საფრანგეთის მთავრობა - ვირუსის გავრცელების მეოთხე ტალღაში შევედით
რომ ქვეყანაში კორონავირუსის გავრცელების ახალი ტალღა დაიწყო და ინფიცირების მაჩვენებელი სწრაფად იზრდება.
„ვირუსის გავრცელების მეოთხე ტალღაში შევედით. ვხედავთ უფრო სწრაფ ტალღას. ახლა შემთხვევების მაჩვენებელმა ყოველ 100 000- მოსახლეზე 86-ს მიაღწია, რაც ერთ კვირაში თითქმის 125%-იანი ზრდაა“, - აღნიშნა საფრანგეთის მთავრობის პრესსპიკერმა გაბრიელ ატალმა.
საფრანგეთში კვირას კორონავირუსის 12 500-ზე მეტი შემთხვევა გამოვლინდა. ბოლო სამი დღეა ქვეყანაში ინფიცირების ახალი შემთხვევები 10 000-ს აჭარბებს. ეპიდსიტუაციის გაუარესებას ახალ, „დელტა“ ვარიანტს უკავშირებენ. საფრანგეთის ევროპის საქმეთა მინისტრმა, კლემან ბონმა განაცხადა, რომ იმ შემთხვევაში, თუ ინფიცირების შემთხვევები ზრდას განაგრძობს, ქვეყანაში „კომენდანტის საათის“ ხელახლა დაწესება გამორიცხული არ არის.