თამარ გაბუნიას ინფორმაციით, „ასტრაზენეკას“ მეორე დოზაზე რეგისტრაცია ვისაც უწევს, 22 ივნისიდან ამის შესაძლებლობა ექნებათ - მკურნალი.გე

, „ასტრაზენეკას“ მეორე დოზაზე რეგისტრაცია ვისაც უწევს, 22 ივნისიდან ამის შესაძლებლობა ექნებათ. გაბუნიას განმარტებით, ქვეყანაში „ასტრაზენეკას“ ვაქცინა, მიმდინარე თვის ბოლომდე შემოვა.

„ასტრაზენეკა“ საქართველოში ივნისის ბოლომდე შემოვა. „ასტრაზენეკას“ მეორე დოზაზე რეგისტრაცია ვისაც უწევს, 22 ივნისის შემდეგ დაემატება ადგილები მომდევნო პერიოდისთვის იმგვარად, რომ ყველას, ვისაც ჩატარებული აქვს პირველი დოზა, აუცილებლად ექნება მეორე დოზის ჩატარების შესაძლებლობა,“- განაცხადა გაბუნიამ.

ამასთანავე, ჯანდაცვის მინისტრის მოადგილის თქმით, ივლისის თვიდან ქვეყანას ექნება საკმარისი რაოდენობა ვაქცინების იმისთვის, რომ ვაქცინაციის გაფართოებული კამპანია დაიწყოს.

„ვაქცინები, რომლებზეც ჩვენ ვმუშაობთ, არის „სინოვაკი“, „სინოფარმი“, „ფაიზერი“. ამ ვაქცინების შემოტანა დაიწყება ქვეყანაში ზაფხულის პერიოდში. დეტალები დაზუსტდება და ეტაპობრივად გაცნობებთ, როგორც კი ამის შესაძლებლობა და თანხმობა მომწოდებლისგან გვექნება. მასიური ვაქცინაციის კამპანია დაიწყება ზაფხულში, პირველი თვე, რომელიც იქნება დატვირთული აქტიური ვაქცინაციით, ეს არის ივლისის თვე და შემდეგ ეტაპობრივად მოწოდება გაგრძელდება,“- განაცხადა გაბუნიამ.