რა არის მძიმე კოვიდის დროს საიმედო საშუალება
- რამდენად იცავს ან არ იცავს სისხლში ქოლესტერინის დონის დამაქვეითებელი პოპულარული პრეპარატები-სტატინები კოვიდის მძიმე ფორმისაგან.
მეცნიერებმა გაანალიზეს 2020 წლის იანვრიდან სექტემბრამდე პერიოდში ამერიკის 104 საავადმყოფოში, კოვიდით ჰოსპიტალიზირებული ათი ათას ხუთასზე მეტი ანონიმური პაციენტების მონაცემები. ჰოსპიტალიზაციამდე მათი 42% რეგულარულად იღებდა სტატინებს, ხოლო 35% არტერიული წნევის მოსაწესრიგებელ პრეპარატებს. ორი ათასზე მეტი ადამიანი გარდაიცვალა.
კვლევის შედეგად დადგინდა, რომ მათთან, ვინც მხოლოდ სტატინებს იღებდა ან სტატინებს პლიუს ჰიპოტენზიურ საშუალებებს, ლეტალური გამოსავალის რისკი 41%-ით დაბალი იყო. გულსისხლძარღვთა სისტემის დაავადებებით დაავადებული პაციენტებში სტატინებისა და ჰიპერტონიის საწინააღმდეგო საშუალებების მიღება კოვიდისგან სიკვდილის რისკს ამცირებს 32%-ით.
მიღებული შედეგებიდან გამომდინარე, მკვლევარები ყველას, ვისაც ჯანმრთელობის მდგომარეობის გამო, სტატინებისა და ჰიპერტონიის სამკურნალო საშუალებების მიღება ნაჩვენები აქვთ, ურჩევენ, რომ დაიწყონ ამ პრეპარატებით მკურნალობა ან არ შეწყვიტონ მათი მიღება.