ინგლისი აშშ-დან და ევროკავშირის ქვეყნებიდან ჩასული სრულად ვაქცინირებული მგზავრებისთვის კარანტინს აუქმებს
ინგლისში ჩასვლისას კარანტინს არ გაივლიან. BBC-ის ცნობით, ცვლილება 2 აგვისტოდან, ორშაბათიდან შევა ძალაში.
დიდი ბრიტანეთის ტრანსპორტის მინისტრის ცნობით, სიახლე შეეხებათ იმ პირებს, რომლებიც აშშ-სა და ევროკავშირში დამტკიცებული ვაქცინებით არიან აცრილი, თუმცა მათ ამასთან ერთად მოუწევთ კორონავირუსზე ტესტის გავლა ინგლისში ჩასვლამდე და ჩასვლიდან მეორე დღეს.
Sky News-ის ცნობით, აშშ-ის მოქალაქეებს ვაქცინაციის დამადასტურებელი სერტიფიკატის წარდგენა მოუწევთ, ევროკავშირის ქვეყნებიდან ჩასულ პირებს კი ე.წ. მწვანე პასპორტის. ამრიგად ისინი ინგლისში ჩასვლისას 10-დღიან კარანტინს აირიდებენ თავიდან.
ამჟამად მოქმედი რეგულაციით, ინგლისში ე.წ. ნარინჯისფერი ზონის ქვეყნებიდან, მათ შორის აშშ-დან და ევროკავშირის ბევრი ქვეყნიდან, გარდა საფრანგეთისა, ჩასულ პირებს შეუძლიათ კარანტინის გარეშე შესვლა, თუკი ისინი გაერთიანებულ სამეფოში აიცრნენ.