რატომ არის სახიფათო ნაწლავური ინფექციის გართულება - ჰემოლიზურ-ურემიული სინდრომი
მისი მიზეზი,უმეტესად, სწორედ ინფექციური პროცესი ანუ ტოქსინის წარმომქმნელი ნაწლავის ჩხირია.
ნაწლავური ინფექციები მსოფლიოში ადამიანთა სიკვდილიანობის მიხედვით მეორე ადგილს იკავებს.სიკვდილის მიზეზი კი რებინებით და ფაღარათით გამოწვეული სითხის დანაკარგია.
ინფექციის წყარო შეიძლება გახდეს ცუდად დამუშავებული ხორცი, კვერცხი, ბოსტნეული, რძე და რძის ნაწარმი.
ჰემოლიზურ-ურემიული სინდრომის განვითარების მექნიზმი შემდეგში მდგომარეობს:
მიკრობთა ტოქსინები იწვევს ჰემოლიზს - სისხლის უჯრედების დაშლას. ამავე ტოქსინების ზემოქმედებით ვითარდება ორგანოთა მკვებავი სისხლძარღვების ანთება და მცირე ზომის თრომბებით დახშობა. ამ ყველაფრის შედეგად კი ორგანოთა სისხლით მომარაგება მცირდება, შესაბამისად, მათი ფუნქციები ირღვევა.გამომდინარე იქიდან, რომ ჰემოლიზურ - ურემიული სინდრომის გამომწვევი მიკრობების ტოქსინთა მიმღები რეცეპტორები სწორედ თირკმელებსა და ტვინშია მრავლად, დარღვევები, პირველ რიგში, თირკმელებსა და ტვინში ვითარდება.
ნიშნები:
- პირველი საგანგაშო ნიშანი ნაწლავთა გახშირებული მოქმედებაა(სისხლიანი დიარეა);
- საყურადღებოა ტემპერატურით ან ტემპერატური გარეშე მიმდინარე დიარეა;
- ენტეროჰემორაგიული ეშერიხია კოლით გამოწვეულ ჰემოკოლიტს თან ახლავს გულისრევა, მუცლის ტკივილი, საერთო სისუსტე;
- შესაძლოა აღინიშნებოდეს შარდის რაოდენობის შემცირება, რაც საყურადღებო ნიშანია - ადრეულ ეტაპზე გამოიხატება ქუთუთოების შეშუპება. შემდეგ კი შარდის გამოყოფა წყდება, რაც ორგანიზმში მავნე ნივთიერებების დაგროვებას უწყობს ხელს;
- შესაძლებელია თავი იჩინოს დეზორიენტაციამ, კრუნჩხვებმა
სიმპტომები უმეტეს შემთხვევაში 4-10 დღეში ვლინდება. დაავადების მკურნალობა კომპლექსურია და მედიკამენტოზურ მკურნალობასთან ერთად სხვადასხვა პროფილის სპეციალისტის ჩარევას გულისხმობს.
ყველაზე კარგი პრევენცია ჰიგიენის დაცვა, საკვების სწორად შენახვა, მათი მაღალ ტემპერატურაზე თერმული დამუშავებაა.