ისრაელში პირბადის ტარება შენობებშიც აღარ იქნება საჭირო
რაც წარმოადგენდა ქვეყნის შიგნით ბოლო საკარანტინო აკრძალვას.
გამონაკლისს წარმოადგენს შემდეგი შემთხვევები: ხანგრძლივი ჰოსპიტალიზაციის სამედიცინო დაწესებულებები, გერიატრიული განყოფილებები და ხანდაზმულთა სახლები, ადამიანები, რომლებსაც აუცილებელი თვითიზოლაციის ადგილზე გადაიყვანენ, ავიარეისების მგზავრები. სამედიცინო დაწესებულებებისათვის დამატებითი ინსტრუქციები იქნება მოწოდებული.
ისრაელში 1 ივნისიდან მოიხსნა კორონავირუსის გავრცელების საწინააღმდეგო ყველა შეზღუდვა, გარდა შენობებში ნიღბების ტარებისა. პრაქტიკულად ყველა შეზღუდვის ფაქტობრივი მოხსნა ხელისუფლებამ განახორციელა კოვიდით დაავადების დაბალი და სტაბილური დონის გამო.
მოსახლეობის ვაქცინაცია ისრაელში კომპანია Pფიზერ-ის ვაქცინით დაიწყო გასული წლის 20 დეკემბრიდან. ჯანდაცვის სამინისტროს მონაცემებით, პირველი დოზა მიღებული აქვს 5,479 მილიონ ადამიანს, მეორე— 5,144 მილიონს. ეს ქვეყნის საერთო მოსახლეობის 55%, ხოლო ზრდასრული მოსახლეობის 76%-ია.
როგორც სახელმწიფო რადიოსადგური Kan იტყობინება, 6 ივნისიდან ისრაელში დაიწყო 12-დან 15 წლამდე ბავშვების ვაქცინაცია.
ამასთან, ჯანდაცვის სამინისტროს განცხადებით, ისრაელში შესვლასა და გასვლაზე შეზღუდვა შენარჩუნდება და აუცილებლობის შემთხვევაში გამკაცრდება.
უცხო ქვეყნის მოქალაქეების შეშვება ქვეყანაში შეიზღუდა წლის დასაწყისიდან, ხოლო 11 ივნისს მთავრობამ კოვიდის გავრცელებასთან დაკავშირებული წითელი სიის ქვეყნებიდან ისრაელში მოქალეების შესვლის აკრძალვა 27 ივნისამდე გააგრძელა.