თამარ გაბუნია - ვფიქრობთ, ამ თვის ბოლომდე გვექნება შესაძლებლობა „სინოფარმით“, „სინოვაკითა“ და „ფაიზერით“ მოვიცვათ მოსახლეობა როგორც დიდ ქალაქებში, ასევე რაიონებში და სოფლის დონეზეც - მკურნალი.გე

რუბრიკები

ოჯახის მკურნალის ანონსი

ივლისი

კითხვა-პასუხი

თამარ გაბუნია - ვფიქრობთ, ამ თვის ბოლომდე გვექნება შესაძლებლობა „სინოფარმით“, „სინოვაკითა“ და „ფაიზერით“ მოვიცვათ მოსახლეობა როგორც დიდ ქალაქებში, ასევე რაიონებში და სოფლის დონეზეც

თამარ გაბუნია - ვფიქრობთ, ამ თვის ბოლომდე გვექნება შესაძლებლობა „სინოფარმით“, „სინოვაკითა“ და „ფაიზერით“ მოვიცვათ მოსახლეობა როგორც დიდ ქალაქებში, ასევე რაიონებში და სოფლის დონეზეც
ვფიქრობთ, ამ თვის ბოლომდე გვექნება შესაძლებლობა, სამივე ვაქცინით - „სინოფარმით“, „სინოვაკითა“ და „ფაიზერით“ მოვიცვათ მოსახლეობა როგორც დიდ ქალაქებში, ასევე რაიონებში და სოფლის დონეზეც,- ამის შესახებ ჟურნალისტებთან ჯანდაცვის მინისტრის მოადგილე თამარ გაბუნიამ განაცხადა. მისი თქნით, თვის ბოლომდე საქართველო „ფაიზერის“ ახალ დოზებს ელოდება.

როგორც გაბუნიამ აღნიშნა, ბოლო პერიოდში ჩატარებული კვლევები მოუთითებს იმას, რომ „დელტა“ შტამის წინააღმდეგ „სინოფარმი“, ისევე როგორც სხვა ვაქცინები, ჰოსპიტალიზაციისა და სიკვდილობის პრევენციის კუთხით, თითქმის 100 - პროცენტიან ეფექტურობას აჩვენებს.

„შემთხვევების რაოდენობა მაღალია, რაც თავისთავად არის განსაკუთრებული ყურადღების საგანი. მობილიზებული რჩება
ჰოსპიტლების ქსელი და მიდის მუშაობა სასტუმროების ქსელის გაფართოებაზე. მოიმატა პედიატრიული შემთხვევების რიცხვმა, იყო ერთეული შემთხვევები მძიმე მიმდინარეობის, სამწუხაროდ გარდაცვალებაც დაფიქსირდა ახალშობილებში, თუმცა, შემთხვევების უმეტესობა არის მსუბუქი ან საშუალო სიმძიმის ბავშვებშიც. შედარებით გახანგრძლივებულ ჰოსპიტალიზაციას ვაკვირდებით ბოლო პერიოდში, რაც საყურადღებოა. ჩვენთვის მთავარი მექანიზმი რჩება ვაქცინაციის პროგრამა, ვაქცინების
რაოდენობა ქვეყანაში არის იმდენი, რომ სრულად ეყოს მოსახლეობას, წლის ბოლომდე მოცვისთვის, ეს არის მილიონნახევარი „სინოფარმი“ და „სინოვაკი“.

ჩვენთვის მთავარი ამოცანაა ჰოსპიტალიზაციის და სიკვდილობის შემცირება, ორივე ამ ვაქცინას ახასიათებს ძალიან მაღალი მაჩვენებელი ჰოსპილაზაციის და სიკვდილობის თავიდან აცილების კუთხით. ველოდებით ასევე „ფაიზერის“ ახალი დოზების მოწოდებას. ვფიქრობთ, ამ თვის ბოლომდე გვექნება შესაძლებლობა, სამივე ვაქცინით, (ასევე „ასტრაზენეკათი“ მიმდინარეობს მეორე დოზით ვაქცინაცია) მოვიცვათ მოსახლეობა როგორც დიდ ქალაქებში, ასევე რაიონებში და სოფლის დონეზეც. აცრის მაჩვენებელი 2-3 დღის წინ იყო 12000 - მდე, რაც „ფაიზერზე“ მაღალ აქტივობას უკავშირდებოდა, ახლა ცოტა შემცირდა და 7000- მდე რჩება, ვფიქრობ მომდევნო დღეებში აცრის მაჩვენებელი მოიმატებს, არის 330 ბრიგადა ქვეყნის მასშტაბით მობილიზებული და თითოეულს შეუძლია დღის განმავლობაში 70- 100 აცრის ჩატარება, ჩვენთვის სამიზნე მაჩვენებელი არის 20 000- ის ზევით ასვლა,"- განაცხადა გაბუნიამ.
ამ ავტორის სხვა სტატიები
გააკეთეთ კომენტარი
კომენტარი არ გაკეთებულა
კატეგორიის სხვა სტატიები
ჯანდაცვის მინისტრის მოადგილის, თამარ გაბუნიას განცხადებით,
ხომ არ უშლის კოვიდის ვაქცინას რაიმე სხვა მედიკამენტი ხელს და ხომ არ არის კოვიდ-ვაქცინები სახიფათო რომელიმე პრეპარატით მკურნალობის დროს?
მამობის მსურველი მამაკაცებისთვის ჩასახვის შანსი იზრდება კარგი ძილის შემთხვევაში. რეკომენდებულია დასაძინებლად დაწოლა 22:30 საათზე.
საკვების მონელების პროცესის ამა თუ იმ რგოლის მოშლისას,
არსებობს უამრავი კოსმეტიკური პროდუქტი, რომლებიც მსხლის ინგრედიენტებსაც შეიცავს.
მზის მცხუნვარე სხივები უარყოფითად მოქმედებს თმის სიჯანსაღესა და შესახედაობაზე.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად