ეპიდემიოლოგებმა დაადგინეს, მაქსიმალურად უსაფრთხოდ როგორ უნდა განთავსდნენ მგზავრები თვითმფრინავში
ამასთან დაკავშირებით, ამერიკელმა მეცნიერებმა გამოიკვლიეს თვითმფრინავის ბორტზე დასნებოვნების რისკები.
აღმოჩნდა, რომ ბორტზე მგზავრების დასმის წესი მოქმედებს კორონავირუსით დასნებოვნების რისკზე. მაგალითად, თუ ადგილების შევსება იწყება თვითმფრინავის კუდიდან ცხვირისაკენ, დასნებოვნების რისკი იზრდება.
ცნობილია, რომ ზოგიერთმა ავიაკომპანიამ დაადგინა მგზავრების თვითმფრინავში დაჯდომის სქემა კუდიდან, იმ მოსაზრებით, რომ ასე ინფექციის გავრცელების რისკი მცირდება.
ჩანაფიქრის არსი იმაშია, რომ ადამიანები არ ჩაუვლიან სავარძელზე უკვე დამჯდარ მგზავრებს.
თუმცა, მგზავრების თვითმფრინავის სალონში16000 შესაძლო გადაადგილების კომპიუტერულმა სიმულაციამ აჩვენა ამ მიდგომის არაეფექტურობა. მგზავრების განთავსების აღნიშნული სქემა დასნებოვნების მაჩვენებელს 50%-ით ზრდიდა.
ამის მიზეზი რეალურად ისაა, რომ იქმნება ადამინების შეჯგუფების საშიშროება, რომელთაც სურთ საკუთარი ბარგის განთავსება ერთსადაიმავე თაროზე.
ამდენად, ხელბარგის განთავსების აკრძალვა ამცირებს ვირუსის გადადების რისკს მიუხედავად მგზავრების სალონში განთავსების მეთოდისა.
კომპიუტერული მოდელირებით, დასნებოვნების შემცირება შესაძლებელია, თუ დასაწყისში შევსებული იქნება ფანჯარასთან განთავსებული სავარძლები.