ახალგაზრდა და საშუალო ასაკშიც.

ახალგაზრდა და საშუალო ასაკის ქალების გიდ-ის დიაგნოსტიკა მნიშვნელოვან სირთულეს წარმოადგენს. სწორედ არსებული მოსაზრება, რომ გიდ მამაკაცთა დაავადებაა და ქალებს ის ხანდაზმულობისას უვითარდებათ, იწვევს
ცდომილებას დიაგნოსტიკისას, დაგვიანებულ მკურნალობასა და პროგნოზის გაუარესებას.

გულის მუშაობა დამოკიდებულია არტერიული სისხლით მოტანილი ჟანგბადით მომარაგებაზე. გულის სისხლით მომმარაგებელი არტერიების შევიწროების ან არაადეკვატური მუშაობისას ვითარდება იშემია, ანუ ვეღარ კმაყოფილდება ჟანგბადზე მოთხოვნილება.

ცნობილია, რომ გულის იშემიური დაავადების სიმპტომები ქალებთან უფრო იშვიათად ვითარდება, ვიდრე მამაკაცებთან. უკანასკნელ პერიოდში სტატისტიკის
მაჩვენებლები ერთმანეთს უახლოვდება.

ქალებთან გულის იშემიური დაავადების სიმპტომები ხშირად მენოპაუზის დადგომის შემდეგ აღინიშნება. სწორედ ამ პერიოდში იზრდება ქოლესტერინის დონე, ნივთიერებათა ცვლის შენელების გამო იზრდება არტერიული წნევაც. ეს უკავშირდება ჰორმონული ფონის შეცვლასა და ორგანიზმის საზოგადო მდგომარეობას. გარდა ამისა, ქალების გულის იშემიური დაავადების განვითარების რისკფაქტორებს მიეკუთვნება:

  • მეტაბოლური სინდრომი;
  • გენეტიკური განწყობა;
  • სიგარეტის მოხმარება;
  • სისხლის შედედების მომატება;
  • სიმსუქნე;
  • შაქრიანი დიაბეტი;
  • სტრესები;
  • უმოძრაობა;
  • ჰიპერტონია.


როგორ ვლინდება გულის იშემიური დაავადება ქალებთან?

გულის იშემიური დაავადების სიმპტომები ქალებთან ხშირად ატიპურია. გულის არეში ტკივილის გარდა, აღინიშნება გულძმარვა, გულისრევა, სისუსტე, შრომის უნარის დაქვეითება. ძლიერი სტრესის, ემოციური გადაძაბვის შედეგად ქალებს ხშირად აღენიშნებათ გულის იშემიური დაავადების ყველაზე მრისხანე გართულება - მიოკარდიუმის ინფარქტი. მამაკაცებში ეს მძიმე დაავადება ხშირად აღენიშნებათ ფიზიკური დატვირთვის შემდეგ.


გულის იშემიური დაავადების მკურნალობა და პროფილაქტიკა


მიოკარდიუმის ინფარქტის, უეცარი კორონარული სიკვდილის რისკის შესამცირებლად სიმპტომატიკის განვითარების ადრეულ ეტაპზე აუცილებელია სრული გამოკვლევა და პათოლოგიის მიზეზის დადგენა. ამისათვის საჭიროა ეკგ, გულისა და სისხლძარღვების ულტრასონოგრაფიული კვლევა, გულმკერდის რენტგენოგრაფია, სხვადასხვა ტესტისა და ფიზიკალური გამოკვლევის ჩატარება, ლაბორატორიული ანალიზები, საჭიროების შემთხვევაში კი - კორონაროგრაფია.

დიაგნოზის დასმის შემდეგ ინიშნება შემდეგი ჯგუფის პრეპარატები:

  • სტატინები;
  • ბეტა-ბლოკერები;
  • ნიტრატები;
  • ანტიაგრეგანტები;
  • აგფ-ინჰიბიტორები.

გულის იშემიური დაავადების მკურნალობისა და პროფილაქტიკისთვის მხოლოდ აბები საკმარისი არაა. მნიშვნელოვანია ცხოვრების ჯანსაღი წესის დამკვიდრება - თამბაქოზე - მნიშვნელოვან რისკფაქტორზე - უარის თქმა.

