ანტისხეულების მინი ვერსიის შემცველი სპრეი შეიძლება კორონავირუსის საწინააღმდეგო საშუალება აღმოჩნდეს
ნანოსხეულების შესუნთქვით შესაძლებელი გახდა კორონავირუსის დასნებოვნებისა და COVID-19-ის მძიმე ფორმის თავიდან აცილება. ეს პირველი შემთხვევაა, როდესაც მონოკლონალური ანტისხეულების მსგავსი ნანოსხეულები გამოსცადეს კორონავირუსული ინფექციის ინჰალაციური მკურნალობისათვის.
მეცნიერებმა აჩვენეს, რომ PiN-21-ის სახელწოდების აეროზოლური ნანოსხელულების დაბალი დოზები იცავდნენ მღრღნელებს წონის მკვეთრი შემცირებისგან, რაც ჩვეულებრივ დაკავშირებულია SARS-CoV-2-ის ინფექციის მძიმე ფორმასთან და ამცირებდნენ ვირუსული ნაწილაკების რაოდენობას ცხოველებში.
ინჰალაციური თერაპიის ჩატარება უშუალოდ ინფექციის კერაში - სასუნთქ გზებსა და ფილტვებშია შესაძლებელი, რის შედეგადაც იზრდება მკურნალობის ეფექტურობა. ცხოველებს, რომელთაც მიიღეს PiN-21 ნანოსხეულები აეროზოლის ფორმით, უფრო ნაკლებად გამოხატული ჰქონდათ ფილტვის სტრუქტურული ცვლილებები და დაქვეითებული ჰქონდათ ანთების მაჩვენებლები.