როგორია პოსტკოვიდური სინდრომი ბავშვებში
პოსტკოვიდური სინდრომი იშვიათად გრძელდება 12 კვირაზე მეტ ხანს. მეცნიერთა სტატია გამოქვეყნდა ჟუნრალში Pediatric Infectious Disease Journal.
მეცნიერებამ გაანალიზეს 14 საერთაშორისო კვლევა, რომელის ფარგლებშიდაც შეისწავლეს 19,4 ათასი ბავშვი. მათ, კორონავირუსული ინფექციის გადატანის შემდეგ, აღენიშნებოდათ გარკვეული სიმპტომები. COVID-19-ის მწვავე ფაზის გადატანიდან 4-დან 12 კვირის მანძილზე დაფიქსირებული გავრცელებული სიმპტომებიდან აღსანიშნავია: თავის ტკივილი, დაღლილობა, ძილის დარღვევა, კონცენტრაციის სირთულეები და მუცლის არეში ტკივილი. შემთხვევათა უმრავლესობაში სიმპტომები 12 კვირაზე დიდ ხანს არ გაგრძელებულა.
ამავდროულად მეცნიერები მიუთითებენ სინდრომის შემდგომი კვლევის აუცილებლობაზე, რადგანაც არსებული კვლევების უმრავლესობას სერიოზული შეზღუდვა აქვს. შრომათა უმრავლესობა ეყრდნობა ბავშვების ან მშობლების გამოკითხვას და არ არის გადამოწმებული ექსპერიმენტულად. პოსტკოვიდური სინდრომის ბევრი სიმპტომის გარჩევა პანდემიის ირიბი ეფექტისაგან რთული აღმოჩნდა.