აუცილებელია საკვები რაციონის გამდიდრება ხილითა და ბოსტნეულით, ქოლესტერინით მდიდარი პროდუქტების შეზღუდვა, მეტი ფიზიკური აქტივობა, ხშირი სეირნობა. დაუშვებელია გადატვირთვა, ისევე როგორც ჰიპოდინამია. აუცილებელია, შეძლებისდაგვარად, სტრესის დონის შემცირება.

ამგვარი მიდგომით მნიშვნელოვნად ქვეითდება ქალებთან გულის იშემიური დაავადების მძიმე შედეგების რისკი.
გააკეთეთ კომენტარი
კომენტარი არ გაკეთებულა
რეკომენდებული პროდუქტები
ღვიძლის ნორმალური ფუნქციონირებისათვის -30აბი
ფასი: 48.9
დიაბეტური ვიტამინი-30აბი
ფასი: 39.9
მშრალი თვალისთვის-13მლ
ფასი: 14.9
კარგი მხედველობის და ნერვული სისტემის ხელშეწყობისთვის-60აბი
ფასი: 28.9
მსგავსი სიახლეები
საქართველოში, რეგიონში პირველად, ნ. ბოხუას სახელობის კარდიოვასკულურ ცენტრში, გულის გადანერგვის ალტერნატიული ოპერაციის ჩატარება გახდება შესაძლებელი.

10-05-2018
კორონაროპლასტიკა სადღეისოდ სტენოკარდიისა და მიოკარდიუმის ინფარქტის მკურნალობის ყველაზე ეფექტურ
05-01-2018
დიეტოლოგია
დასავლეთ ავსტრალიის უნივერსიტეტის თანამშრომლები დარწმუნებულები არიან, რომ ფინჯანი ჩაის ან ერთი
ექსპერტებმა დაასახელეს ბადრიჯანის სასარგებლო თვისებები, რის გამოც ის აუცილებლად უნდა ჩართოთ საკვებ რაციონში.
ნიუ-იორკის ბინგემტონის უნივერსიტეტის მეცნიერებმა დაასკვნეს, რომ ადამიანს ახალგაზრდობაში უფრო მეტად ესაჭიროება
კატეგორიის სხვა სტატიები
ფრაზები - გული მატკინა, გული გამიტეხა, გული მომიკლა - მხოლოდ ემოციათა გამოხატულება როდია, სტრესი მართლაც
გულის სისხლძარღვთა კათეტერიზაცია, ერთ-ერთი ფართოდ გავრცელებული პროცედურაა. თანამედროვე მედიცინა მას ხშირად
სტატისტიკას თუ გადავხედავთ, მსოფლიოში გულსისხლძარღვთა დაავადებებით განპირობებული
დიდი ხანია ცნობილია, რომ ძილის დეფიციტი გულთან დაკავშირებულ სერიოზულ პრობლემებს იწვევს. თუმცა, ბოლო
ირლანდიელმა მკვლევრებმა ბოლო 30 წლის განმავლობაში სტატინების მიღებასა და გულსისხლძარღვთა
ამერიკის კარდიოლოგთა ასოციაციის ექსპერტები აქვეყნებენ რჩევებს, სახელწოდებით ჯანმრთელი გულის არითმეტიკა
ალოე ვერა განსაკუთრებული თვისებების მქონე მარადმწვანე მცენარეა. მისი სამშობლო აფრიკაა, თუმცა დღეს ის უამრავ რეგიონშია გავრცელებული.
სადღეისოდ ასეთი კრემების ასორტიმენტი საკმაოდ ფართოა. ხშირად არც კი ვიცით, რომელი ხაზის კრემი უფრო მიესადაგება ჩვენს კანს.
სამწუხაროდ, ბოლო ათწლეულის მანძილზე ალერგიული დაავადებებით, მათ შორის - ბრონქული ასთმით დაავადებულთა
დღევანდელი ცხოვრების რიტმი, მძიმე ეკოლოგიური გარემო, კვების თავისებურებები განაპირობებს სხვადასხვა პათოლოგიის
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად