ესპანეთში პირბადის გამოყენება ღია სივრცეში სავალდებულო აღარ იქნება
„მომავალი კვირის ხუთშაბათს მთავრობის სპეციალურ სხდომას გავმართავთ და ესპანეთის საზოგადოებას განვუცხადებთ, რომ ღია სივრცეში პირბადის გამოყენება 26 ივნისიდან სავალდებულო აღარ იქნება“, - განაცხადა პრემიერმა.
ესპანეთში ქუჩებსა და საზოგადოებრივი თავშეყრის ადგილებში პირბადის ტარება 2020 წლის მაისიდანაა სავალდებულო, თუმცა ამ მხრივ გამონაკლისი დაიშვება 6 წლამდე ასაკის ბავშვებისა და ჯანმრთელობის ისეთი პრობლემების მქონე პირებისთვის, ვისთვისაც პირბადის გამოყენება რთული, ან სახიფათოა.
ცნობისათვის, ბოლო მონაცემებით ესპანეთში, სადაც დაახლოებით 47 მილიონი ადამიანი ცხოვრობს, კორონავირუსის ვაქცინების ორივე დოზა 13.6 მილიონზე მეტ ადამიანს აქვს გაკეთებული. ქვეყანაში პანდემიის დაწყების დროიდან კორონავირუსით ინფიცირების 3 753 228 შემთხვევაა დადასტურებული, დაღუპულია 80 635 ადამიანი.