გადატანილი გაქვთ თუ არა კოვიდ 19? - კიდევ ერთი ნიშანი, რომელიც ინფექციაზე მიუთითებს
პოსტკოვიდური სიმპტომების ჩამონათვალი მრავალგვარია - დაწყებული მუდმივი ქრონიკული ხველით და დამთავრებული ფსიქოლოგიური პრობლემებით.
თუმცა, ბოლო დროს სოციალურ ქსელებში მოსახლეობის დიდი ნაწილი აქტიურად საუბრობს თმის ცვენასა და დაზიანებულ ფრჩხილებზე.
მათი თქმით, კოვიდის გადატანიდან 2-3 თვის შემდეგ აღენიშნებათ მსგავსი სიმპტომები.
როგორც ფოტოებიდან ჩანს, ეს არის „ბიუს ხაზები“. ჰორიზონატლური თეთრი ხაზები, რომლებიც ქედებს, ღარებს ჰგავს.
ის, ძირითადად, ორგანიზმში თუთიის ნაკლებობისას იჩენს ხოლმე თავს. ასევე, სხვადასხვა ინფექციის გადატანის შემდეგ, როგორებიცაა წითელა, წითურა, ყბაყურა და სხვ.
„ბიუს ხაზები“ პოსტკოვიდურ სიმპტომათა ვრცელ სიას შეემატა.
როგორც ექიმები აღნიშნავენ, ეს არ არის საშიში და ზედმეტი მკურნალობის გარეშე თავისით გაივლის.
თმები და ფრჩხილები მალე განაგრძობენ ჯანსაღ ზრდას. ეს მხოლოდ ორგანიზმის ნიშანია, რომ მან რაღაც სერიოზული გადაიტანა.